03-Jul-2022

ସିନ୍ଧେକେଲା // ଯୋଜନା ଓ ସମନ୍ଵୟ ମନ୍ତ୍ରୀ ରାଜେନ୍ଦ୍ର ଢୋଲକିଆ ସିନ୍ଧେକେଲା ପହଞ୍ଚି ମୁନିଶ୍ରୀ ରମେଶ କୁମାର ଓ ମୁନି ରତ୍ନ କୁମାର ଙ୍କ ଦର୍ଶନ ଲାଭ କରି ଆଶୀର୍ବାଦ ପ୍ରାପ୍ତ କରିଥିଲେ । ସୁଦୂର ଯାତ୍ରା କରି ଓଡ଼ିଶାରେ ଚତୁର୍ମାସ୍ୟା ପାଇଁ ପହଞ୍ଚି ଥିବାରୁ ମନ୍ତ୍ରୀ ଶ୍ରୀ ଢୋଲକିଆ ମୁନିଶ୍ରୀ ଙ୍କୁ ସ୍ୱାଗତ ଜଣେଇବା ସହ ସମୟ ସମୟରେ ତାଙ୍କର ଦର୍ଶନ କରିବେ ବୋଲି କହିଥିଲେ । ଏହି ଅବସରରେ  ସିନ୍ଧେକେଲା ତେରାପଂଥ ସଭା ପକ୍ଷରୁ ମନ୍ତ୍ରୀ ଢୋଲକିଆ ଙ୍କୁ ସମ୍ବର୍ଦ୍ଧନା

କରାଯାଇଥିଲା । ସଭାପତି ବଜରଙ୍ଗ ଜୈନ ଓ ବରିଷ୍ଠ ଶ୍ରାବକ ନରେନ୍ଦ୍ର ଜୈନ ମନ୍ତ୍ରୀଙ୍କୁ ମାଲ୍ୟାର୍ପଣ ଓ ଗାମୁଛା ଓଢାଇ ସ୍ୱାଗତ ସମ୍ବର୍ଦ୍ଧନା ଜଣାଇଥିଲେ । ଅନ୍ୟମାନଙ୍କ ମଧ୍ୟରେ ତେରାପଂଥ ସଭାର ସମ୍ପାଦକ ନବୀନ ଜୈନ, ସହ ସମ୍ପାଦକ ସୋନୁ ଜୈନ, ଉପ ସଭାପତି ସୁବାଷ ଜୈନ, କୋଷାଧ୍ୟକ୍ଷ ରୋସନ ଜୈନ, ପ୍ରାନ୍ତୀୟ ସଭା ପୂର୍ବତନ ସଭାପତି ଛତ୍ରପାଳ ଜୈନ, ପୂର୍ବତନ ସ୍ଥାନୀୟ ସଭା ଅଧ୍ୟକ୍ଷ ସୁନିଲ ଜୈନ, ପୂର୍ବତନ ସମ୍ପାଦକ ପ୍ରସନ୍ନ ଜୈନ, ବରିଷ୍ଠ ନେତା ମୁନିରାଜ ଜୈନ, ଯୁବନେତା ତପନ ଜୈନ, ଅରୁଣ ଜୈନ, କାହ୍ନା ଜୈନ, ରାମଅବତାର ଜୈନ, ସୁରେଶ ଜୈନ, ଗୋପାଳ ଜୈନ, ସାମ୍ବାଦିକ ଦିନେଶ ଜୈନ ପ୍ରମୁଖ ଉପସ୍ଥିତ ଥିଲେ ।