02-Aug-2022

ପାଟଣାଗଡ଼ (ସଚ୍ଚିଦାନନ୍ଦ ମହାକୁର)  ପାଟଣାଗଡ଼ ଉପଖଣ୍ଡ ସ୍ତରୀୟ ୭୫ ତମ ସ୍ଵାଧୀନତା ଦିବସ ପାଳନ ପାଇଁ ପ୍ରଶାସନ ପକ୍ଷରୁ ପ୍ରସ୍ତୁତି ବୈଠକ ସ୍ଥାନୀୟ ସୁଭଦ୍ରା ଭବନ ଠାରେ ଅନୁଷ୍ଠିତ ହୋଇଯାଇଅଛି । ଅନୁଷ୍ଠିତ ବୈଠକ ରେ ଉପଜିଲ୍ଲାପାଳ ଡ଼ ବିଜୟ କୁମାର ସେଠୀ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ  ଏନଏ ସି ମାନସୀ ବିଶ୍ଵାଲ, ତହସିଲଦାର ନିଲମ୍ବିତ ଡ଼ ପୁଷ୍ପାଞ୍ଜଳି ପଣ୍ଡା ,ଏସଡିପିଓ ଜ୍ୟୋର୍ତିମୟ ଭୁକ୍ତା , ଏନ୍ ଏ ସି କାର୍ଯ୍ୟ ନିର୍ବାହ ଅଧିକାରୀ , ସହକାରୀ ଜିଲ୍ଲାପାଳ କ୍ଷିରୋଦ ଚଂଦ୍ର ସାହୁ ପ୍ରମୁଖ ଉପସ୍ଥିତ ଥିଲେ।  ବୈଠକରେ  ଉପଖଣ୍ଡ ସ୍ତରୀୟ  ୭୫ ତମ ସ୍ଵାଧୀନତା ଦିବସ ପାଳିତ ଅବସରରେ   କୋଭିଡ କଟକଣା ନିୟମ ଅନୁସାରେ ସହରର ବିଭିନ୍ନ ଛକ ସ୍ଥାନ ଗୁଡିକରେ   ଥିବା ମହାପୁରୁଷଙ୍କୁ ମୂର୍ତ୍ତି ରେ ପୁଷ୍ପମାଲ୍ୟ ଅର୍ପଣ କରିବା ସହ ବିଭିନ୍ନ ପ୍ରତିଯୋଗିତାରେ ଭାଗ ନେଇଥିବା କୃତ୍ତି ପ୍ରତିଯୋଗିତାକୁ ମାନପତ୍ର ଉପଢୌକନ ଦେଇ ସମ୍ବର୍ଦ୍ଧିତ କରାଯିବାକୁ ବୈଠକ ରେ ନିଷ୍ପତ୍ତି ନିଆଯାଇଥିଲା । ଏହି ଅବସରରେ  କାର୍ଯ୍ୟରତ ସାମ୍ବାଦିକ ଙ୍କୁ  ସ୍ବର୍ଗତ ବରିଷ୍ଠ ସାମ୍ବାଦିକ କୈଳାସ ଚନ୍ଦ୍ର ଓ ଯତିଶ ଚନ୍ଦ୍ର ଖମାରୀ ଙ୍କ ମରୋଣତ୍ତର ସମ୍ମାନ ରେ ସମ୍ମାନିତ କରିବା ପାଇଁ ପ୍ରଶାସନ ପକ୍ଷରୁ ନିଷ୍ପତ୍ତି ନିଆଯାଇଥିଲା । ବୈଠକରେ ,ସ୍ଵାସ୍ଥ୍ୟ ,  ପୋଲିସ   , ବିଦ୍ୟୁତ , ଅଗ୍ନିଶମ , କୃଷି ,ଶିକ୍ଷା ,ଶ୍ରମବିଭାଗ,ଆଇସିଡିଏସ ଆଦି ସମସ୍ତ ବିଭାଗର ଅଧିକାରୀ ଙ୍କ ସମେତ ଗଣମାଧ୍ୟମ ପ୍ରତିନିଧି ମାନେ ଉପସ୍ଥିତ ଥିଲେ ।