28-Jun-2022

|ଗଞ୍ଜାମ  - ପୁରୁଷୋତ୍ତମପୁର ବ୍ଲକ୍ ଅନ୍ତର୍ଗତ ଝାଡ଼ବାଇ ଗ୍ରାମ ପଞ୍ଚାୟତ ନିକଟସ୍ଥ ଗାଙ୍ଗନାପୁର ଗ୍ରାମରେ ଗୁଗୁଲ ମିଟ୍ ଦ୍ଵାରା ଶ୍ରୀ ଜଗନ୍ନାଥ ଙ୍କ ଉପରେ କବିତା ପାଠ ଓ ଆଲୋଚନା ଚକ୍ର ହୋଇଯାଇଛି | 

     ଗଞ୍ଜାମ ଜିଲ୍ଲାରୁ କବି ଶ୍ରୀ ଚିତ୍ରସେନ ମହାରଣା ଓ ବୌଦ୍ଧ ଜିଲ୍ଲାରୁ କବି ଶ୍ରୀ ନିବାଶ ନାୟକ ଙ୍କ ଦ୍ୱାରା ପ୍ରତିଷ୍ଠା କରା ଯାଇଥିବା ଏକ ଅଗ୍ରଣୀ ସାହିତ୍ୟ ଅନୁଷ୍ଠାନ ହେଉଛି  "ମୋ କବି ପ୍ରତିଭା, ଓଡ଼ିଶା" । ଲକ୍ଷ୍ୟ କେବଳ ଗୋଟିଏ, ସୁପ୍ତ ପ୍ରତିଭାମାନଙ୍କୁ ଲୋକଲୋଚନକୁ ଆଣି ସେମାନଙ୍କୁ ପ୍ରେରଣା ଯୋଗେଇଦେବା ଓ ସେମାନଙ୍କ ଦ୍ୱାରା ରଚିତ ଗଳ୍ପ ଓ କବିତାକୁ ସାରା ଦୁନିଆ ପାଖରେ ପହଞ୍ଚେଇବା। ଆଜିର ଯୁବପିଢୀ ସାହିତ୍ୟଠୁ ଦୂରେଇ ରହୁଥିବା ବେଳେ ସାହିତ୍ଯକୁ ଆଗେଇ ନେବା ପାଇଁ ଶ୍ରୀ ଚିତ୍ରସେନ ମହାରଣାଙ୍କ ଏହି ପ୍ରୟାସ ବାସ୍ତବିକ୍ ସ୍ୱାଗତଯୋଗ୍ୟ । 
         
        ରଥଯାତ୍ରା  ଉପଲକ୍ଷେ 'ଶ୍ରୀଜଗନ୍ନାଥ' ଙ୍କୁ ନେଇ ମୋ କବି ପ୍ରତିଭା, ଓଡ଼ିଶା ଆନୁକୂଲ୍ୟରେ ଏକ ରାଜ୍ୟ ସ୍ତରୀୟ ଅନଲାଇନ କବିତା ପାଠ ଓ ଆଲୋଚନା ଚକ୍ର ଆୟୋଜିତ ହୋଇଯାଇଛି । ଅନୁଷ୍ଠାନ ର ସହ ସମ୍ପାଦକ ଶ୍ରୀ ପରମା ନାଏକ ଆସର କୁ ପରିଚାଳନା କରିଥିଲେ ଓ ଆସର ଆରମ୍ଭରେ ମଙ୍ଗଳା ଚରଣ ଗାନ କରିଥିଲେ | ଏହି ଆଲୋଚନା ଚକ୍ରରେ ମୁଖ୍ୟ ଅତିଥି ଭାବେ  ସମ୍ବଲପୁର ଜିଲ୍ଲାରୁ କବି ନିତ୍ୟାନନ୍ଦ ଖମାରୀ ଉପସ୍ଥିତ ଥିଲେ । ମୁଖ୍ୟ ବକ୍ତା ଭାବେ ବୌଦ୍ଧ  ଜିଲ୍ଲାରୁ କବି ନିବଶ ନାୟକ, ଶ୍ରେଷ୍ଠ ବକ୍ତା ଭାବେ ଗଞ୍ଜାମ ଜିଲ୍ଲାରୁ କବି ଶ୍ରୀନିବାସ ପଣ୍ଡା ,  ତା ସହିତ ଅନୁଷ୍ଠାନର  ସଭାପତି ଶ୍ରୀ ଚିତ୍ରସେନ ମହାରଣା , ସମ୍ପାଦକ ଶ୍ରୀ ନିବାଶ ନାୟକ, ସହ ସମ୍ପାଦକ ଶ୍ରୀ ପରମା ନାଏକ, ପ୍ରମୁଖ ସାମିଲ ରହି ସହଯୋଗ କରିଥିଲେ । ଏଥିରେ ଓଡିଶାର କୋଣ ଅନୁକୋଣରୁ ଶତାଧିକ କବି ଓ କବୟତ୍ରୀ ଅଂଶଗ୍ରହଣ କରିଥିଲେ ।  ଶେଷରେ ସହ ସମ୍ପାଦକ ପରମା ନାଏକ ସମସ୍ତଙ୍କୁ କୃତଜ୍ଞତା ଜଣାଇଥିଲେ ।