07-Jul-2022

ବରଗଡ଼(ନିରାଞ୍ଜନ ତ୍ରିପାଠୀ): ସ୍ଥାନୀୟ ବିକାଶ ଗ୍ରୁପ୍ ଅଫ୍  ଇନ୍‌ଷ୍ଟିଚ୍ୟୁସନ୍ ଅନ୍ତର୍ଗତ ବିକାଶ ଡିଗ୍ରୀ କଲେଜରେ ଅନ୍ କ୍ୟାମ୍ପସ୍ ପ୍ଲେସ୍‌ମେଣ୍ଟ୍ ଡ୍ରାଇଭ୍ ଅନୁଷ୍ଠିତ ହୋଇଯାଇଛି । ଟାଟା ପାୱାର୍ ୱେଷ୍ଟେର୍ଣ୍ଣ ଓଡ଼ିଶା ଡିଷ୍ଟ୍ରିବ୍ୟୁସନ୍ ଲିମିଟେଡ୍ ଦ୍ୱାରା ବାଣିଜ୍ୟ ବିଭାଗ ଶେଷ ବର୍ଷ ଏବଂ ୨୦୨୧ରେ ଉତ୍‌ତୀର୍ଣ୍ଣ ହୋଇଥିବା ବାଣିଜ୍ୟ ବିଭାଗର ଛାତ୍ରଛାତ୍ରୀଙ୍କ ପାଇଁ ନୂଆଁ ଅବସର ଦେବା ପାଇଁ ଏହି କ୍ୟାମ୍ପସ୍ ଡ୍ରାଇଭ୍ ଅନୁଷ୍ଠିତ ହୋଇଛି ବୋଲି ବିକାଶ ଅଣ୍ଡର୍‌ଗ୍ରାଜୁଏଟ୍ କ୍ୟାମ୍ପସ୍‌ର ଟ୍ରେନିଂ ଏବଂ ପ୍ଲେସ୍‌ମେଣ୍ଟ୍ ସେଲ୍ ତରଫରୁ ବିକାଶ ଡିଗ୍ରୀ କଲେଜ ଅଧ୍ୟକ୍ଷ ଶ୍ରୀ ଆର୍‌.ଏସ୍‌.ଭି. କ୍ରୀଷ୍ଣା ସୂଚନା ଦେଇଛନ୍ତି । ଟିପିଡବ୍ଲ୍ୟୁଓଡିଏଲ୍ ତରଫରୁ  ଅଜୟ କୁମାର (ଟିମ୍ ଲିଡ୍ ଏଚ୍‌.ଆର୍‌.),  ଜୟନ୍ତ ପାଣିଗ୍ରାହୀ (ଡେପୁଟି ମ୍ୟାନେଜର୍‌, ଫାଇନାନ୍ସ୍‌), ଶ୍ରୀ ସାଗର କୁମାର (ଲିଡ୍ ଏସୋସିଏଟ୍ ଏଚ୍‌.ଆର୍‌.) ଓ ଶ୍ରୀ ଅବଧୁତ ପ୍ରଧାନ (ଜୁନିୟର୍ ମ୍ୟାନେଜର୍ ଫାଇନାନ୍ସ)ଙ୍କ ନେତୃତ୍ୱରେ  ୫ ଜଣ ବିଶିଷ୍ଟ ମାନବ ସମ୍ବଳ ଅଧିକାରୀ ଏହି ଚୟନ ପ୍ରକ୍ରିୟା ସଂଗଠିତ କରିଥିଲେ । ଏହି ପୁଲ୍ କ୍ୟାମ୍ପସ୍ ଡ୍ରାଇଭ୍‌ରେ ପାଖାପାଖି ୪୦ଜଣ ପ୍ରାର୍ଥୀ ଭାଗ ନେଇଥିବା ବେଳେ ୨୧ ଜଣ ସଫଳତାର ସହ ଚୟନ ହୋଇଥିବା ବିକାଶ ଡିଗ୍ରୀ କଲେଜ କର୍ତୃପକ୍ଷଙ୍କ ତରଫରୁ ସୂଚାଇ ଦିଆଯାଇଛି । ବିକାଶ ଗ୍ରୁପ୍ ଅଫ ଇନ୍‌ଷ୍ଟିଚ୍ୟୁସନ୍‌ର ଡାଇରେକ୍ଟର ତଥା ବିକାଶ ଡିଗ୍ରୀ କଲେଜ ଅଧ୍ୟକ୍ଷା ଡ.ସମରେନ୍ଦ୍ର ନାଥ ପଣ୍ଡାଙ୍କ ତତ୍ୱାବଧାନରେ ବାଣିଜ୍ୟ ବିଭାଗ ମୁଖ୍ୟ ମନ୍ଦାରଧର ନାୟକ ଏହି ପ୍ଲେସ୍‌ମେଣ୍ଟ୍ ଡ୍ରାଇଭ୍‌ର ସଂଯୋଜନା ଦାୟିତ୍ୱ ତୁଲାଇଥିଲେ ।