21-Jun-2022

ବରଗଡ(ନିରଞ୍ଜନ ତ୍ରିପାଠୀ) ବରଗଡ଼ ଜିଲ୍ଲା ପଦ୍ମପୁର ତାଲୁକ ଆଇନ ସେବା ପ୍ରାଧିକରଣ ଆନୁକୁଲ୍ୟରେ ପଦ୍ମପୁର ସିଭିଲ କୋର୍ଟ ପରିସରରେ ଆନ୍ତର୍ଜାତିକ ଯୋଗ ଦିବସ ପାଳିତ ହେବାସହ ଏକ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି ।ଏହି ସଚେତନତା ଶିବିର ରେ ଅତିରିକ୍ତ ଜିଲ୍ଲା ବିଚାରପତି ତଥା ତାଲୁକ ଆଇନ ସେବା ପ୍ରାଧିକରଣ ର ଅଧ୍ୟକ୍ଷ ଶ୍ରୀମାନ ଅରବିନ୍ଦ ରଥ, ଆନ୍ତର୍ଜାତିକ ଯୋଗ ଦିବସ ପାଳନ ର ଆଭିମୁଖ୍ୟ ସମ୍ପର୍କରେ ଆଲୋକପାତ କରିଥିଲେ।ଯୋଗ ସାଧନା ଦ୍ବାରା ମନୁଷ୍ୟ ର ଦିର୍ଘଜୀବି ହୁଏ ।ଯୋଗ ଭାରତ ବର୍ଷ ର ପ୍ରାଚୀନ ପରମ୍ପରା ଏକ ଅମୁଲ୍ୟ ଉପହାର ।ଯୋଗ ଦ୍ୱାରା ମନ ଓ ଶରୀର, ବିଚାର ଓ କାମ ମଧ୍ୟରେ ଏକତାର ଭାବନା ସୃଷ୍ଟି କରେ । ପ୍ରକୃତି ସହ ସମନ୍ୱୟ ରକ୍ଷାକରି ଚାଲିବାରେ ସାହାଯ୍ୟ କରେ ।ଏହା ମଣିଷ ର ସାମଗ୍ରିକ ବିକାଶ ଲାଗି ଉଦ୍ଦିଷ୍ଟ। ଜୀବନ ଶୈଳୀ କୁ ପରିବର୍ତ୍ତନ କରି ଆତ୍ମା ଚେତନା ର ଜାଗ୍ରତ ଏହାର ଲକ୍ଷ୍ୟ ବୋଲି ଶ୍ରୀମାନ ରଥ ମତବ୍ୟକ୍ତ କରିଥିଲେ। ବରିଷ୍ଠ ଦେବାନୀ ବିଚାରପତି ଶ୍ରୀମତୀ ଆଭିନ୍ଦିତା ପଣ୍ଡା ଓ ଉପଖଣ୍ଡିୟ ବିଚାରପତି ଶ୍ରୀମତୀ ପ୍ରଜ୍ଞା ଲଲିତ ମିଶ୍ରା ଉପସ୍ଥିତ ରହି କାର୍ଯ୍ୟକ୍ରମ କୁ ପରିଚାଳନା କରିଥିଲେ। ପଦ୍ମପୁର ଓକିଲ ସଂଘ ର ବରିଷ୍ଠ ଓ ଯୁବ ଆଇନଜୀବୀ ବିଭିନ୍ନ ଆଇନ ବିଷୟରେ ପୁଙ୍ଖାନୁପୁଙ୍ଖ ଆଲୋଚନା କରି ଉପସ୍ଥିତ ଜନତାଙ୍କୁ ସଚେତନ କରିଥିଲେ ।ଏହି ସଚେତନତା ଶିବିର ରେ ପଦ୍ମପୁର ସହରର ଜଣାଶୁଣା ବ୍ୟକ୍ତି ଭାସ୍କର ଦାଶ ବିଭିନ୍ନ ଯୋଗାସନ ର ଶିକ୍ଷା ପ୍ରଦାନ କରିଥିଲେ।ପାରାଲିଗାଲ ସ୍ୱେଚ୍ଛାସେବୀ ଗଣ ଉପସ୍ଥିତ ରହି ସଭାକାର୍ଯ୍ୟ ରେ ସମ୍ପୁର୍ଣ୍ଣ ସହଯୋଗ କରିଥିଲେ ।ଏଭଳି ସଚେତନତା ଶିବିର ଫଳରେ ଲୋକମାନଙ୍କ ଆଇନ ପ୍ରତି ଶ୍ରଦ୍ଧା ଓ ବିଶ୍ବାସ ଦୃଢିଭୂତ ହେବବୋଲି ପଦ୍ମପୁର ସହରରେ ଆଲୋଚନା ହେବାରେ ଲାଗିଛି । ଆଇନଜୀବୀ ସର୍ବଶ୍ରୀ:-ଗୈାତିଆ କୁମାର ସାହୁ, ଶାନ୍ତନୁ କୁମାର ତ୍ରିପାଠୀ, ଅଜିତ କୁମାର ଶତପଥୀ, ସୁନିଲ ପାଣିଗ୍ରାହୀ, ଚିନ୍ମୟ କୁମାର ପଣ୍ଡା ପ୍ରମୁଖ ଏହି କାର୍ଯ୍ୟକ୍ରମ ରେ ସାମିଲ ଥିବାବେଳେ,ପଦ୍ମପୁର ସିଭିଲ କୋର୍ଟ ର କର୍ମଚାରୀ ସର୍ବଶ୍ରୀ:-ଫଗୁରାମ ମାଝୀ, ପବିତ୍ର ସାହୁ,ସୁଧିର କୁମାର ଲେଙ୍କା, ରାକେଶ ଥନାପତି,ବଳିଷ୍ଠ କୁମ୍ଭାର ଓ ଅନ୍ୟାନ୍ୟ କର୍ମଚାରୀ ଗଣ ଉପସ୍ଥିତ ଥିଲେ। ପରିଶେଷରେ ପଦ୍ମପୁର ଓକିଲ ସଂଘ ର ସଭାପତି ଉମେଶ ଚନ୍ଦ୍ର ସାହୁ ଧନ୍ୟବାଦ ଅର୍ପଣ କରିଥିଲେ।