24-Aug-2022

ରେଢାଖୋଲ,(ଅନିଲ କୁମାର ପୃଷ୍ଟି ) ସମ୍ବଲପୁର ଜିଲ୍ଲା ଚାରମାଲ ଥାନା ହେମନ୍ତଖୋଳ ଗ୍ରାମ ନିକଟସ୍ଥ ରାସ୍ତାରୁ ଭାରତ ଫାଇନାନ୍ସ କର୍ମଚାରୀଙ୍କ ଠାରୁ ଗତ ତା ୧୨.୦୮. ୨୨ରିଖ ଅପରାହ୍ନ ଅଢେଇଟା ବେଳେ  ୨ଜଣ ଯୁବକ ବାଇକରେ ଆସି ଠେଙ୍ଗାରେ ମାଡ଼ ମାରି ଟଙ୍କା , ଲାଵଟଵ ଆଦି ଲୁଟି ନେଇଥିଲେ।ଏହାପରେ ଭାରତ ମାଇକ୍ରୋ ଫାଇନାନ୍ସର କର୍ମଚାରୀ ଜ୍ୟୋତି ଲାଲ ବିଶ୍ୱାଳ ଚାରମାଳ ଥାନାର ଦ୍ୱାରସ୍ଥ ହୋଇ ଲୁଟ ଘଟଣା ସମ୍ୱନ୍ଧରେ ଥାନାରେ ଲିଖିତ ଅଭିଯୋଗ କରିଥିଲେ | ଅଭିଯୋଗ ପରେ ପୋଲିସ ଚାରମାଳ ଥାନା କେସ ନମ୍ବର ୧୧୩/୨୨ରେ ତା୧୨.୦୮.୨୨ରେ ଏକ ମାମଲା ରୁଜୁ କରି ତଦନ୍ତ କରି ଥିଲା। ହେଲେ ଲୁଟ ଘଟଣାର ପୋଲିସକୁ ସଫଳତା ମିଳିଛି। ହେଲେ ଲୁଟ ଘଟଣାରେ ଅଭିଯୋଗକାରୀ ହିଁ  ଅଭିଯୁକ୍ତ ବୋଲି ପୋଲିସ ଜାଣିବାକୁ ପାଇ ଅଟକ ରଖି ଥିଲା  |  ଯାହାକି  ତଦନ୍ତ ପରେ  ଅଭିଯୋଗକାରୀ ହିଁ ମୁଖ୍ୟ ଲୁଟେରା ତଥା ଅଭିଯୁକ୍ତ ବୋଲି ପ୍ରମାଣିତ ହେବା ସହ ପୋଲିସ ମଧ୍ୟ ତାକୁ ଗିରଫ କରିଛି। ଗିରଫ ଅଭିଯୁକ୍ତ ମାନେ ହେଲେ ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଥାନା ଅନ୍ତର୍ଗତ କଦଳିପାଲି ଗ୍ରାମର ମୁଖ୍ୟ ଅଭିଯୁକ୍ତ ତଥା ଭାରତ ଫାଇନାନ୍ସ ଫାଇନାନ୍ସର  କର୍ମଚାରୀ  ଜ୍ୟୋତି ଲାଲ ବିଶ୍ୱାଳ(୨୨),   ମୁଖ୍ୟ ଅଭିଯୁକ୍ତର କାକା  ସେହି ଗ୍ରାମର ଶୁଭ୍ର ପ୍ରସାଦ ବିଶ୍ୱାଳ(୨୫) ଓ   କିରାପାଲି ଗ୍ରାମର ଗୌତମ ପ୍ରଧାନ(୨୫)। ପୋଲିସ  ଗିରଫ ଅଭିଯୁକ୍ତ ମାନଙ୍କ ପାଖରୁ ୨ଟି ବାଇକ, ନଗଦ ୭ହଜାର ଟଙ୍କା, ୩ଟି ମୋବାଇଲ ଫୋନ, ଗୋଟିଏ ସାମସଙ୍ଗ ଟାଵଲେଟ, ଗୋଟିଏ ପାୱାର ବ୍ୟାଙ୍କ ଓ ବ୍ୟାଗ ସହ କିଛି କାଗଜପତ୍ରକୁ  ପୋଲିସ ଜବତ କରିଛି।  ହେଲେ ଏହି ଘଟଣାରେ ଗିରଫ ଅଭିଯୁକ୍ତଙ୍କୁ ବୁଧବାର ରେଢାଖୋଲ ଏସଡ଼ିଜେଏମ କୋର୍ଟକୁ ଚାଲାଣ କରାଯାଇଛି ବୋଲି ରେଢାଖୋଲ  ଉପଖଣ୍ଡ ଆରକ୍ଷୀ ଅଧିକାରୀ ପ୍ରଶାନ୍ତ କୁମାର ମେହେର ପ୍ରକାଶ କରିଛନ୍ତି।| 

 ଘଟଣାରୁ ଜଣା ଯାଇଛି ଯେ ଗତ ଅଗଷ୍ଟ ୧୨ତାରିଖ ଦିନ ବୌଦ୍ଧ ସ୍ଥିତ ଭାରତ ଫାଇନାନ୍ସ କର୍ମଚାରୀ ଜ୍ୟୋତି ଲାଲ ବିଶ୍ୱାଳ ରେଢାଖୋଲ ବ୍ଲକ ଚାରମାଳ ଥାନା ଅଞ୍ଚଳର କେତେକ ଗ୍ରାମକୁ ଯାଇ  ବିଭିନ୍ନ ମହିଳା ଏସଏଚଜି ଗ୍ରୁପ ମାନଙ୍କରୁ ଟଙ୍କା ଆଦାୟ କରି  ହେମନ୍ତଖୋଳ ଗ୍ରାମରୁ ବୌଦ୍ଧ ଅଭିମୁଖେ ଯାଉଥିଲେ।  ହେଲେ  କର୍ମଚାରୀ ଜଣଙ୍କ ଟଙ୍କା ଆଦାୟ କରି  ଯାଉ ଥିବା ୨ଜଣ ଯୁବକ ବାଇକରେ ଆସି ଠେଙ୍ଗାରେ  ଫାଇନାନ୍ସ କର୍ମଚାରୀ ଙ୍କୁ ମାଡ଼ ମାରି ଟଙ୍କା  ଆଦି  ଲୁଟି ନେଇଥିଲେ। ଏନେଇ ଅଭିଯୋଗ ପରେ ପୋଲିସ ତଦନ୍ତ କରି ୩ ଜଣଙ୍କୁ ଗିରଫ କରିବା ସହ ଲୁଟ ସାମଗ୍ରୀ ଉଦ୍ଧାର କରିଛି।