22-Jun-2022

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ ଡିଗ୍ରୀ ଓ ଜୁନିଅର କଲେଜ ଜାତୀୟ ସେବା ଯୋଜନା ତରଫରୁ ଆନ୍ତର୍ଜାତୀୟ ଯୋଗ ଦିବସ ପାଳିତ ହୋଇଯାଇଛି ।ଏଥିରେ ଡିଗ୍ରୀ କଲେଜ ଅଧ୍ୟକ୍ଷ ଡ଼ଃ ଧୀରେନ୍ଦ୍ର ନାୟକ ଓ ସିଦ୍ଧାର୍ଥ ଜୁନିଅର କଲେଜ ଅଧ୍ୟକ୍ଷା ରେଖା ପ୍ରଧାନ ଯୋଗଦେଇ ସ୍ୱାସ୍ଥ୍ୟର ହିତ ପାଇଁ ଯୋଗର ଉପକାରିତା ଉପରେ ଉପସ୍ଥିତ ଛାତ୍ରଛାତ୍ରୀଙ୍କୁ ସୂଚନା ଦେଇଥିଲେ । କାର୍ଯ୍ୟକ୍ରମର ପୋଗ୍ରାମ ଅଫିସର ଅଧ୍ୟାପକ ହରିଶ୍ଚନ୍ଦ୍ର ହୋତା,ରୋହିତ ଧରୁଆ,ପିଇଟି ନାରାୟଣ ଚୌଧୁରୀ,ଅଧ୍ୟାପିକା ମିତାଲି ପ୍ରଧାନ ପ୍ରମୁଖ ପରିଚାଳନା କରିଥିବା ବେଳେ ସଭା ସଂଯୋଜନା ଅଧ୍ୟାପକ ଧନେଶ୍ଵର ସାହୁ ଏବଂ ଅଧ୍ୟାପକ ଗୋପାଳ କୃଷ୍ଣ ଦାଶ,ରୁଦ୍ର ନାରାୟଣ ଦାଶ,ସପ୍ତସାଗର  ପ୍ରଧାନ,ମାନସ ରଞ୍ଜନ ମିଶ୍ର,ଅଧ୍ୟାପିକା ବିଘ୍ନେଶ୍ୱର ପୂଜାରୀ,ଜାନକୀ ସାମନି,ଗରିବ ସାଲମା,ବିକ୍ରମ ମେହେର ପ୍ରମୁଖ ପରିଚାଳନାରେ ସହଯୋଗ କରିଥିଲେ ।

ପରେ ସ୍ଥାନୀୟ ପଡିଆ ଠାରେ ବିଭିନ୍ନ ପ୍ରକାରର ଯୋଗ ଉପରେ ପିଇଟି ନାରାୟଣ ଚୌଧୁରୀ ସମସ୍ତ ଅଧ୍ୟୟନ ରତ ଛାତ୍ରଛାତ୍ରୀଙ୍କୁ ପ୍ରଶିକ୍ଷଣ ଦେଇଥିଲେ । ସେହିପରି ଅନ୍ୟପକ୍ଷରେ ବିନିକା ସ୍ଥିତ ସାଇଶ୍ରୀ ଲୀଳାଶାହଜୀ ବିଦ୍ୟା ମନ୍ଦିର ତରଫରୁ ବିଶ୍ଵ ଯୋଗ ଦିବସରେ ଜାତୀୟ ପୁରସ୍କାର ପ୍ରାପ୍ତ (ଯୋଗଗୁରୁ) ତଥା ଅବସରପ୍ରାପ୍ତ ଖେଳ ଶିକ୍ଷକ ସୁରେଶ ବେହେରା ମୁଖ୍ୟଅତିଥି ଭାବେ ଯୋଗଦେଇ କେତେକ ଗୁରୁତ୍ତ୍ୱପୂର୍ଣ ଯୋଗ ଉପରେ ଶିକ୍ଷା ପ୍ରଦାନ କରିବା ସହ ମଣିଷ ବିଭିନ୍ନ ରୋଗରୁ ମୁକ୍ତି ମିଳିଥାଏ ବୋଲି କହିଥିଲେ । ସ୍କୁଲ କମିଟି ସଭାପତି ଚାପଧାରି ହୋତା ଏଥିରେ ସଭାପତିତ୍ବ କରିଥିଲାବେଳେ ଅତିଥି ଭାବେ ନିଲାଞ୍ଚଲ ମେହେର,ରାଜେଶ କୁମାର ମିଶ୍ର,ପ୍ରଧାନ ଆଚାର୍ଯ୍ୟ ପୂର୍ଣ୍ଣଚନ୍ଦ୍ର ଦୁଆନ,ଅଶୋକ ମେହେର ପ୍ରମୁଖ ଉପସ୍ଥିତ ଥିଲେ । ଶିକ୍ଷକ ହିମାଂଶୁ ଭୁଷଣ ପଣ୍ଡା ସଭା ସଂଯୋଜନା ଓ ଶେଷରେ  ଧନ୍ୟବାଦ ଦେଇଥିଲେ ।ପରେ ଛାତ୍ରଛାତ୍ରୀଙ୍କ ଦ୍ଵାରା ଯୋଗ ଅଭ୍ୟାସ କରାଯାଇଥିଲା ।