05-Sep-2022

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ)  ସାରା ପଶ୍ଚିମ ଓଡିଶାରେ ନିଜକୁ ବର୍ଷକ ଭିତରେ ପ୍ରତିଷ୍ଠା କରି ଖ୍ୟାତି ଅର୍ଜନ କରିଥିବା ଲୋକ ପ୍ରିୟ ବିଗୁଲ ଟିଭି ପକ୍ଷରୁ ଗତ କାଲି ନୂଆଁଖାଇ ଭେଟଘାଟ ତଥା ପ୍ରଥମ ବାର୍ଷିକୋତ୍ସବ ଆୟୋଜିତ ହୋଇଯାଇଛି  ।ସହରର ଭୀମଭୋଇ କଳାମଣ୍ଡପଠାରେ ଆୟୋଜିତ ଏହି ଉତ୍ସବକୁ ରାଜ୍ୟ ବିଧାନ ସଭା ବିରୋଧୀ ଦଳ ନେତା  ନରସିଂହ ମିଶ୍ର ଉଦଘାଟିତ କରି ପଶ୍ଚିମ ଓଡିଶା ର ଏହି ଗଣ ପର୍ବ ନୁଆଁଖାଇ  କୁ ସଫଳ ଓ ଏହାର ମହତ୍ୱ କୁ ସାରା ବିଶ୍ୱ କୁ ପହଞ୍ଚାଇବା କୁ ହେଲେ ପ୍ରଥମେ ଆମ ଚାଷୀ କୁଳ ଓ ଆମ ସମସ୍ତ ଙ୍କ ଏକତା, ଶାନ୍ତି, ଉନ୍ନତି,  ପ୍ରଗତି ଓ ଭାଇ ଚାରା ସମ୍ପର୍କ ଆବଶ୍ୟକ ବୋଲି କହି ସୋନପୁର ମାଟି ର ସ୍ୱତନ୍ତ୍ର ମହକ କଥା ଉଲ୍ଲେଖ କରିଥିଲେ l ଏବଂ ଏ ମାଟି ର ପୁରୁଖା କବିରାଜ,ଲେଖକ, ଜ୍ୟୋତିର୍ବିଦ ଓ ବିଶିଷ୍ଟ ଲୋକ ମାନଙ୍କର  ଦକ୍ଷତା ଓ ପ୍ରତିଭା ର ଉଦାହରଣ ଦେଇ ନିଜ କୁ କେବେ ବି ହେୟ ଜ୍ଞାନ ନ କରି ଏଇ ମହାନ ବ୍ୟକ୍ତିତ୍ୱ ଙ୍କ ଆଦର୍ଶ ରେ ଅନୁପ୍ରାଣିତ ହେବା କୁ ପରାମର୍ଶ କରିଥିଲେ l ସେହିପରି ଉତ୍ସବର ଦ୍ବୀତିୟ ପର୍ଯ୍ୟାୟରେ ରାଜ୍ୟ ଅର୍ଥମନ୍ତ୍ରୀ ନିରଂଜନ ପୂଜାରୀ ଯୋଗଦେଇ ନୁଆଁଖାଇ ଚାଷୀ ଙ୍କ ପର୍ବ କହି ବିଗୁଲ ଟିଭିର ଉଲ୍କେଖନୀୟ କାର୍ଯ୍ୟ ପାଇଁ ଜିଲ୍ଲାବାସୀଙ୍କ ପକ୍ଷରୁ ବିଗୁଲ ଟିଭି କର୍ତ୍ତୃପକ୍ଷଙ୍କୁ ଧନ୍ୟବାଦ ପ୍ରଦାନ କରିଥିଲେ  ।ବିକାଶମୂଳକ ଖବର ,ଗଠନ ମୂଳକ ଖବର ,ଜିଲ୍ଲାର ସମସ୍ୟା ,ଜନସାଧାରଣଙ୍କ ମୌଳିକ ସମସ୍ୟାର ଖବର ତଥା ସଂସ୍କୃତି ଓ ପର୍ଯ୍ୟଟନପୀଠ ଗୁଡିକର ଐତିହାସିକ ମହତ୍ବ ଆଦି ସଂପର୍କରେ ଗତ ବର୍ଷକ ଭିତରେ ବିଗୁଲ ଟିଭି ସାରା ଦେଶର ଓଡିଆମାନଙ୍କ ପାଖରେ ପହଂଚାଇ ପାରିଛି ବୋଲି କହିଥିଲେ l ଏବଂ ଜ଼ିଲ୍ଲା ତଥା ରାଜ୍ୟ ର ଅପହଂଚ ଅଂଚଳ ର ଲୋକ ଙ୍କ ସମସ୍ୟା କୁ ସଠିକ ଭାବେ ଉପସ୍ଥାପନା କରି ଏହି ଚେନେଲ ଲୋକ ଙ୍କ ଆହୁରି ଆସ୍ଥା ଭାଜନ ହେବାକୁ ଶୁଭ ମନାସୀ ଥିଲେ l  ସମ୍ମାନିତ ଅତିଥି ଭାବେ ସୁବର୍ଣ୍ଣପୁର ଏସପି ଅମରେଶ ପଣ୍ଡା ଯୋଗ ଦେଇ  ଗଣ ମାଧ୍ୟମ  ଚତୁର୍ଥ ସ୍ତମ୍ଭ ସ୍ୱବିଳମ୍ବି, ନିର୍ଭିକ, ଓ ସ୍ୱାଧୀନ ହୋଇ ସତ ଖବର ମାଧ୍ୟମ ରେ ସମାଜ ର ଲୋକଙ୍କ ଉପକାର କରନ୍ତୁ  ବୋଲି ମତ ରଖିଥିଲେ l ଏବଂ ଏ ଉସ୍ସବ ର ଆୟୋଜକ ଓ କଳାକାର ଙ୍କୁ ଉତ୍ସାହିତ କରିଥିଲେ l ଅନ୍ୟତମ ଅତିଥି ଭାବେ ସମାଜ ସେବୀ ଶ୍ରୀବତ୍ସ ମଲ୍ଲିକ, ସୋନପୁର ପୌର ଅଧ୍ୟକ୍ଷା ତାମସୀ ତାମସ୍ମିତା ନାଏକ, ବ୍ଲକ ଅଧ୍ୟକ୍ଷ ପ୍ରହଲ୍ଲାଦ ନାଏକ, ତରଭା ବ୍ଲକ ଅଧ୍ୟକ୍ଷା ସରୋଜ କମ୍ପ, ଉଲୁଣ୍ଡା ବ୍ଲକ ଅଧ୍ୟକ୍ଷା ଶାନ୍ତି ଲତା ମିଶ୍ର, ବି ଏମ ପୁର ବ୍ଲକ ଅଧ୍ୟକ୍ଷା ଶାନ୍ତି ଲୁହା, ପ୍ରାକ୍ତନ ନିଗମ ଅଧ୍ୟକ୍ଷ ଅଭିମନ୍ୟୁ କୁଶଳ, ଜ଼ିଲ୍ଲା ପରିଷଦ ଉପାଧ୍ୟାକ୍ଷା ଝସ କେତନ ବଘାର, ଜ଼ିଲ୍ଲା ପରିଷଦ ସଭ୍ୟ ଲବ ସାହୁ, ସରପଞ୍ଚ ଅରବିନ୍ଦ ବାରିକ, ପୌର ଉପାଧ୍ୟାକ୍ଷା ମଲ୍ଲୀକା ଦାନୀ, ଯୋଗ ଦେଇ  ଉତ୍ସାହିତ କରିଥିଲେ l ଏହି ନୂଆଁଖାଇ

ଭେଟଘାଟ କାର୍ଯ୍ୟକ୍ରମରେ ବିଭିନ୍ନ ସାଂସ୍କୃତିକ ଦଳ ନିଜ ନିଜର କାର୍ଯ୍ୟକ୍ରମ ପରିବେଷଣ କରିଥିବା ବେଳେ ଜୁନିଅର ସିନିଅର ଛାତ୍ରଛାତ୍ରୀଙ୍କ ଭିତରେ ହୋଇଥିବା ଫେସନ ସୋ, ନାଚ, ଗୀତ ପ୍ରତିଯୋଗୀତାର କୃତୀ ଛାତ୍ରଛାତ୍ରୀ,  ଜିଲ୍ଲାର ବିରିଷ୍ଠ ସାମ୍ବାଦିକ, ସମାଜସେବୀ, କୋଭିଡ ଯୋଦ୍ଧା, ଶିକ୍ଷକ, ଖେଳାଳୀ, ଓ କଳାକାର ମାନଙ୍କୁ ପୁରସ୍କୃତ ଓ ସମ୍ବର୍ଦ୍ଧିତ କରାଯାଇଥିଲା l  ବିଗୁଲଟିଭିର ମୁଖ୍ୟ ସନ୍ତୋଷ ମିଶ୍ରଙ୍କୁ ଅର୍ଥମନ୍ତ୍ରୀ ନିରଂଜନ ପୂଜାରୀ ତାଙ୍କର ଏହି ଗଣମାଧ୍ୟମ କ୍ଷେତ୍ରରେ ଅବଦାନ ପାଇଁ ଭୂୟସୀ ପ୍ରଶଂସା କରିଥିଲେ  ।