26-Jul-2022

ଲୋଇସିଂହା, (ବିନୋଦ କୁମାର ଦୀପ) ବିଜୁ ଜନତା ଦଳର  ୨୫ ବର୍ଷ ପୂର୍ତ୍ତି ଅବସରରେ ଦଳର ସଭାପତି ତଥା ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଲୋଇସିଂହା ନିର୍ବାଚନ ମଣ୍ଡଳୀ ଅଧୀନସ୍ଥ ଲୋଇସିଂହା ବ୍ଲକ ବିଜୁ ମହିଳା, ଯୁବ ଛାତ୍ର ଜନତା ଦଳ ତରଫରୁ ବ୍ଲକ ମହିଳା ସଭାପତି ଜୋସ୍ନାମୟୀ ନାଗ , ଯୁବ ସଭାପତି ପ୍ରକାଶ ମହାରଣା ଏବଂ ଜିଲ୍ଲା ଛାତ୍ର ଉପ ସଭାପତି ଟିପଲୂ କଦମଙ୍କ ସଭାପତିତ୍ୱରେ  ୩ ଟି ପଞ୍ଚାୟତର ଯଥା ସରଗାଡ଼, ତଲିଉଡ଼ାର ଓ କୁସମେଲ ପଞ୍ଚାୟତର ବିଭିନ୍ନ ସ୍ଥାନରେ ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି l ବୃକ୍ଷରୋପଣ କାର୍ଯ୍ୟକ୍ରମରେ ମୁଖ୍ୟଅତିଥି ଭାବରେ ଲୋଇସିଂହା ନିର୍ବାଚନ ମଣ୍ଡଳୀର ଯୁବନେତା ତଥା ରାଜ୍ୟ ପରିଷଦ ସଦସ୍ୟ ଶ୍ରୀଯୁକ୍ତ ନିହାର ରଞ୍ଜନ ବେହେରା ଯୋଗ ଦେଇଥିବା ବେଳେ ସମ୍ମାନିତ ଅତିଥି

ଭାବରେ  ୩୪ନମ୍ବର ଜୋନ ଜିଲ୍ଲା ପରିଷଦ ସଭ୍ୟା ସଂଯୁକ୍ତା ବରିହା, ସରଗାଡ଼ ସରପଞ୍ଚ ସରୋଜ ବେହେରା, ତଲିଉଡ଼ାର ସେମିତି ସଭ୍ୟ ରାଜକିଶୋର ପଟେଲ,  ବିଜେଡି ଜିଲ୍ଲା ସମ୍ପାଦକ ନେହେରୁ ବିଶ୍ୱାଲ, ଦେବରାଜ ବାଗ, ଜୟଦେବ ବାରିକ,ନାରାୟଣ ଦାସ, କୈଲାସ ବରିହା ପ୍ରମୁଖ ଉପସ୍ଥିତ ରହିବା ସହିତ ଲୋଇସିଂହା ବ୍ଲକର ବିଜୁ ଯୁବ ଛାତ୍ର ଓ ମହିଳା ଦଳର ଅନ୍ୟାନ୍ୟ କର୍ମକର୍ତା ମାନେ ଏହି ବୃକ୍ଷ ରୋପଣ କାର୍ଯ୍ୟକ୍ରମକୁ ସାଫଲ୍ୟ କରିଥିଲେ l