02-Aug-2022

ପାଟଣାଗଡ଼ (ସଚ୍ଚିଦାନନ୍ଦ ମହାକୁର ) ପାଟଣାଗଡ଼ ଉପଖଣ୍ଡ ବେଲପଡା, ଖପ୍ରାଖୋଲ, ପାଟଣାଗଡ଼ ଆଦି ବ୍ଳକ ରେ ପ୍ରଚୁର ପରିମାଣରେ ବେଆଇନ ନିଶା କାରବାର ବୃଦ୍ଧି ପାଉଥିବା ବେଳେ ଏକ୍ସନ ମୁଡ୍ ରେ ଆସିଛନ୍ତି ପାଟଣାଗଡ଼ ନୂତନ ଭାବେ ଯୋଗଦେଇ ଥିବା ଅବକାରୀ ବିଭାଗ ଅଧିକାରୀ ସତ୍ୟ ନାରାୟଣ ଦାସ । ଶ୍ରୀ ଦାସ ଗତ ୨.୭ .୨୨ ରେ ଯୋଗଦାନ କରିଥିଲେ । ତାଙ୍କ ଯୋଗଦାନ ର ମାତ୍ର ଏକ ମାସ ମଧ୍ୟରେ ୨୨ ଟି ମଦମାଫିଆ କୁ ଗିରଫ କରି କୋର୍ଟ ଚାଲାଣ କରି ପାଟଣାଗଡ଼ ଅବକାରୀ ବିଭାଗର ରେକର୍ଡ ସୃଷ୍ଟି କରିଛନ୍ତି । କୌଣସି ରାଜନୈତିକ ଚାପକୁ ଖାତିର ନକରି ନିଜର କର୍ତ୍ତବ୍ୟ କରି ଚାଲିଛନ୍ତି। ପରଦିନ ପାଟଣାଗଡ଼ ଓ ଖପ୍ରାଖୋଲ ଥାନା ଅଇଁଲାପାଲି ଓ ଡଙ୍ଗିଆବାହାଲ ଗ୍ରାମ ର ପୃଥକ୍ ପୃଥକ୍ ଭାବରେ ଚଢ଼ାଉ କରି ତିନି ମଦମାଫିଆଙ୍କୁ ଗିରଫ କରି କୋର୍ଟ ଚାଳଣା ନକରିବା ପୂର୍ବରୁ ବିଲମ୍ବିତ ରାତିରେ ହଠାତ୍ ଜଣେ ପ୍ରଵଶାଲି ନେତା ଆସି ଛାଡ଼ି ଦିଅନ୍ତୁ କହି ଧମକ ଦେଇଥିଲେ। ତଥାପି ଅବକାରୀ ଅଧିକାରୀ ଶ୍ରୀ ଦାସ ଖାତିର ନକରି ସେମାନଙ୍କୁ କୋର୍ଟ ଚାଲାଣ କରି ବୁଦ୍ଧିଜୀବୀ ମହଲରେ ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ଏହି ପରି ଆଜି ଭୋରରୁ କୌଣସି ସୂତ୍ରରୁ ଖବର ପାଇ ଖପ୍ରାଖୋଲ ଥାନା ବାଘଝରନ ଗାଁ ର ଯଦୁମଣି ବରିହା ଙ୍କ ଘରେ ଚଢ଼ାଉ କରି ୨୦ ଲିଟର ରନ୍ଧା ମଦ ଜବତ କରିବା ସହ ବାଇକ୍ କୁ ଜବତ କରି ପାଟଣାଗଡ଼ ଅବକାରୀ ଷ୍ଟେସନ କୁ ଆଣି ଅବକାରୀ କେଶ୍ ନମ୍ବର ୭୩ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ପାଟଣାଗଡ଼ ଅବକାରୀ ଅଧିକାରୀ ସତ୍ୟ ନାରାୟଣ ଦାସ ସୂଚନା ଦେଇଛନ୍ତି। ତାଙ୍କର ଏକ୍ସନ ମୁଡକୁ ଦେଖି ବେଆଇନ ନିଶା କାରବାର କରୁଥିବା ମାଫିଆ ମାନଙ୍କ ମନରେ କୋକୁଆ ଭୟ ସୃଷ୍ଟି କରୁଥିବା ବେଳେ ପାଟଣାଗଡ଼ ଉପଖଣ୍ଡ ରେ ଅଧିକାରୀ ଙ୍କ ଏପରି ପଦକ୍ଷେପ ପାଇଁ ବେଆଇନ ନିଶା କାରବାର ବନ୍ଦ ହେବା ଆଶା ପ୍ରକଟ କରାଯାଉଛି ।