07-Aug-2022

ବଲାଙ୍ଗିର /ଖପ୍ରାଖୋଲ(ପୂର୍ଣ୍ଣ ଶେଖର ରାଓ) ପାଟଣାଗଡ଼ ଉପଖଣ୍ଡ ରେ ଦୁଇ ତିନି ବର୍ଷ ହେଲା ଅପରାଧିକ କାର୍ଯ୍ୟକଳାପ ବଢ଼ିଚାଲିଥିବାବେଳେ ବେଆଇନ କାରବାର ମଧ୍ୟ ବଢ଼ିଚାଲିଛି। ପୋଲିସ କିଛି ମାମଲା ରେ ସଫଳତା ପାଉଛନ୍ତି ତ କିଛି ମାମଲା କାହାଣୀ ହୋଇ ରହିଯାଇଛି। ଆଜକୁ ତିନି ମାସ ତଳେ ପାଟଣାଗଡ଼ ବ୍ଳକ ରେ କାର୍ଯ୍ୟରତ ଥିବା କନିଷ୍ଠ ଯନ୍ତ୍ରୀ ସୁରେଶ ଚନ୍ଦ୍ର ସାହୁ ଙ୍କ ହତ୍ୟା ହୋଇଥିଲା କିନ୍ତୁ ଆଜି ପର୍ଯ୍ୟନ୍ତ କୌଣସି ଅପରାଧୀକୁ ଧରିବା ରେ ସଫଳ ହୋଇନାହିଁ ପୋଲିସ ପ୍ରଶାସନ। ସୂଚନାଯୋଗ୍ୟ ଯେ ପାଟଣାଗଡ଼ ଉପଖଣ୍ଡ ବେଲପଡା ବ୍ଲକ କପାଣି ଗାଁ ର କ୍ଷୀତିସ ଚନ୍ଦ୍ର ବେହେରା (୨୪) ପିତା.କିର୍ତନ ବେହେରା ଆଶିର୍ବାଦ ମାଇକ୍ରୋଫାଇନାସ୍ ଲାଠୋର ବ୍ରାଞ୍ଚ ରେ କାମ କରନ୍ତି।ଗତ ୪.୦୮.୨୨ ଗୁରୁବାର ଦିନ ନିଜ କାମ ସାରି ଫେରିବା ବେଳେ ୪:୩୦ ସମୟ ରେ ପାଟଣାଗଡ଼ ରୁ ଲାଠୋର ରାସ୍ତା କପସିପାଲି ଠାରେ କିଛି ଦୃବୃତ୍ତ ଆସି ଡକାୟତି କରିଥିଲେ ତାଙ୍କ ପାଖରେ ଟଙ୍କା ନଥିବାବେଳେ ମୋବାଇଲ,ବ୍ଳୁ ଟୁଥ ଏବଂ କାଗଜପତ୍ର ନେଇ ଯାଇଥିଲେ।ପରେ ବେହେରା ଖପ୍ରାଖୋଲ ଥାନା ରେ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ପୋଲିସ ଥାନା ରେ କେଶ ନଂ ୯୭ତାରିଖ ୪.୦୮.୨୨ ୟୁ/ଏସ୍ ୩୯୨ ମାମଲା ରୁଜୁ କରି ଥାନା ଅଧିକାରୀ ରମାକାନ୍ତ ସାହୁ ତଦନ୍ତ ଚଳାଇଥିବା ବେଳେ ୬/୦୮/୨୨ ଦିନ ଧରିବା ରେ ସଫଳ ହୋଇଛନ୍ତି। ଗିରଫ ବ୍ୟକ୍ତିମାନେ ହେଲେ ପାଟଣାଗଡ଼ ଥାନା କୁତମୁଣ୍ଡା ଗାଁ ର ପୁରନ୍ଦର କୁମ୍ଭାର (୨୨) , ପାଟଣାଗଡ଼ ଥାନା ମୁଣ୍ଡପଲା ଗାଁ ର କେଶବ ବାରିକ (୨୭), ପାଟଣାଗଡ଼ ଥାନା ଘୁନଘୁଟିପାଲି ଗାଁ ର ଗୋବିନ୍ଦ କାଲସାଏ (୨୬), ପାଟଣାଗଡ଼ ଥାନା ଭାଲୁପିଟା ଗାଁ ର ତରଣୀ ଜଗଦଲା (୨୮) ଗିରଫ କରି କୋର୍ଟ ଚାଲାଣ କରିଥିବା ବେଳେ ତୁଷୁରା ଥାନା ଅଇଁଲାପାଲି ଗାଁ ର ପ୍ରିୟମ ସାହୁ (୧୬) କୁ ଗିରଫ କରିବା ପାଇଁ ତୁଷୁରା ଥାନା କୁ ନିର୍ଦେଶ ଦିଆଯାଇଥିବା ସହ ରାଉରକେଲା ପଠାଇବା ପାଇଁ ତୁରନ୍ତ ବ୍ୟବସ୍ଥା ରହିଛି ବୋଲି ଉପଖଣ୍ଡ ପୋଲିସ ଅଧିକାରୀ ଜ୍ୟୋତିର୍ମୟ ଭୁକ୍ତା ସୂଚନା ଦେଇଛନ୍ତି।