27-Jul-2022

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କେଉଟିପାଲି ହାଇସ୍କୁଲକୁ ୫ଟିରେ ରୁପାନ୍ତରିତ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ପ୍ରଧାନ ଶିକ୍ଷକ ଦେବରାଜ ସାହୁଙ୍କ ସଭାପତିତ୍ୱରେ ହୋଇଥିବା ବୈଠକରେ ବିଡିଓ ହେମସାଗର ଭୋଇ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ସମ୍ମାନୀତ ଅତିଥି ଭାବରେ ଏସପତ୍ରାପାଲି ସରପଂଚ ସନାତନ ମହାଲିକ, ସହକାରୀ ଯନ୍ତ୍ରୀ ସନ୍ତୋଷ ସେଠୀ, ଯନ୍ତ୍ରୀ ସୁଜାତା ବେହେରା, ମୋସ୍କୁଲ ଅଭିଜାନର ସଭାପତି ଅଶୋକ ଶର୍ମା, ପରିଚାଲନା କମିଟି ସଭାପତି ଦେବେନ୍ଦ୍ର ନାଏକ ମଂଚାସୀନ ହୋଇଥିଲେ । ବୈଠଲରେ ବିଦ୍ୟାଲୟକୁ ୫ଟିରେ ସାମିଲ କରାଯାଇଥିବା ନେଇ ବିଡିଓ ସୂଚନା ଦେଇଥିଲେ । ଏଥି ସହିତ ଛାତ୍ରଛାତ୍ରୀ ମାନେ କିକିସୁବିଧା ପାଇ ପାରିବେ ବୁଝାଇବା ସହ  ଯଥାଶିଘ୍ର ନିର୍ମାଣ କାର୍ଯ୍ୟ ଆରମ୍ଭ ହେବ ବୋଲି ପ୍ରକାଶ କରିବା ସହ ସମସ୍ତଙ୍କ ସହେଯାଗ କାମନା କରିଥିଲେ । ଏହି ଅବଶରରେ ବିଦ୍ୟାଲୟ ପରିଶର ବୁଲିଦେଖିବା ସହ ୫ଟିମଡେଲ କୋଠା ନିର୍ମାଣ ପାଇଁ ସ୍ଥାନ ଚିହ୍ନଟ କରିଥିଲେ ।  ବୈଠକରେ  ବିଦ୍ୟାଲୟର ସମସ୍ଥ ଶିକ୍ଷକ, ଶିକ୍ଷୟତ୍ରୀ ଏବଂ ଛାତ୍ରଛାତ୍ରୀ ମାନେ ଉପସ୍ଥିତ ଥିଲେ । ଶିକ୍ଷକ ଅଜୟ ରାଉତରାଏ ଧନ୍ୟବାଦ ଦେଇଥିଲେ ।