07-Jul-2022

ମୁରିବାହାଲ/ ମୁରିବାହାଲ ବଡ଼ ଖବର ସାମ୍ବାଦିକ ତରାଣୀସେନ ମେହେରଙ୍କ ସଭାପତିତ୍ୱରେ ଗୁରୁବାର ଦିନ ମହାମହିମ ରାଜ୍ୟପାଳଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଇଛି |ଗତ   ୩୦ ତାରିଖ ବଡ଼ ଖବର  ନ୍ୟୁଜଚେନେଲର ସମ୍ପାଦକ ଅର୍ଦ୍ଧେନ୍ଦୁ ଦାସଙ୍କୁ ରାତି ଅଧରେ ଗିରଫ କରି କୋର୍ଟ ଚାଲାଣ କରିବା ଘଟଣା ଅତ୍ୟନ୍ତ ନିନ୍ଦନୀୟ ଏବଂ ଦୁର୍ଭାଗ୍ୟଜନକ |ସାମ୍ବାଦିକ ଜଗତ ପାଇଁ ଏହା ଏକ କଳାଦିନ ବୋଲି ସାମ୍ବାଦିକ ମାନେ ମତ ଦେଇଛନ୍ତି | ଆକ୍ରୋଶ ମୂଳକ ଭାବେ ଜଣେ ସାମ୍ବାଦିକଙ୍କୁ ହଇରାଣ କରିବାପାଇଁ ସରକାର ଏପରି ପଦକ୍ଷେପ ଗ୍ରହଣ କରିଛନ୍ତି |ଦୁର୍ନୀତିକୁ ଲୋକଲୋଚନକୁ ଆଣି ସରକାରଙ୍କୁ ହରଡ଼ ଘନାରେ ପକାଇଥିବା ନିରପେକ୍ଷ ସାମ୍ବାଦିକ ବିରୋଧରେ ରାଜ୍ୟ ସରକାର ଏପରି ଚକ୍ରାନ୍ତ କରିଛନ୍ତି |ଏହାକୁ ମୁରିବାହାଲ ସାମ୍ବାଦିକ ସଂଘ ପକ୍ଷରୁ ଦୃଢ ନିନ୍ଦା କରାଯାଇ ତୁରନ୍ତ ଗିରଫ ସାମ୍ବାଦିକଙ୍କୁ ନିସର୍ତ୍ତ ଖଲାସ କରିବା ସହ ଆଗାମୀ ଦିନରେ ଗଣ ମାଧ୍ୟମ ନିରପେକ୍ଷତା କିଭଳି ବଜାୟ ରହିବ ସେ ଉପରେ ପଦକ୍ଷେପ ଗ୍ରହଣ କରିବାକୁ ରାଜ୍ୟପାଳଙ୍କ ଉଦ୍ଦେଶ୍ୟରେ ମୁରିବାହାଲ ତହସିଲଦାର ସୁନାଳି ପାତ୍ର ଓ ଥାନା ସବଇନ୍ସପେକ୍ଟର ଦନାର୍ଦନ ଓରାମ ଏଏସଆଇ ସୁଶୀଲ ମିଶ୍ରଙ୍କୁ ଦାବିପତ୍ର ପ୍ରଦାନ କରାଯାଇଛି |ଦାବି ପତ୍ର ପ୍ରଦାନ ସମୟରେ ସାମ୍ବାଦିକ ସଂଘ ସଭାପତି ଭଗବାନ ମହାନ୍ତି, ଉପସଭାପତି ବନବିହାରୀ ଯୋଷୀ,ସାଧାରଣ ସମ୍ପାଦକ ଦୁର୍ଗାନନ୍ଦ ମହାକୁର, ଉପଦେଷ୍ଟା ଶ୍ରୀବତ୍ସ ବେହେରା,ସମ୍ପାଦକ ଶରତପତି ଷାଣ୍ଢ, କୋଷାଧକ୍ଷ ସୁଦାମ ଚରଣ ବଘାର, ସାମ୍ବାଦିକ ଅଶୋକ ଭୋଇ ପ୍ରମୁଖ ଉପସ୍ଥିତ ଥିଲେ |