27-Jun-2022

ଉଲୁଣ୍ଡା(ଗୌରଚନ୍ଦ୍ର ପରିଛା) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକକୁ ଆଜି ଜଙ୍ଗଲ ଓ ପରିବେଶ ସୁରକ୍ଷା ଏବଂ ପଂଚାୟତିରାଜ ମନ୍ତ୍ରୀ ପ୍ରଦୀପ କୁମାର ଅମାତ ଗସ୍ତ କରିଛନ୍ତି । ପ୍ରଥମେ ମନ୍ତ୍ରୀଙ୍କୁ ହିକୁଡି ଛକ ଏବଂ ବିସିପଡା ଠାରେ ସ୍ୱଗାତ କରାଯାଇଥିଲା । ପରେ ବ୍ଲକ କାର୍ଯ୍ୟଲୟରେ ପହଂଚିଲା ପରେ ବ୍ଲକର ସମସ୍ତ କର୍ମଚାରୀ, ଏସଏଚଜି ମହିଲା ଏବଂ ଦଳିୟ କର୍ମୀ ମାନେ ପୁଷ୍ପଗୁଚ୍ଛ ଦେଇ ସ୍ୱଗାତ କରିଥିଲେ । ଏହି ଅବଶରରେ ବ୍ଲକ ଅଧ୍ୟକ୍ଷା ଶାନ୍ତିଲତା ମିଶ୍ରଙ୍କ ସଭାପତିତ୍ୱରେ ଆୟୋଜିତ ବୈଠକରେ ମନ୍ତ୍ରୀ ମୁଖ୍ୟ ଅତିଥି ଭାବରେ ଯୋଗଦେଇଥିଲେ । ଅନ୍ୟମାନଙ୍କ ମଧ୍ୟରେ ଉପଜିଲ୍ଲାପାଲ ଅଶୋକ ଭୋଇ, ଜିଲ୍ଲା ପରିଷଦ ଉପାଧ୍ୟକ୍ଷ ଝସକେତନ ବଘାର, ଜିଲ୍ଲା ପରିଷଦ ସଭ୍ୟା ବିଜୟ ଲକ୍ଷ୍ମି ତରାଇ, ବ୍ଲକ ଉପାଧ୍ୟକ୍ଷ ସଞ୍ଜିବ ଦେହେରୀ, ବୀରମହାରାଜପୁର ବ୍ଲକ ଅଧ୍ୟକ୍ଷା ସାନ୍ତି ଲୁହା ମଂଚାସୀନ ହୋଇଥିଲେ ।  ବିଶେଷ କରି ବ୍ଲକରେ ଜନ୍ତ୍ରୀ ଏବଂ  ଜିଆରଏସ ଆବଶ୍ୟକ ଅନୁସାରେ ନଥିବାରୁ ବିଭିନ୍ନ କାର୍ଯ୍ୟରେ ସମସ୍ୟା ଦେଖାଦେଉଥିବା ବେଲେ ଅଧୀକ କର୍ମଚାରୀ ନିୟୋଜିତ କରିବା ପାଇଁ  ସରପଂଚ ଏବଂ ସମିତିସଭ୍ୟ ମାନେ ଦାବି କରିଥିଲେ । ଏଥି ସହିତ ଉଲୁଣ୍ଡାରେ ଏକ ମାର୍କଟେ କଂପ୍ଲେକ୍ସ  ଏବଂ ପାତାଲି ଶୀକ୍ଷେତ୍ରରେ ଜାତ୍ରୀ ନିବାସ ପାଇଁ ଅଧ୍ୟକ୍ଷା ଦାବି କରିବା ସହ ଅନ୍ୟାନ୍ୟ ସମସ୍ୟା ବିଷୟରେ ମନ୍ତ୍ରୀଙ୍କୁ ଅବଗତ କରାଇଥିଲେ । ଏହି ସବୁ ସମସ୍ୟାକୁ ହୃଦୟଙ୍ଗମ କରି ପ୍ରତ୍ୟେକ ଦୁଇଟି ପଂଚାୟତକୁ ଜଣେ ଯନ୍ତ୍ରୀ ଏବଂ ଜଣେ ସହଯୋଗୀ ନିୟୋଜିତ ରହିବେ ଏବଂ ତାଙ୍କ ପାଇଁ ଏକ ସ୍ୱତନ୍ତ୍ର କୋଠରୀ ନିର୍ମାଣ କରାଜିବ ବୋଲି ପ୍ରକାଶ କରିବା ସହ ଅନ୍ୟାନ୍ୟ ସମସ୍ୟାର ସମାଧାନ ମଧ୍ୟ  ଯଥାଶିଘ୍ର କରାଜିବ ବୋଲି ପ୍ରତିଶୃତି ଦେଇଥିଲେ । ରାଜ୍ୟ ସରକାରଙ୍କ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ଗୁଡିକ ସମସ୍ତ ଜନପ୍ରତିନିଧି ଲୋକଙ୍କ ଘରକୁ ଘରଯାଇ ଯୋଜନା ପହଂଚାଇବାକୁ ପରାମର୍ଶ ଦେଇଥିଲେ । ସୋନପୁର ଜିଲ୍ଲାରେ ଚଲିତ ବର୍ଷ ସର୍ବାଧିକ ତାପମାତ୍ରା ରହିଥିଲା । ଏଣୁ ଆଗାମି ଦିନରେ ଜେମିତି ତାପାମାତ୍ରା କମ ରହିବ ସେଥିପାଇଁ ଆମେ ସମସ୍ତେ ଅଧିକରୁ ଅଧିକ ବୃକ୍ଷରୋପଣ କରିବା ସହ ଜତ୍ନବାନ ହେବାକୁ ପରାମର୍ଶ ଦେଇଥିଲେ । ବିଡିଓ ହେମସାଗର ଭୋଇ ସଭା ପରିଚାଲନା କରିଥିବା ବେଲେ ବ୍ଲକର ସମସ୍ତ ସରପଂଚ, ସମିତିସଭ୍ୟ ଏବଂ ବ୍ଲକର ବିଭିନ୍ନ ଅଧିକାରୀ ମାନେ ଯୋଗଦେଇଥିଲେ । ଶେଷରେ ଏବିଡିଓ ସୁଭ୍ରାଂସୁ ଶେଖର ମଲ୍ଲିକ ଧନ୍ୟବାଦ ଦେଇଥିଲେ ।