28-Jun-2022

ବୀରମହାରାଜପୁର, (ବିନୋଦ ପାଣ୍ଡେ): ପୁଣିଥରେ ବିଦେଶ ମାଟିରେ କମାଲ ଦେଖାଇବେ ଓଡିଆ ପୁଅ ଏହେସାସ ହୋତା । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମୁଲ୍ୟମଣି ରାଣୀପୁର ଗାଁର ଯୁବ କ୍ରୀଡାବିତ ତଥା ଆନ୍ତର୍ଜାତୀୟ ତାଇକଣ୍ଡୋ ଖେଳାଳୀ ଏହେସାସ ହୋତା ଏବେ କୋରିଆ ପହଂଚିଛନ୍ତି । ଭାରତୀୟ ଟିମ ସହ ୨୭ ତାରିଖ ସଂଧ୍ୟା ୮ ଟାରେ ଭାରତ ଛାଡିଥିବା ଏହେସାସ ଏବେ କୋରିଆ ମାଟିରେ ପାଦ ଥାପି ସାରିଛନ୍ତି । ଦକ୍ଷଣ କୋରିଆର ଗାଙ୍ଗଓ୍‌ôାନ ପ୍ରୋଭିନେନ୍ସ ରାଜ୍ୟର ରାଜଧାନି ଚାନଚିଓନ ର ହୋବନ ଜିମ ଷ୍ଟାଡିୟମରେ ୨୯ ତାରିଖରୁ ୧ ଜୁଲାଇ ପର୍ଯ୍ୟନ୍ତ ହେବାକୁ ଥିବା ଜି-୨ ରେଂକିଙ୍ଗ ଆନ୍ତଜାର୍ତୀୟ ତାଇକଣ୍ଡୋ ପ୍ରତିଯୋଗିତାରେ ସେ ଭାଗନେବାର କାର୍ଯ୍ୟକ୍ରମ ରହିଛି । ପୁର୍ବରୁ ଏହେସାସ ୭ ଥର ବିଶ୍ୱ ତାଇକଣ୍ଡୋ ଚମ୍ପିଆନସିପରେ ଭାଗନେଇ ଦେଶ ପାଇଁ ମେଡାଲ ଜିଣିବା ସହ ଗୌରବ ଆଣିସାରିଛନ୍ତି । ଏଥର ମଧ୍ୟ ସେ ଦେଶ ପାଇଁ ନିଶ୍ଚୟ ମେଡାଲ ଆଣିବେ ବୋଲି ଆଶା ବାନ୍ଧିଛନ୍ତିି । ଏହା ସହ ସେ ସେଠାରେ ଥିବା ନାଜରାନି ବିଶ୍ୱବିିଦ୍ୟାଳୟରେ ୯୦ ଦିନିଆଁ ଏଡଭାନ୍ସ ତାଲିମ ନେବାର ମଧ୍ୟ କାର୍ଯ୍ୟକ୍ରମ ରହିଛି । ବିଦେଶ ମାଟିରେ

ଏହେସାସଙ୍କ ସଫଳତା ପାଇଁ ଓଡିଶା କ୍ରୀଡା ବିଭାଗ,ରାଜ୍ୟ ତାଇକଣ୍ଡୋ ସଂଘର ସଂପାଦକ ମନମୋହନ ଭଂଜ,ସୁବର୍ଣ୍ଣପୁର ଜିଲ୍ଲାପାଳ ଆବୋଲି ସୁନିଲ ନରୱନେ, ସୋନପୁର ଉପଜିଲ୍ଲାପାଳ ଇପସିତା ପ୍ରୀୟଦର୍ଶନୀ ମିଶ୍ର,ଜିଲ୍ଲା କ୍ରୀଡା ଅଧିକାରୀ ଅଭିଳାଶ ପରୋହିତ,ଜିଲ୍ଲା ତାଇକଣ୍ଡୋ ସଂଘ ସଭାପତି ରବୀନ୍ଦ୍ର ହୋତାଙ୍କ ସମେତ ବହୁ କ୍ରୀଡା ଅନୁଷ୍ଠାନର କର୍ମକର୍ତା ଏବଂ କ୍ରୀଡାପ୍ରେମୀ ଏହେସାସଙ୍କୁ ଶୁଭେଚ୍ଛା ଓ ଶୂଭକାମନା ଜଣାଇଛନ୍ତି ।