20-Aug-2022

ଗଞ୍ଜାମ : ପ୍ରେମ, ଶାରୀରିକ ସମ୍ପର୍କ ପରେ ପ୍ରତାରଣା ସହ ପ୍ରେମିକାକୁ ଧୋକା ଦେବା ଘଟଣା ଦିନକୁ ଦିନ ସମାଜରେ ବୃଦ୍ଧି ପାଇବାରେ ଲାଗିଛି l କେଉଁଠି ପ୍ରେମିକା ନ୍ୟାୟ ଦାବିରେ ଆଇନ ର ଆଶ୍ରୟ ନେଉଛନ୍ତି ତ କେଉଁଠାରେ ପ୍ରେମିକା କିଛି ଉପାୟ ନପାଇ ପ୍ରେମିକର ଘର ଆଗରେ ଧାରଣା ଦେଉଥିବା ଦେଖିବାକୁ ମିଳୁଛି l ସେହିଭଳି ଆଜି ଏକ ଘଟଣା ଦେଖିବାକୁ ମିଳିଛି ଗଞ୍ଜାମ ଜିଲ୍ଲା ଆସିକା ଥାନା ନଳବଣ୍ଟା ଗ୍ରାମର ନୃସିଂହ ମନ୍ଦିର ସାହିରେ l ସାହିର ନରସିଂହ ପ୍ରଧାନଙ୍କ ଘର ଆଗରେ ନ୍ୟାୟଦବୀରେ ଯାଜପୁର ଜିଲ୍ଲା ଶାସନପଡା ଗ୍ରାମର ଗୀତା ମଲ୍ଲିକ ଧାରଣା ବସିଛନ୍ତି l ଏକ ବର୍ଷ ତଳେ ଉଭୟ ତାମିଲନାଡୁ ପରମେଶ୍ୱର ପଲ୍ଲିମରେ ଟେଲରିଙ୍ଗ କାମ କରୁଥିଲେ l ସେଠାରେ ଉଭୟଙ୍କ ମଧ୍ୟରେ ପ୍ରେମସମ୍ପର୍କ ଗଢି ଉଠିଥିଲା l ନରସିଂହ ଗୀତାଙ୍କୁ ବିବାହ ପ୍ରତିଶୃତି ଦେଇ

ଏକାଧିକ ସାରୀରିକ ସମ୍ପର୍କ ରଖିଥିବା ବେଳେ ଗତ ଏକ ମାସ ହେବ ନରସିଂହ ତାଙ୍କ ଫୋନ ଉଠାଉ ନଥିବା ଅଭିଯୋଗ କରିଛନ୍ତି ଗୀତା l ସେପଟେ ପ୍ରେମିକ ତାଙ୍କୁ ଧୋକା ଦେଇ ଅନ୍ୟତ୍ର ବିବାହ କରୁଥିବା ଖବର ପାଇବା ପରେ ପ୍ରମିକା ନ୍ୟାୟ ଦାବିରେ ପ୍ରେମିକ ର ଘର ଆଗରେ ବସିଥିବା ଦେଖିବାକୁ ମିଳିଛି l ଅନ୍ୟପଟେ ଖବର ପାଇ ଆସିକା ପୋଲିସ ଘଟଣା ସ୍ଥଳରେ ପହଞ୍ଚି ଥିବା ସୂଚନା ମିଳିଛି l 

(ଗଞ୍ଜାମରୁ ଭଗବାନ ପାଢ଼ୀ ଙ୍କ ରିପୋର୍ଟ)