13-Aug-2022

ଜୟପୁର ସାହିତ୍ୟ ପରିବାର ଆନୂକୂଲ୍ୟରେ ସ୍ୱତନ୍ତ୍ରତାର ଅମୃତ ମହୋତ୍ସବର ପ୍ରଥମ ଭାଷଣମାଳା ଶନିବାର ସଂଧ୍ୟାରେ ଗୁଗଲମିଟ ମାଧ୍ୟମରେ ଅନୁଷ୍ଠିତ ହେଇଯାଇଅଛି । ଏଥିରେ ନବରଙ୍ଗପୁର ମହାବିଦ୍ୟାଳୟର ପ୍ରାକ୍ତନ ରାଜନୀତି ବିଜ୍ଞାନ ପ୍ରଫେସର ଡ଼. ବିଜୟ କୁମାର ମିଶ୍ର ଯୋଗଦେଇ ଅସହଯୋହ, ଆଇନ ଅମାନ୍ୟ  ତଥା ଭାରତଛାଡ଼ ଆନ୍ଦୋଳନ ସମୟରେ ଅବିଭକ୍ତ କୋରାପୁଟ ଜିଲ୍ଲାର ବିଭିନ୍ନ ସ୍ୱାଧିନତା ସଂଗ୍ରାମୀ ଯଥା ଶହୀଦ ଲକ୍ଷ୍ମଣ ନାୟକ, ଲିଙ୍ଗା ଭୂମିଆ, ନକୁଳ ପୂଜାରୀ,ସଦାଶିବ ତ୍ରିପାଠୀ,ରାଧାକୃଷ୍ଣ ବିଶ୍ୱାସରାୟ, ରାଧାମୋହନ ସାହୁ,ମହମ୍ମଦ ବାଜି, ବଗା ପୂଜାରୀ, ସୋନୁ ମାଝି ତଥା ଏହି ଆନ୍ଦୋଳନ ମାନଙ୍କ ପୂର୍ବରୁ ମାଲକାନଗିରି ରୁ ରାଣୀ ବାଙ୍ଗାରୁ ଦେବୀ ତଥା ବିପ୍ଲବୀ ତାମା ଦୋରାଙ୍କ ଅବଦାନ ସମ୍ପର୍କିତ ଘଟଣାବଳୀ ବଖାଣିଥିଲା । ମାଥିଲି ଗୁଳିକାଣ୍ତ, ପାପଡ଼ାହାଣ୍ତି ଗୁଳିକାଣ୍ତ, ନନ୍ଦପୁର ଗଣ ବିଦ୍ରୋହ, ଜୟପୁର ଗୁଳିକାଣ୍ତ ଆଦି ଘଟଣାମାନଙ୍କର ସ୍ମୃତି ରୋମାନ୍ଥନ ହେଇଥିଲା । ସଭାରେ ଜୟପୁର ସାହିତ୍ୟ ପରିବାର ର କାର୍ଯ୍ୟକାରୀ ସମ୍ପାଦକ ଅରୁଣ କୁମାର ତ୍ରିପାଠୀ ସଂଯୋଜନା କରିଥିବା ସ୍ଥଳେ ଶିକ୍ଷୟିତ୍ରୀ ଶ୍ରୀମତୀ ବେବିରାଣୀ ନନ୍ଦ ସମାପ୍ତ ଟିପ୍ପଣୀ ପ୍ରଦାନ କରିଥିଲା । ସଭାରେ ଗୁଣୁପୁର ରୁ କଣ୍ଠଶୀଳ୍ପୀ ମିହିର ପଟନାୟକ ପ୍ରାରମ୍ଭିକ ସଙ୍ଗୀତ ଗାୟନ କରିଥିବା ସ୍ଥଳେ ଦେଶାତ୍ମୋବୋଧ ସଙ୍ଗୀତ ପରିବେଷଣ କରିଥିଲେ ପୁରୀ ରୁ ଶିକ୍ଷୟିତ୍ରୀ ଶ୍ରୀମତୀ ପାର୍ବତୀ ମହାପାତ୍ର । ସଭାଶେଷରେ ଧନ୍ୟବାଦ ପ୍ରସ୍ତାବ ଦେଇଥିଲେ ସମ୍ବଲପୁର ମାନେଶ୍ୱର ଆଦର୍ଶ ବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ମଂଜୁସା ମିଶ୍ର । ସଭାଟିରେ ଓଡି଼ଶାର ବିଭିନ୍ନ ଜିଲ୍ଲାରୁ ଜ୍ଞାନ ପିପାସୁଗଣ ଯୋଗଦେଇ ଜ୍ଞାନ ଯଜ୍ଞଟିକୁ ସଫଳ କରେଇଥିଲେ ।