24-Jun-2022

ନବରଙ୍ଗପୁର / ସରକାର ଛୋଟ ବଡ଼ ଯେ କୈାଣସି ସମସ୍ୟା ର ସମାଧାନ ପାଇଁ ନାନାବିଧ ଯୋଜନା ମାଧ୍ୟମରେ ଲକ୍ଷ ଲକ୍ଷ ଟଙ୍କା ଖର୍ଚ୍ଚ କରୁଥିବା ସମସ୍ତେ ଜାଣିଛନ୍ତି କିନ୍ତୁ ତାହା ଠିକ ସମୟରେ ଠିକ ଜାଗାରେ ଲାଗି ପାରୁନାହିଁ। ଏହା ହୁଏତ ବିଭାଗୀୟ କର୍ମଚାରୀଙ୍କ ମନମୁଖି ହେଉ କି ହମ ବଡା ଯୋଗୁଁ ହେଉ । ଆପଣ ମାନେ ଦେଖୁଥିବା ଏ ରାସ୍ତା ହେଉଛି ନବରଙ୍ଗପୁର ଜିଲ୍ଲା ଚନ୍ଦା ହାଣ୍ଡି ବ୍ଲକ୍ ଫଟକୀ ଗ୍ରାମ ପଞ୍ଚାୟତ ଅନ୍ତର୍ଗତ ଲଧୁଆପଡା ର ଦୃଶ୍ୟ। ଏ ରାସ୍ତା ଆଜି ନାହିଁ କି କାଲି ନାହିଁ ଦୀର୍ଘ ଦିନରୁ ଏହିପରି ଅବସ୍ଥା ରେ ଅଛି। ଏ ରାସ୍ତା ଲଧୁଆପଡା ମୁଖ୍ୟ ରାସ୍ତା ହେଇଥିବା ସ୍ଥଳେ ଦେଓବନ୍ଧ କୁ ସଂଯୋଗ କରୁଛି। ଗମନାଗମନ ସୁବିଧା ଏବଂ କମ୍ ସମୟ ରେ ପହଞ୍ଚିବାର ମାଧ୍ୟମ ହୋଇ ଥିବା ସ୍ଥଳେ ରାସ୍ତା କଥା କହିଲେ ନ ସରେ । ଶହ ଶହ ଲୋକ ସାଇକେଲ, ମଟରସାଇକେଲ,,ଭାରିଯାନ ଯାତାୟାତ ଯୋଗୁଁ ବହୁସ୍ଥାନ ଖାଲ ହୋଇଥିବା  ଯୋଗୁଁ ବର୍ଷା ପାଣି ଜମି ବହୁ ସମୟରେ ଗମନାଗମନର ଅସୁବିଧା ହେଉଥିବା ସ୍ଥାନୀୟ ଲୋକମାନେ ଅଭିଯୋଗ କରିଛନ୍ତି।

ଏ ବିଷୟରେ ସଂପୃକ୍ତ ଫଟକୀ ପଞ୍ଚାୟତର ବର୍ତ୍ତମାନ ସରପଞ୍ଚ ମଞ୍ଜୁନାଥ ମାଝୀଙ୍କୁ  ଫୋନ୍ ମାଧ୍ୟମରେ ପଚାରିବୁଝିବାରୁ ଆର୍ ଡି ବିଭାଗୀୟ କର୍ମଚାରୀ ମାନେ ଏହାକୁ ୯/୧୦ ମାସ ପୂର୍ବରୁ ରାସ୍ତା ମରାମତି ପାଇଁ ମପାମପି କରି ଛନ୍ତି କିନ୍ତୁ ବର୍ତ୍ତମାନ ସୁଦ୍ଧା ତାହା କାର୍ଯ୍ୟ କାରି ହେଇ ପାରୁ ନାହିଁ ବୋଲି ସରପଞ୍ଚ କହିଥିଲେ। ଏହା ଶୁଣିବା ପରେ ସ୍ଥାନୀୟ ଲୋକମାନେ ଉପରୋକ୍ତ  ବିଭାଗୀୟ କର୍ମଚାରୀ ମାନଙ୍କୁ ତୀବ୍ର  ନିନ୍ଦା କରିଛନ୍ତି । ଆର୍ ଡି  କନିଷ୍ଠ ଯନ୍ତ୍ରୀଙ୍କୁ ଯୋଗାଯୋଗ କରାଯାଇଥିଲା କିନ୍ତୁ କୈାଣସି କାରଣ ବଶତଃ ସଂଯୋଗ ହୋଇପାରି ନଥିଲା । ବର୍ତ୍ତମାନ ଦେଖିବା ବାକି ରହିଲା ଏ ରାସ୍ତା କେବେ ଆଉ କିଏ ମରାମତି କରିବ ନା  ଶୋଚନୀୟ ଅବସ୍ଥାରେ ଏହି ପରି ପଡିରହବ ।

(ନବରଙ୍ଗପୁର ଚନ୍ଦାହାଣ୍ଡି ରୁ କାର୍ତ୍ତିକ ବଞ୍ଜରା ଙ୍କ ରିପୋର୍ଟ)