05-Sep-2022

ବୀରମହାରାଜପୁର,( ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟ ଏନସିସି ବିଭାଗ ପକ୍ଷରୁ ପୁରାତନ ଓ ବର୍ତ୍ତମାନ କ୍ୟାଡେଟ ମାନଙ୍କୁ ନେଇ ଦ୍ବିତୀୟ ବାର୍ଷିକ ଏନସିସି ମିଟ୍ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଅବସରରେ ବଲାଙ୍ଗୀର ଇଲେଭେନ ବ୍ୟାଟେଲିଅନର କମାଣ୍ଡିଂ ଅଧିକାରୀ କର୍ଣ୍ଣେଲ କେଦାରନାଥ ସାହୁ ମୁଖ୍ୟ ଅତିଥି,ବଉଦ୍ଧ ପଞ୍ଚାୟତ ମହାବିଦ୍ୟାଳୟ କ୍ୟାପଟେନ ମହେନ୍ଦ୍ରନାଥ ଦେବତା, ବୀରମହାରାଜପୁର ମହାବିଦ୍ୟାଳୟର ଅଧ୍ୟାପକ ହୃଷିକେଶ ପ୍ରଧାନ, ବୀରମହାରାଜପୁର ମହାବିଦ୍ୟାଳୟର ଏନସିସି

ଅଧିକାରୀ କ୍ୟାପଟେନ ସୂର୍ଯ୍ୟନାରାୟଣ ପଣ୍ଡା, ଯୋଗାଚାର୍ଯ୍ୟ ଦ୍ବିତୀକୃଷ୍ଟ ପଣ୍ଡା ସମ୍ମାନୀତ ଅତିଥି ଭାବେ ଯୋଗଦେଇ ଥିଲେ। ଏନସିସି ସିନିଅର ଅଫିସର ମନୋଜ ସାହୁ ସଭା ପରିଚାଳନା କରିଥିବା ବେଳେ ପ୍ରଦୀପ ପ୍ରଧାନ ସଭା ସଂଯୋଜନା କରିଥିଲେ। ଶେଷରେ ସରଜେଣ୍ଟ ନିମାଇଁ ବାରିକ ଧନ୍ୟବାଦ ଅର୍ପଣ କରିଥିଲେ। ପରେ ବାବୁଲାଲ ଲୁହା ଓ ବେଦବ୍ୟାସ ବେହେରା ନିର୍ଦ୍ଦେଶନା ରେ ଏନସିସି ଛାତ୍ରଛାତ୍ରୀ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। କାର୍ଯ୍ୟକ୍ରମର ମୁଖ୍ୟ ଆୟୋଜକ ଚିନ୍ମୟ ପଣ୍ଡା ରହିଥିବା ବେଳେ ସାହସିକତା ପାଇଁ କୁମାର କର୍ମୀ ଓ ଶୃଙ୍ଖଳିତ କ୍ୟାଡେଟ ଭାବେ ସଚିତା ନାଗକୁ ପୁରସ୍କୃତ କରାଯାଇଥିଲା। ୧୭୫ ଜଣ କ୍ୟାଡେଟ କାର୍ଯ୍ୟକ୍ରମ ରେ ସାମିଲ ହୋଇଥିଲେ।