21-Jun-2022

ସୁବର୍ଣ୍ଣପୁର///  ସଂସ୍କୃତି ଭବନ ଠାରେ ଜିଲ୍ଲା ପ୍ରଶାସନ  ପକ୍ଷରୁ ବିଶ୍ବ ଯୋଗ ଦିବସ ପାଳିତ ହୋଇଯାଇଛି l ସନ୍ଥ କବି ଭୀମ ଭୋଇ ସେବା ଟ୍ରଷ୍ଟ ଓ ଯୋଗ ମହୋତ୍ସବ ସମିତି ର ମିଳିତ ସହଯୋଗ ରେ ଆୟୋଜିତ ଜ଼ିଲ୍ଲା ପ୍ରଶାସନ ର ଏହି ଉତ୍ସବ ରେ  ସୁବର୍ଣ୍ଣପୁର ଜିଲ୍ଲାପାଳ ଅବୋଲୀ ସୁନୀଲ ନରୱଣେ  ମୁଖ୍ୟ ଅତିଥି ରୂପେ ଯୋଗ ଦେଇ ଏହି ଶିବିର ରେ ନିଜେ ଯୋଗାଭ୍ୟାସ କରି ଶରୀର କୁ ଫିଟନେସ ରଖିବା ସହିତ ଆମ ମନ କୁ ପ୍ରଥମେ ସ୍ଥିର ରଖିବା କୁ ପଡିବ, ଆଉ ସେଥିପାଇଁ ଆମକୁ ନିୟମିତ ଭାବେ କିଛି ସମୟ ଯୋଗାଭ୍ୟାସ କରିବାକୁ

ହେବ ବୋଲି ଉପସ୍ଥିତ ଛାତ୍ର ଛାତ୍ରୀ ,ସହର ର ବୁଦ୍ଧିଜୀବୀ, ସରକାରୀ କର୍ମଚାରୀ ଓ  ବିଭିନ୍ନ  ଯୋଗ ସଂଗଠନ, ସ୍ବେଛାସେବୀ ସଂଗଠନର କାର୍ଯ୍ୟକର୍ତ୍ତା ଙ୍କୁ ଉଦବୋଧନ ଦେଇ କହିଥିଲେ l ସନ୍ଥ କବି ଭୀମ ଭୋଇ ଟ୍ରଷ୍ଟ  ଓ ଯୋଗ ମହୋତ୍ସବ୍ ସମିତି  ଓ  ଯୋଗାଳୟ ର  ରଶ୍ମି ରଞ୍ଜନ ଦାଶ, ଜୟଦ୍ରଥ ଜଗଦଲା, ସଞ୍ଜୟ ମହାପାତ୍ର, ହରିହର ଶତପଥୀ, ମନୋଜ ପଣ୍ଡା, ନିରଞ୍ଜନ ତ୍ରିପାଠୀ, କାନ୍ହୁ ଚରଣ ସାହୁ, ପ୍ରମୁଖ ଙ୍କ ସମେତ  ସ୍ବଛଭାରତ ସଂଗଠନ, ସରସ୍ବତୀ ଶିଶୁ ବିଦ୍ୟା ମନ୍ଦିର, ପତଞ୍ଜଳି ଯୁବା ଭାରତ,  ସୋନପୁର କଲେଜ ଏନସିସି  ଲେଫ୍ଟନେଣ୍ଟ ଆଶିଷ ଆଗ୍ରୱାଲା ଓ କ୍ୟାଡେଟ, ଓ ଦୟାନନ୍ଦ ସ୍କୁଲ କର୍ମକର୍ତ୍ତା ସହଯୋଗ କରିଥିଲେ l ଆର ଏସ ଏସର କର୍ମକର୍ତ୍ତାଙ୍କ  ତତ୍ୱା ବଧାନ ରେ  ସହରର ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀ ଏଥିରେ ସାମିଲ ହୋଇଥିଲେ l ଆର ଏସ ଏସର ବିଭାଗ ବୌଦ୍ଧିକ ପ୍ରମୁଖ ତଥା ଯୋଗ ପ୍ରଶିକ୍ଷକ ଡକ୍ଟର ଦୀଲ୍ଲିପ ତ୍ରୀପାଠୀ ଙ୍କ ମୁଦ୍ରାର ତାଳେ ତାଳେ ସଭିଏଁ ଯୋଗାସନ ପ୍ରଦର୍ଶନ କରିଥିଲେ  । ତେବେ ଦିନକୁ ଦିନ ଯୋଗର ପରିସର ବ୍ୟାପକ ହେଉଥିବା ବେଳେ ଆଜି ସହରରେ ଶ୍ରୀ ଗୋପାଳଜୀ ଯୋଗାଳୟ ,ଜିଲ୍ଲା ଫୌଜଦାରୀ ଓ ଦେୱାନୀ ଅଦାଲତ ,ସୁବର୍ଣ୍ଣା ନାରୀ ଜାଗରଣ କେନ୍ଦ୍ର ,ବାଲାଜୀ ମନ୍ଦିର ପରିସର ଓ

ରାମଜୀ ମନ୍ଦିର ପରିସର ସମେତ ବିଭିନ୍ନ ବିଦ୍ୟାଳୟରେ ଓ ସମଗ୍ର ଭାରତ ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଆହ୍ୱାନ କ୍ରମେ ଯୋଗ ଦିବସକୁ ବେଶ ଉତ୍ସାହ ଓ ଉଦ୍ଦୀପନାର ସହିତ ପାଳନ କରାଯାଇଛି  l ନିଜକୁ ସୁସ୍ଥ ରଖିବାକୁ ପ୍ରତ୍ୟହ ଯୋଗାସନ କରିବା ପାଇଁ ସୁବର୍ଣ୍ଣପୁର ପି -ଡି ଡି -ଆର ଡି ଏ   ନିହାର ରଞ୍ଜନ କଅଁର , ଓ କ୍ରୀଡା ଅଧିକାରୀ ଅଭିଳାଷ ପୁରୋହିତ, ସୂଚନା ଓ ଲୋକ ସମ୍ପର୍କ ବିଭାଗ ଅଧିକାରୀ ଅଶ୍ୱିନୀ ଭୋଇ ପ୍ରମୁଖ ମଂଚାସୀନ ଅତିଥି ମତ ରଖିଥିଲେ l ଜ଼ିଲ୍ଲାପାଳ ଙ୍କୁ ସ୍ୱଚ୍ଛ ଭାରତ ଓ ଏନ ସି ସି ପକ୍ଷରୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l