21-Jun-2022

ବୌଦ୍ଧ - ସମଗ୍ର ବିଶ୍ୱରେ ଅଷ୍ଟମ ବିଶ୍ୱ ଯୋଗ ଦିବସ ପାଳନ କରିବା ପାଇଁ ଆୟୋଜିତ ହୋଇଥିବା ବେଳେ ବୌଦ୍ଧଜିଲ୍ଲା ବିଭିନ୍ନ ସ୍ଥାନରେ ମହା ମହାସମାରୋହରେ ଆୟୋଜିତ ହୋଇଯାଇଛି ।  ବୌଦ୍ଧ ଟାଉନହଲ ପରିସରରେ ରହିଥିବା ଭିକାରୀ ମଣ୍ଡପ ଠାର ଭାରତ ସରକାରଙ୍କ ଆୟୁଷ ମନ୍ତ୍ରଣାଳୟ ଅଧିନରେ ଥିବା ନେହେରୁ ଯୁବକେନ୍ଦ୍ର ଓ ଭାରତ ସ୍ୱାଭିମାନ

ଟ୍ରଷ୍ଟ ଏବଂ ଜିଲ୍ଲାର ସମସ୍ତ ସାମାଜିକ ଓ ଆଧ୍ୟାତ୍ମୀକ ଅନୁଷ୍ଠାନମାନଙ୍କୁ ନେଇ ମିଳିତ ଭାବେ ଆୟୋଜନ କରାଯାଇଥିଲା । ମୁଖ୍ୟଅତିଥି ଭାବେ ଅତିରିକ୍ତ ଜିଲ୍ଲାପାଳ ଶ୍ରୀମତି ବବିତାରାଣୀ ଦଳବେହେରା ଯୋଗଦାନ କରି ପ୍ରଦିପ ପ୍ରଜ୍ୱଳନ କରି ଉଦ୍‌ଘାଟନ କରିଥିଲେ । ସମ୍ମାନୀତ ଅତିଥି ଭାବେ ଏନ୍‌,ଓ୍ୟାଇ.କେ. ଅଧିକାରୀ ନବନୀତ କୁମାର, ସୁଚନା ଓ ଲୋକ ସଂପର୍କ ଅଧିକାରୀ ରୀତାକାନ୍ତି ବଳିୟାରସିଂହ, ସଂସ୍କୃତି ଅଧିକାରୀ ଶୁକ୍ରୁ ସ୍ୱାଇଁ, ଅବସରପ୍ରାପ୍ତ ପ୍ରଶାସନୀକ ଅଧିକାରୀ ବିପ୍ର ଚରଣ ମହାନ୍ତି, ଅବସର ପ୍ରାପ୍ତ ଅଧ୍ୟକ୍ଷ ଡମ୍ବରୁ ଭୋଇ, ଅବସର ପ୍ରାପ୍ତ ବ୍ୟାଙ୍କ ଅଧିକାରୀ ସୂର୍ଯ୍ୟକାନ୍ତ ଦଳବେହେରା, ସଂଘ ପରିବାରର ଲକ୍ଷ୍ମଣ ଭାଇ ପ୍ରମୁଖ ଯୋଗଦାନ କରିଥିଲେ । ଏହି ଶିବିରରେ ଯୋଗ ଶିକ୍ଷକ ସୁଶାନ୍ତ କୁମାର ମହାପାତ୍ର, ଶିକ୍ଷକ ପଦ୍ମଚରଣ ମେହେର ଯୋଗାଭ୍ୟାସ କରାଇଥିବା ବେଳେ ମୁଖ୍ୟ ଯୋଗ ଶିକ୍ଷକ ଭାରତ ସ୍ୱାଭିମାନ ଟ୍ରଷ୍ଟର ଜିଲ୍ଲା ପ୍ରଭାରୀ ଦେବାଶିଷ ପୁରୋହିତ ସଂଯୋଜନା କରିଥିଲେ । ଏହି ଶିବିରରେ ବୌଦ୍ଧଜିଲ୍ଲାର ବୁଦ୍ଧିଜିବୀ, ଛାତ୍ରଛାତ୍ରୀ ଏବଂ ଯୋଗ ମହୋତ୍ସବ ସମିତି, ପତଂଜଳି ଯୋଗ ସମିତି, ଗାୟତ୍ରୀ ପରିବାର, ସଂଘ ପରିବାର, ମାରଓ୍ୟାଡି ଯୁବା ମଂଚ, ଭୈରବୀ କ୍ଲବ, ୟୁଥ୍ ରେଡକ୍ରସ, ବୌଦ୍ଧ ତାଇକୋଣ୍ଡୁ ଆସୋସିଏସନ ର ସଦସ୍ୟ ଓ କର୍ମକର୍ତାମାନେ ଯୋଗଦାନ କରିଥିଲେ । ବୌଦ୍ଧ ଜିଲ୍ଲା କୋର୍ଟ ପରିସରରେ ଆୟୋଜିତ କାର୍ଯ୍ୟକ୍ରମରେ ପତଂଜଳି ଯୋଗ ସମିତିର ଜିଲ୍ଲା ପ୍ରଭାରୀ ହୃଷିକେଶ ପ୍ରଧାନ ପ୍ରଶିକ୍ଷଣ ପ୍ରଦାନ କରିଥିଲେ । ବୌଦ୍ଧ କେନ୍ଦ୍ରୀୟ ବିଦ୍ୟାଳୟରେ ଅନୁଷ୍ଠିତ କାର୍ଯ୍ୟକ୍ରମରେ ଦେବାଶିଷ ପୁରୋହିତ, ସୁଶାନ୍ତ ମହାପାତ୍ର ଓ ଦିଲ୍ଲୀପ କୁମାର ଚୌଧୁରୀ ଛାତ୍ରଛାତ୍ରୀ ଓ ଶିକ୍ଷକ ଶିକ୍ଷୟତ୍ରୀମାନଙ୍କୁ ଯୋଗାଭ୍ୟାସ କରାଇଥିଲେ । ଶିଳ୍ପ ତାଲିମ କେନ୍ଦ୍ର ଠାରେ ଅନୁଷ୍ଠିତ ଯୋଗ କାର୍ଯ୍ୟକ୍ରମରେ ଯୋଗ ଶିକ୍ଷକ ନଟବର ଅଗ୍ରଓ୍ୟାଲା ଯୋଗ ପ୍ରଶିକ୍ଷଣ ଅଭ୍ୟାସ କରାଇଥିଲେ ।

ଦିବ୍ୟ ଜୀବନ ସଂଘ ପରିସରରେ ଯୋଗ ଓ ବୁଦ୍ଧଂ ଅନୁଷ୍ଠାନ ତରଫରୁ ଆୟୋଜିତ ଯୋଗ କାର୍ଯ୍ୟକ୍ରମରେ ଆରକ୍ôଷ ଅଧିକ୍ଷକ ମୁଖ୍ୟ ଅତିଥି ଭାବେ ଯୋଗଦେଇଥିଲେ । ମନରଞ୍ଜନ ମହାପାତ୍ର ଓ ସୁବାସ ଭୋଇ ଯୋଗାଭ୍ୟାସ କରାଇଥିଲେ । ବରିଷ୍ଠ ନାଗରିକମାନଙ୍କ ତରଫରୁ ଖେଳପଡିଆ ଠାରେ ଅନୁଷ୍ଠିତ ଶିବିରରେ ସଂପାଦକ ଅକ୍ଷୟ କୁମାର ମହାନ୍ତି ଯୋଗ ପ୍ରଶିକ୍ଷଣ ପ୍ରଦାନ କରିଥିଲେ । ମହିଳା ପତଂଜଳି ଯୋଗ ସମିତି ତରଫରୁ ଆୟୋଜିତ ବିଶ୍ୱ ଯୋଗ ଦିବସ କାର୍ଯ୍ୟକ୍ରମରେ ସଂପାଦିକା ଯୋଗ ଶିକ୍ଷୟତ୍ରୀ ରଂଜିତା ମିଶ୍ର ମହିଳା ଓ ଛାତ୍ରୀମାନଙ୍କୁ ପ୍ରୋଟକଲ ଯୋଗ ତାଲିମ ପ୍ରଦାନ କରିଥିଲେ । ବୌଦ୍ଧଜିଲ୍ଲାର ବିଭିନ୍ନ ସ୍ଥାନରେ ଏବଂ ବିଭିନ୍ନ ଶିକ୍ଷାନୁଷ୍ଠାନରେ ଆର୍ନ୍ତଜାତୀୟ ଯୋଗ ଦିବସକୁ ମହାସମାରୋହରେ ପାଳନ କରାଯାଇଛି ।