26-Jun-2022

ଧର୍ମଗଡ଼(ଜ୍ୟୋତିରଞ୍ଜନ ବେମାଲ)
 କଳାହାଣ୍ଡି ଜିଲ୍ଲା ଧର୍ମଗଡ଼ ବ୍ଲକ୍ ଵେହେରାଗୁଡ଼ା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ନିଯୁକ୍ତି ନେଇ ଚାଲିଥିବା ତାଲାବନ୍ଦ ଆନ୍ଦୋଳନ ନବମ ଦିନ ବିତି ଯାଇଥିଲେ ମଧ୍ୟ ପ୍ରଶାସନ ଓ  ଆନ୍ଦୋଳନ କାରୀ ଙ୍କ ମଧ୍ୟରେ ବାହାରି ପାରିନି ସମାଧାନ ର ରାସ୍ତା ।ଛାତ୍ର ଛାତ୍ରୀ ଅନୁପାତରେ ଶିକ୍ଷକ ଯୋଗାଇବା ସହ ଡେପୁଟି ଶିକ୍ଷକ, ଶିକ୍ଷୟତ୍ରୀ କୁ ବିଦ୍ୟାଳୟରେ ପୁନଃ ସ୍ଥାପନ ଦାବି ନେଇ  ଆଜକୁ ନଅ ଦିନ ହେବ ସ୍କୁଲ ରେ ତାଲା  ପକେଇ ଆନ୍ଦୋଳନ ରେ ବସିଛନ୍ତି  ଗ୍ରାମବାସୀ। ବିଦ୍ୟାଳୟରେ ସର୍ବମୋଟ ୪୧୧ଜଣ ଛାତ୍ରଛାତ୍ରୀ ରହିଥିବା ବେଳେ କେବଳ ୭ଜଣ ଶିକ୍ଷକ ଶିକ୍ଷୟିତ୍ରୀ ଅଛନ୍ତି।ଯାହା ଆବଶ୍ୟକତା ଠାରୁ କମ। ଗୋଟିଏ ପଟେ ବିଦ୍ୟାଳୟରେ କମ ଶିକ୍ଷକ ଥିବା ବେଳେ ଅନ୍ୟପଟେ  ଏଥିରୁ ପୁଣି ଦୁଇ ଜଣ ଶିକ୍ଷକ ଙ୍କୁ ଅନ୍ୟତ୍ର ଡେପୁଟି ଭାବେ ସ୍ଥାନାନ୍ତର କରା ଯାଇଛି।ଯାହା ସ୍କୁଲ କମିଟି ଓ ଗ୍ରାମବାସୀ ଙ୍କ ଭିତରେ ଉତ୍ତେଜନା ପ୍ରକାଶ ପାଇଛି।ଡେପୁଟି ଶିକ୍ଷକ,ଶିକ୍ଷୟିତ୍ରୀ କୁ ପୁନଃ ସ୍ଥାପନ ସହ ଆବଶ୍ୟକ ଶିକ୍ଷକ ଯୋଗାଇ ଦେବାକୁ ବିଭାଗୀୟ ଅଧିକାରୀ ଙ୍କୁ ଗ୍ରାମବାସୀ ଅନେକ ଥର ଜଣାଇ ଥିଲେ ମଧ୍ୟ ଏଥିପ୍ରତି ଦୃଷ୍ଟି ଦେଇ ନାହାନ୍ତି ବୋଲି ପ୍ରକାଶ କରନ୍ତି ଗ୍ରାମବାସୀ।ଯାହାରି ଫଳରେ ଏବେ ଆନ୍ଦୋଳନ ରୂପ ନେଇଛି।ଗୋଟିଏ ପଟେ ଘଟଣା କୁ ନେଇ ପ୍ରଶାସନ ମୌନବ୍ରତ ଧାରଣ କରିଥିବା ବେଳେ ଅନ୍ୟପଟେ  ଆବଶ୍ୟକ ଶିକ୍ଷକ ନିଯୁକ୍ତି ନେଇ ଆନ୍ଦୋଳନ କୁ ଜୋରଦାର କରିଛନ୍ତି  ଗ୍ରାମବାସୀ ।ଯେଉଁ ଦିନ ପର୍ଯ୍ୟନ୍ତ ଦାବି ପୁରଣ ନ ହୋଇଛି ଆନ୍ଦୋଳନ ଜାରୀ ରହିବ ବୋଲି ପ୍ରକାଶ କରନ୍ତି ଗ୍ରାମବାସୀ ।