21-Jun-2022

ବଲାଙ୍ଗିର(ଅନ୍ତର୍ଯ୍ୟାମୀ ସାହୁ)- ଅଖିଳ ଭାରତୀୟ ସାଂସ୍କୃତିକ ସଂଗଠନ “ସଂସ୍କାର ଭାରତୀ” ର ସଂସ୍ଥାପକ ବାବା ଯୋଗେନ୍ଦ୍ର ଜୀଙ୍କ ମହାପ୍ରୟାଣ ଗତ ୨ ମଇ ୨୦୨୨ ରେ ହୋଇଥିଲା ।  ସେ ଭାରତୀୟ କଳା ଓ ସଂସ୍କୃତି କ୍ଷେତ୍ରରେ ରାଷ୍ଟ୍ରୀୟ ଚେତନା ଜାଗ୍ରତ କରିବା ଦିଗରେ ନିଜକୁ ଉତ୍ସର୍ଗୀକୃତ କରି ପଦ୍ମଶ୍ରୀ ସମ୍ମାନାଳଙ୍କୃତ ହୋଇଥିଲେ । ତାଙ୍କର ଜୀବନ ବ୍ୟାପୀ ମହତାଦର୍ଶକୁ ସ୍ମରଣ ପୂର୍ବକ ସ୍ଥାନୀୟ ତେଲିଗୋଠପଡା, ବଲାଙ୍ଗିର ସ୍ଥିତ ଚିତ୍ର, ସଙ୍ଗୀତ ଓ ନୃତ୍ୟ ମହାବିଦ୍ୟାଳୟ “କଳାଧାମ” ଠାରେ ସଂସ୍କାର ଭାରତୀ, ବଲାଙ୍ଗିର ପକ୍ଷରୁ ଏକ ଶ୍ରଦ୍ଧାଞ୍ଜଳୀ ସଭା ଅନୁଷ୍ଠିତ ହୋଇଯାଇଛି । ଏ ଅବସରରେ ସଂସ୍କାର ଭାରତୀ ବଲାଙ୍ଗିର ର ସଦସ୍ୟବୃନ୍ଦ ତଥା ସଂପାଦକ ଦିଲ୍ଲୀପ କୁମାର ସିଂହଦେଓ, ସଭାପତି ବାସୁଦେବ ମେହେର ଏବଂ ସଂଯୋଜକ ପ୍ରଭାକର ମିଶ୍ର ପ୍ରମୁଖ ଉପସ୍ଥିତ ରହି ଦିବଙ୍ଗତ ବାବା ଯୋଗେନ୍ଦ୍ର ଜୀଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଓ ପୁଷ୍ପାଞ୍ଜଳୀ ଅର୍ପଣ ତଥା ନୀରବ ପ୍ରାର୍ଥନା କରିବା ସହ ତାଙ୍କ ସ୍ମୃତିଚାରଣ କରିଥିଲେ । ତାଙ୍କ ନିଧନରେ ସମଗ୍ର ଭାରତ ବର୍ଷର କଳା ଓ କଳାକାରଙ୍କୁ ଏକତ୍ରିତ କରିବାର ସଂସ୍କାର ଭାରତୀର କାର୍ଯ୍ୟଧାରାରେ ଏକ ଅପୂରଣ୍ୟୀ କ୍ଷତି ବୋଲି ମତବ୍ୟକ୍ତ କରିଥିଲେ । ଉକ୍ତ ଶ୍ରଦ୍ଧାଞ୍ଜଳୀ ସଭାରେ ରାହାସ ବିହାରୀ ଭୋଇ, ବୁଦ୍ଧି ସାଗର ଯୋଷୀ, କ୍ଷମା ସାଗର ଯୋଷୀ, ଜବାହାରଲାଲ ନନ୍ଦ, ଶଙ୍କର ଅଗ୍ରୱାଲ, ସନ୍ତୋଷ ସାହୁ, ଅଜୟ ଅମର ସିଂହଦେଓ ଓ ନଳିନୀ ସିଂହ ପ୍ରମୁଖ ତଥା ଅନ୍ୟାନ୍ୟ ବୁଦ୍ଧିଜୀବି ଉପସ୍ଥିତ ରହି ଶ୍ରଦ୍ଧାଞ୍ଜଳୀ ଜ୍ଞାପନ କରିଥିଲେ ।