07-Jul-2022

ସମ୍ବଲପୁର,(ସଂଜୀବ ପାଣିଗ୍ରାହୀଙ୍କ ରିପୋର୍ଟ):ନିଶୁକ୍ଳ ଶିକ୍ଷାନୁଷ୍ଠାନ ଖୋଲି ନିଆରା ଜନ୍ମଦିନ ପାଳନ କଲେ ଯୁବ ସମାଜସେବୀ ତଥା ସ୍ଵେଛାସେବୀ ଅନୁଷ୍ଠାନ "ସେବା" ଅଧକ୍ଷ ଡ଼ଃ ଅମର ତାଣ୍ଡିଆ I ମୌଳିକ ଶିକ୍ଷାର ଏକ ପ୍ରୟାସ ଏଭଳି ଏକ ସ୍ଲୋଗାନ ତଥା ମହାନ୍ ଚିନ୍ତାଧାରା ନେଇ ସ୍ଥାନୀୟ ଧନୁପାଲି ଆମ୍ବେଦକର ନଗର ଠାରେ ସୋମବାର ଅମର ଶିକ୍ଷା ଅନୁଷ୍ଠାନର ଶୁଭ ଉଦ୍ଘାଟନ କରାଯିବା ସହିତ "ଅମର ସେବା ଦିବସ" ପାଳନ କରାଯାଇଥିଲା  I ଓଡିଶା ସାମ୍ବାଦିକ ସଂଘ (ଓ଼ଜେୟୁ) ସମ୍ବଲପୁର ଜ଼ିଲ୍ଲା ସାଧାରଣ ସମ୍ପାଦକ ସରୋଜ ସାହୁ,  "ସେବା" ର ଉପଦେଷ୍ଟା ଗୌରୀ ଶଙ୍କର ମିଶ୍ର, ଅନ୍ୟତମ ଉପଦେଷ୍ଟା ପ୍ରମୋଦ ସେଠ୍, ସୁବାଷ ଚନ୍ଦ୍ର ବୋଷ ମହାବିଦ୍ୟାଳୟ ବାଣିଜ୍ୟ ବିଭାଗ ମୁଖ୍ୟ ଅଧ୍ୟାପକ ଡ଼ଃ ବିଶ୍ୱ ମୋହନ ଜେନା  ପ୍ରମୁଖ ଅତିଥି ଭାବେ ଯୋଗଦାନ କରି ଏହି ଶିକ୍ଷାନୁଷ୍ଠାନର ଶୁଭ ଉଦଘାଟନ କରିଥିଲେ I "ସେବା" ର ସଦସ୍ୟ ତୁଷାର କାନ୍ତି ପ୍ରଧାନ, ସୁପ୍ରିତ ନାୟକ, ଅନିଲ କୁମାର ପାଣିଗ୍ରାହୀ, ଇନ୍ଦ୍ରଜିତ ବାରିକ, ବିଶ୍ୱଜିତ ରାଉତ, ପଦ୍ମନାଭ ବାରିକ, ଦିବସ କୁମାର ନାୟକ, ଅରବିନ୍ଦ ପାଣିଗ୍ରାହୀ, ଅନିଲ କୁମାର ଦାସଙ୍କ ସମେତ ସୁଶାନ୍ତ ମହାପାତ୍ର, ଗୁଣମଣୀ ବିଶ୍ୱାଳ, ସମୀର ଷଡ଼ଙ୍ଗୀ, ଆମ୍ବେଦକର ନଗର ପଡାବାସୀ,  ବୁଦ୍ଧିଜୀବୀ ତଥା ବହୁ ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ଥିଲେ I ତେବେ ଜନ୍ମଦିନରେ ଏକ ନିଶୁକ୍ଳ ଶିକ୍ଷାନୁଷ୍ଠାନ ଖୋଲି ନିଆରା ଜନ୍ମଦିନ ପାଳନ କରି ଥିବା ସମାଜସେବୀ ଡ଼ଃ ଅମର ତାଣ୍ଡିଆଙ୍କୁ ସାଧାରଣରେ ବେଶ୍ ପ୍ରଶଂସା କରାଯାଇଛି I