19-Aug-2022

ବଲାଙ୍ଗିର (ପ୍ରେରଣା ଖବର) ହତ୍ୟାକାଣ୍ଡର ଗୋଟି ଗୋଟି କରି ସବୁ ଡେମୋ ଦେଖାଉଛନ୍ତି ହତ୍ୟାକାରୀ। ଏ ଲୋମଟାଙ୍କୁରା ଦୃଶ୍ୟ ହେଉଛି ବଲାଙ୍ଗିର ଭୀମଭୋଇ ମେଡିକାଲ କଲେଜ ହସପିଟାଲ ପରିସରର । ଗତ ୧୬ ତାରିଖ ଦିନ ସୁଦପଡାର ଅଜୁଦୋରାଙ୍କୁ ବିଭତ୍ସ ଭାବରେ ହତ୍ୟା କରି ଫେରାର ମାରିଥିଲେ ହତ୍ୟାକାରୀ ।

ମାଁ ର ଆଖି ସାମ୍ନାରେ ପୁଅକୁ କରିଥିଲେ ହତ୍ୟା । ପୁଅ ଅଜୁ ଦୋରାର ମୃତ୍ୟୁ ହୋଇଥିବା ବେଲେ, ମାଁ ଜୟନ୍ତି ଦୋରା ଗୁରୁତର ଅବସ୍ଥାରେ ହସପିଟାଲରେ ଭର୍ତ୍ତି ହୋଇଥିଲେ । ବଲାଙ୍ଗିର ଟାଉନ ପୋଲିସ ହତ୍ୟା ମାମଲା ରୁଜୁ କରିବା ସହିତ, ତଦନ୍ତ ଜାରୀ ରଖିଥିଲା । ମାତ୍ର ଚାରିଦିନରେ  ୪ ଜଣ ହତ୍ୟାକାରୀଙ୍କୁ କାବୁ କରିବାରେ ସଫଲ ହୋଇଥିଲା ବଲାଙ୍ଗିର ପୋଲିସ । 

ବଲାଙ୍ଗିର ଏସ.ପି ନୀତିନ କୁସଳକର ସାମ୍ୱାଦିକ ସମ୍ମିଳନୀରେ ପୂରା ହତ୍ୟାକାଣ୍ଡର ସୂଚନା ଦେଇଛନ୍ତି । ପାରିବାରିକ ଝଗଡାରୁ ନିଜ ଦାଦା(କାକା) ପୁଅ ଭାଇ ଅଜୁ ଦୋରାକୁ ମୁନା ଦୋରା ହତ୍ୟା କରାଇଥିଲା । ଭାଇ ମୁନା ଦୋବା ସହିତ ରାହୁଲ ପାଣିଗ୍ରାହୀ, ସୋମ ପୁଜିଂ ଓ ଚନ୍ଦ୍ର ପଧାନଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । କେମିତି ଧରାପଡିଲେ ହତ୍ୟାକାରୀ, ଏ ନେଇ ଆଜି ଏକ ପ୍ରେସ ମିଟ ମାଧ୍ୟମରେ ସୂଚନା ଦେଇଛନ୍ତି ବଲାଙ୍ଗିର ଏସ୍ ପି ନୀତିନ୍ କୁଶଳରେ l