22-Jun-2022

ଖପ୍ରାଖୋଲ(ବେଦବର ଛତ୍ରୀଆ) ବଲାଙ୍ଗୀର ଜିଲ୍ଲାର ଖପ୍ରାଖୋଲ ବ୍ଲକରେ ବସୁଧା ଯୋଜନାରେ ଦେଖିବାକୁ ମିଳିଛି ଅନିୟମିତତା। ଖପ୍ରାଖୋଲ ଅଞ୍ଚଳରେ ବାରମ୍ବାର ଦୁର୍ନୀତି ସମ୍ପର୍କରେ ଗଣମାଧ୍ୟମରେ ଖବର ପ୍ରକାଶିତ ହେବା ପରେ ମଧ୍ୟ କଣ ପାଇଁ ବ୍ଲକ ପ୍ରଶାସନ ନିରବ ତାହା ପ୍ରଶ୍ନବାଚୀ ସୃଷ୍ଟି କରୁଛି।ଠିକାଦାର ଆଉ ପ୍ରଶାସନ ଭିତରେ ମଧୁଚନ୍ଦ୍ରିକା ଚାଲିଛି କି? ସୂଚନା ମୁତାବକ ଖପ୍ରାଖୋଲ ବ୍ଲକ ପଡ଼ିଆବାହାଲ ପଞ୍ଚାୟତର ସାନଉଡେନ ଗ୍ରାମ ଓ ସାହାଜପାଣି ଗ୍ରାମ ପଂଚାୟତ ସାହାଜପାଣି ଗ୍ରାମରେ ବସୁଧା ଯୋଜନାରେ କୂଅ ନିର୍ମାଣ ହେଉଛି ଯାହା ଅତି ନିମ୍ନ ଧରଣର ବୋଲି ଜଣା ଯାଇଛି।ଏ ନେଇ ଆମର ପ୍ରତିନିଧି ଖପ୍ରାଖୋଲ ଆର୍ ଡବ୍ଲ୍ୟୁ ଏସ୍ ଏସ୍  ର ଜେ.ଇ ଙ୍କ ସହିତ ସାକ୍ଷାତ କରିବାକୁ ଯାଇଥିଲେ କିନ୍ତୁ ସାକ୍ଷାତ ହୋଇ ପାରି ନଥିଲା।ଫୋନ ଯୋଗେ ଯୋଗାଯୋଗ କରିବାରୁ ସେ ସବୁ କାମ ଠିକ ରେ ଚାଲିଛି ବୋଲି ସୂଚନା ଦେଇଥିଲେ।କିନ୍ତୁ ଅପର ପକ୍ଷରେ ଦେଖିବାକୁ ମିଳିଛି ଯେ ପ୍ରଥମ କଥା ହେଲା ସୂଚନା ଫଳକ ନାହିଁ।ଏବଂ ଯୋଉ ଛଡ଼ ବ୍ୟବହାର ହେବା କଥା ହେଉ ନାହିଁ। ୧୬ ଏମ୍ ଏମ୍ ଛଡ଼ ଜାଗାରେ  ୧୨ ଏମ୍ ଏମ୍ ଦେଉଛନ୍ତି।ଯାହା ଜେ. ଇ ଆଗରୁ ୧୬ ଏମ୍ ଏମ୍  କହିଥିଲେ ଏବେ ୧୨ ଏମ୍ ଏମ୍  କାମ କରାଯାଉଛି।  ୪୦ କ୍ୱିଣ୍ଟାଲ ଛଡ଼ ଲାଗିବା ଜାଗାରେ କମ ଲାଗିଥିବା ସୂଚନା ମିଳିଛି।କେତେ ଟଙ୍କାର କାମ କେଉଁ ସ୍କିମ ତାହା ପ୍ରଥମେ ଲଗେଇଲା ପରେ କାମ ହେବା କଥା।କେଉଁ ଆଧାର ରେ ଏଇପରି କାର୍ଯ୍ୟ କରୁଛନ୍ତି ତାହା ସାଧାରଣ ରେ ପ୍ରଶ୍ନବାଚୀ ସୃଷ୍ଟି କରୁଛି।ଏଇଟା ଠିକାଦାର ଆଉ ଜେ. ଇ ଙ୍କ ମଧୁ ଚନ୍ଦ୍ରିକା ନୁହଁ ତୋ?ଏହାର ତଦନ୍ତ ହୋଇ ବିହିତ କାର୍ଯ୍ୟାନୁଷ୍ଠାନ ହେବାକୁ ସାଧାରଣରେ ଦାବୀ ହେଉଛି ।