19-Jun-2022

ସିନ୍ଧେକେଲା (ଅନୀଲ କୁମାର ତ୍ରିପାଠୀ) ବଲାଙ୍ଗିର ଜିଲ୍ଲା ବଙ୍ଗୋମୁଣ୍ଡା ବ୍ଲକ ଅନ୍ତର୍ଗତ ସିନ୍ଧେକେଲା ସ୍ଥିତ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର ସଭାଗୃହ ରେ ଓଡିଶା ମୋ ପରିବାର ଜୀବନବିନ୍ଦୁ ଆନୁକୂଲ୍ୟରେ ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଅଛି । ଜିଲ୍ଲା ବିଜେଡି ସାଧାରଣ ସମ୍ପାଦକ ଫିରୋଜ ଖାନ , ଉପ ସଭାପତି ଉମାକାନ୍ତ ସାହୁଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ ଉକ୍ତ ଶିବିରରେ କଣ୍ଟାବାଞ୍ଜି ପୂର୍ବତନ ବିଧାୟକ ହାଜି ମୋହମ୍ମଦ

ଆୟୁବ ଖାନ ମୁଖ୍ୟ ଅତିଥି ଭାବେ ଯୋଗଦେଇ ଓଡ଼ିଶାର ବରପୁତ୍ର ବିଜୁ ପଟ୍ଟନାୟକଙ୍କ ଫଟୋଚିତ୍ର ରେ ମାଲ୍ୟାର୍ପଣ ଓ ପୂଜାର୍ଚ୍ଚନା କରି ଶୁଭ ଉଦଘାଟନ କରିଥିଲେ । ସମ୍ମାନିତ ଅତିଥି ଭାବରେ ସିନ୍ଧେକେଲା ସରପଞ୍ଚ ନରେଶ ଅଗ୍ରୱାଲ , ବଣିକ ସଙ୍ଘ ସଭାପତି ସୁବାଷ ଜୈନ , ବରିଷ୍ଠ ବିଜେଡି ନେତା ମୁନିରାଜ ଜୈନ , ପୂର୍ବତନ ଜିଲ୍ଲା ପରିଷଦ ଉପାଧ୍ୟକ୍ଷା ଗୋପା ମହାନନ୍ଦ , କଣ୍ଟାବାଞ୍ଜି ମହିଳା ଜନ କଲ୍ୟାଣ ସେବା ସଂସ୍ଥା ର ପ୍ରୀତି ଜୈନ , ବିଜୟ ବଂଶଲ , ସୀମରନ କୌର ପ୍ରମୁଖ ଯୋଗଦେଇ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ । ଶିବିରରେ ଅନ୍ୟମାନଙ୍କ ମଧ୍ୟରେ ବିଜେଡିର ସକ୍ରିୟ କାର୍ଯ୍ୟକର୍ତ୍ତା ବାବୁଲାଲ ଅଦା , ଦ୍ରୋପଦ ନାଏକ , ଝଲପ ସରପଞ୍ଚ ପ୍ରତିନିଧି ଗୋବିନ୍ଦ ପୁଟେଲ , ଅମିତ ସାହୁ , ପୂର୍ବତନ ବଣିକ ସଂଘ ସଭାପତି ସରୋଜ ଜୈନ , ପ୍ରବେଶ ଜୈନ, ସଚିନ ପଣ୍ଡା , ମନୋଜ ଚଣ୍ଡି ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ଯେମିତି ରାଜ୍ୟରେ ରକ୍ତ ପାଇଁ କାହାର ଜୀବନ ନ ଯିବ ସେ

ନେଇ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସାରା ରାଜ୍ୟରେ ଏହି ଶିବିର କୁ ଆୟୋଜନ କରିବା ପାଇଁ ନିର୍ଦ୍ଦେଶ ଦେଇଥିବାରୁ କଣ୍ଟାବାଞ୍ଜି ନିର୍ବାଚନ ମଣ୍ଡଳୀ ର ବିଭିନ୍ନ ସ୍ଥାନରେ ଏଭଳି ଶିବିର ଆୟୋଜନ କରାଯାଉଥିବା ଅତିଥି ମାନେ ପ୍ରକାଶ କରିଥିଲେ । ଉକ୍ତ ଶିବିରରେ ମୋଟ ୪୧ ୟୁନିଟ ରକ୍ତ ସଂଗୃହୀତ ହୋଇଥିବା ବେଳେ କଣ୍ଟାବାଞ୍ଜି ବିଜୁ ପଟ୍ଟନାୟକ ରକ୍ତ ଭଣ୍ଡାରର ଡା: ପି.କେ ବାରିକ , କର୍ମଚାରୀ କୁନାଲ ଦାସ , ଶିବ କୁମାର ସାହୁ , ଗଜପତି ବେହେରା , ଦୁଙ୍ଗ ତାଣ୍ଡି , ପ୍ରଶାନ୍ତ ସାହୁ ପ୍ରମୁଖ ରକ୍ତ ସଂଗୃହୀତ କରିବାରେ ସହଯୋଗ କରିଥିଲେ ।