07-Jul-2022

ରେଢ଼ାଖୋଲ (ଅନିଲ କୁମାର ପୃଷ୍ଟି)::ସମ୍ବଲପୁର ଜିଲ୍ଲା ରେଢାଖୋଲ ବନଖଣ୍ଡ ଚାରମାଳ ରେଞ୍ଜ ଅନ୍ତର୍ଗତ ବଡହିଣ୍ଡୁଲ ଗାଁ ପାଖ ଜଙ୍ଗଲରୁ  କୁଟୁରାର ରନ୍ଧା ମାଂସ, ରୋଷେଇ ସାରଞ୍ଜାମ, ଶିକାର କରିବାରେ  ବ୍ୟବହୃତ ହେଉଥିବା ବିଭିନ୍ନ ମାରଣାସ୍ତ୍ର ଏବଂ ଦୁଇଟି ଦେଶୀ ବନ୍ଧୁକ ସହ  ୩ ଶିକାରୀକୁ ଗିରଫ କରିଛି ବନବିଭାଗ । କୌଣସି ସୁତ୍ରରୁ ଖବର ପାଇ ଫରେଷ୍ଟର ପ୍ରବିଣ ସାହୁଙ୍କ ନେତୃତ୍ୱରେ ଏକ ଟିମ୍ ବଡହିଣ୍ଡୁଲ ଗାଁ ପାଖ ଜଙ୍ଗଲରେ ପହଞ୍ଚି ଶିକାରୀ ମାନେ ବନ୍ୟଜନ୍ତୁ ଶିକାର କରି ରୋଷେଇ କରୁଥିବା ସମୟରେ  ଚଢ଼ାଉ କରିଥିଲେ । ଚଢ଼ାଉ କରି  କୁଟୁରାର ରନ୍ଧା ମାଂସ, ରୋଷେଇ ସାରଞ୍ଜାମ,  ବିଦ୍ୟୁତ୍ ତାର, ଜାଲ, ବିଭିନ୍ନ ମାରଣାସ୍ତ୍ର, ୨ଟି ଦେଶୀ ବନ୍ଧୁକ ସହ ୩ ଜଣ ଶିକାରୀଙ୍କୁ ଗିରଫ କରାଯାଇଛି । ଗିରଫ ଶିକାରୀ ମାନେ ହେଲେ ଚାରମାଳ ଥାନା ସାନହିଣ୍ଡୁଲ ଗ୍ରାମର ସରଜୁ ପ୍ରଧାନ, ବଡ଼ ହିଣ୍ଡୁଲ ଗ୍ରାମର କୃଷ୍ଣ ଭୋଇ ଓ ସରପାଲ ଗ୍ରାମର ସଞ୍ଜୟ ବିଶିଙ୍କୁ ଗିରଫ କରି କେଶ୍ ନଂ ୩୦/୨୦୨୨ ରେ ଏକ ମାମଲା ରୁଜୁ କରି ଆଜି କୋର୍ଟ ଚାଲାଣ କରାଯାଇଥିବା ବନବିଭାଗ ପକ୍ଷରୁ ସୂଚନା ଦିଆଯାଇଛି  ।