05-Sep-2022

ଆଜି ହେଉଛି ସେପ୍ଟେମ୍ବର ୫ ତାରିଖ, ଭାରତର ପୂର୍ବତନ ରାଷ୍ଟ୍ରପତି ଭାରତ ରତ୍ନ ସର୍ବପଲ୍ଲ୍‌ି ରାଧାକୃଷ୍ଣଙ୍କ ଜନ୍ମ ଦିନ ।  ଏହି ଦିନକୁ ସାôା ଭାରତରେ  ଗୁରୁ ଦିବସ ଭାବେ ପାଳନ କରାଯାଇଥାଏ । । ଆଜି ବଲାଙ୍ଗୀର ସହରର ବିଭିନ୍ନ ସ୍ଥାନରେ ଗୁରୁ ଦିବସକୁ ମହାସମାରୋହରେ ପାଳନ କରାଯାଇଛି । ବଲାଙ୍ଗୀର ନାଗରିକ କମିଟି ପକ୍ଷରୁ ସ୍ଥାନୀୟ ଟାଉନ ବାଳିକା ଉଚ୍ଚ ବିଦ୍ୟାଳୟ ଠାରେ ପାଳିତ ହୋଇଥିବା ଗୁରୁଦିବସରେ ମୁଖ୍ୟ ଅତିଥି ଭାବରେ ପ୍ରଫେସର ମଧୁସୂଦନ ପତି ଯୋଗ ଦେଇଥିବା ବେଳେ ଅନ୍ୟତମ ଅତିଥି ଭାବରେ କମିଟିର ପୂର୍ବତନ ସଭାପତି ଡ. ଲକ୍ଷ୍ମୀକାନ୍ତ ପଟ୍ଟନାୟକ ମଂଚାସୀନ ଥିଲେ । ନାଗରିକ କମିଟିର ସାଧାରଣ ସଂପାଦକ ମନୋରଂଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ କମିଟିର ସଭାପତି ବେଲାରସିଂ ଭୋଇ ଯୋଗ ଦେଇ ଗୁରୁ ଦିବସ ର ତାତ୍ପର୍ଯ୍ୟ ସଂପର୍କରେ ନିଜର ବକ୍ତବ୍ୟ ପ୍ରଦାନ କରିଥିଲେ । ସେହିପରି ମନୋହରପୁର ପୋଲିସ ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ସ୍କୁଲର ପ୍ରଧାନ ଶିକ୍ଷୟିତ୍ରୀ ବିଜୟଲକ୍ଷ୍ମୀ ମିଶ୍ରଙ୍କ ଆବାହକତ୍ୱରେ ଗୁରୁ ପୂଜନ ଓ ଗୁରୁଦିବସ ପାଳିତ ହୋଇଯାଇଛି ।  ଏହି ଅବସରରେ ଛାତ୍ରଛାତ୍ରୀ ମାନଙ୍କୁ ନେଇ ଏକ ପ୍ରଭାତଫେରି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । 
ବଲାଙ୍ଗୀର ଟିକ୍ରାପଡା ଛକସ୍ଥିତ ଅନନ୍ୟା ଜୁଏଲେରୀ ପକ୍ଷରୁ ମଧ୍ୟ ଗୁରୁ ଦିବସ ପାଳିତ ହୋଇଥିଲା । ଗୁରୁ ମାନଙ୍କ ଆଶିର୍ବାଦ ବିନା କୌଣସି ଜିନିଷ ସମ୍ଭବ ନୁହେଁ । ତେଣୁ ଗୁରୁ ମାନଙ୍କ ଆଶିର୍ବାଦ ଭିକ୍ଷା କରି ନିଜର ଜୀବନ କୁ ସରସ ସୁନ୍ଦର କରିବା ପାଇଁ ଅନନ୍ୟା ଜୁଏଲରର୍ସ ଆଜି ଏପରି ଏକ ଅଭିନବ କାର୍ଯ୍ୟକ୍ରମ ହାତକୁ ନେଇଥିଲା । ଏଥିରେ ଅନ୍ୟନ୍ୟା ଜୁଏଲେରୀ ର ସମସ୍ତ କର୍ମଚାରୀ ଓ ନିର୍ଦ୍ଦେଶକ ଅନୀଲ କୁମାର ସାହୁ ଉପସ୍ଥିତ ଥିଲେ । ଏହି ଅବସରରେ କିଛି ବରିଷ୍ଠ ଶିକ୍ଷକଙ୍କୁ ସମ୍ମାନିତ କରାଯାଇଥିଲା ।  ଗ୍ରାହକ ମାନଙ୍କୁ ମିଷ୍ଠାନ୍ନ ବଂଟନ କରାଯାଇ ସ୍ୱାଗତ କରାଯାଇଥିଲା ।  ଆଜି ବଲାଙ୍ଗୀର ସହରର ମଣ୍ଟେସୋରୀ ପବ୍ଲିକ ସ୍କୁଲ, କେନ୍ଦ୍ରୀୟ ବିଦ୍ୟାଳୟ, ୟୁବୋଦୟ କଲେଜ, ଜେଆଇଟିଏମ ଓ ସିଏମ୍‌ସି କମର୍ସ କଲେଜ ଓ ଜେଏସ୍‌ଏମ କମର୍ସ କଲେଜରେ ମଧ୍ୟ ଗୁରୁଦିବସ ପାଳନ କରାଯାଇଥିଲା । ଛାତ୍ରଛାତ୍ରୀ ମାନେ ନିଜ ଜୀବନରେ ସଫଳତା ପାଇଁ ଗୁରୁ ମାନଙ୍କ ଆଶିର୍ବାଦ ଭିକ୍ଷା କରିଥିଲେ ।