16-Jun-2022

ବରଗଡ:-ଇଶ୍ୱର ଙ୍କ ଲୀଳା ତାକୁ ହିଁ ଅଗୋଚର, କାହା ପାଇଁ କଣ ଲେଖିଛି ସେ ହିଁ ଜାଣେ I କେତେବେଳେ କାହା ଭାଗ୍ୟ କେଉଁ ଆଡକୁ ମୋଡି ହୁଏ ତାହା ଆମ ଭଳି ମଣିଷ ପକ୍ଷେ ଜାଣିବା ଭାରି କଷ୍ଟକର I ସୁସ୍ଥ ସବଳ 'ଗଙ୍ଗାଧର' ଭାଗ୍ୟରେ ଭଗବାନ ବୋଧେ ଏହା ହିଁ ଲେଖିଥିଲେ । ଦିନ ଥିଲା ଗଙ୍ଗାଧର ରଣା ବୟସ ପ୍ରାୟ ୩୫ ବର୍ଷ ହବ ଜଣେ ଭଲ ଡ୍ରାଇଭର ଟିଏ । ଗାଡି ଚଳାଇ ନିଜ ତଥା ନିଜ ପରିବାର ର ଭରଣ ପୋଷଣ ବେଶ ଆରାମ ରେ କରୁଥିଲେ ହେଲେ ବିଧାତା କୁ କିଛି ଅଲଗା ଦରକାର ଥିଲା ୨୦୦୩ ମସିହାରେ ଖଡ଼ିଆଳ ସିନାପାଲି ନିକଟସ୍ଥ ହାତିବନ୍ଧା ଠାରେ ପିକଅପ ଭ୍ୟାନ ଚଳାଇବା ସମୟରେ ଦୁର୍ଘଟଣା ର ଶିକାର ହୋଇଥିଲେ । ସାମାନ୍ୟ କିଛି ଆଘାତ ପାଇଥିଲେ ଏବଂ ଚିକିତ୍ସା ପରେ ପୁଣି ନିଜ କାମ କୁ ଫେରିଥିଲେ ଓ ଜୀବନ ଜୀବିକା ପାଇଁ କର୍ମ କରିଚାଲିଥିଲେ । ଏହା ମଧ୍ୟରେ ରେ ୨୦୧୦ ମସିହାରେ ରେ ବିବାହ କରି ନିଜ ସୁନା ର ସଂସାର ପାଇଁ ଅନେକ ସ୍ବପ୍ନ ମଧ୍ୟ ଦେଖିଥିଲେ ହେଲେ କଥାରେ ଅଛି ଦଇବ ଦଉଡି ମଣିଷ ଗାଈ ଯେଣିକି ଟାଣଇ ତେଣିକି ଯାଇ ଭଳି ବିବାହ ର ଦୁଇ ବର୍ଷ ପରେ ସୁସ୍ଥ ସବଳ ହୋଇ ଦିନ କାଟୁଥିବା ଗଙ୍ଗାଧର କୁ ରୋଗ ଗ୍ରାସ କରିବା ଆରମ୍ଭ କରିଲା । ଧୀରେ ଧୀରେ ସେ ଅସୁସ୍ଥ  ହୋଇ ପଡିଲେ । ଆଶ୍ଚର୍ଯ୍ୟ ର କଥା ରୋଗ ଟି ର କାରଣ ହେଲା ୯ (ନଅ ) ବର୍ଷ ଆଗରୁ ହୋଇଥିବା ଅର୍ଥାତ ୨୦୦୩ ମସିହା ର ପିକଅପ ଦୁର୍ଘଟଣା I ଶରୀର ଦୁର୍ବଳ ହେଲା ।କାମ ଧନ୍ଦା ସବୁ ଗଲା ଧୀରେ ଧୀରେ ସ୍ତ୍ରୀ ସହ ମତାନ୍ତର ଦେଖା ଦେଲା ଶେଷରେ ସ୍ତ୍ରୀ ମଧ୍ୟ ଧୋକା ଦେଲା ଏବଂ ସବୁଦିନ ପାଇଁ ଗଙ୍ଗାଧର ର ହାତ ଛାଡି ନିଜ ବାପ ଘର ଚାଲିଗଲା ଏଥିରେ ଗଙ୍ଗାଧର ଆହୁରି ଭାଙ୍ଗି ଯାଇଥିଲେ । ପ୍ରଥମେ ପାଇକମାଲ ସ୍ଥିତ ଆୟୁର୍ବେଦ ମହାବିଦ୍ୟାଳୟ ରେ ଚିକିତ୍ସା ଆରମ୍ଭ କରିଥିଲେ । ପରେ ବୁର୍ଲା ମେଡିକାଲ । ଚିକିତ୍ସା  ସମୟ ରେ ଜଣା ପଡିଲା ଯେ ପୂର୍ବରୁ ଘଟିଥିବା ଦୁର୍ଘଟଣା ଯୋଗୁଁ ତାଙ୍କ ଶରୀର ର ଗୋଟିଏ ଭ୍ୟାନ ନଷ୍ଟ ହୋଇଯାଇଛି ଓ ଏହାର ଅସ୍ତ୍ରୋପଚାର କରିବାକୁ ପଡିବ । ପରେ ଏହାର ଅସ୍ତ୍ରୋପଚାର କରାଗଲା ହେଲେ ବିଧିର ବିଧାନ କିଛି ଅଲଗା । ଅସ୍ତ୍ରୋପଚାର ପରେ ଶରୀର ଆହୁରି ବିଗିଡ଼ିବା ରେ ଲାଗିଲା । ଦିନ କୁ ଦିନ ପରିବାର ର ଚିନ୍ତା ବଢିଚାଲିଲା ଅର୍ଥ ଅଭାବ ଯୋଗୁଁ ପରିବାର ର ନିଦ ହଜିଗଲା । ଗାଁ ଲୋକଙ୍କୁ ସାହାଯ୍ୟ ମାଗି, ଧାର କରଜ କରି ପୁଣି ଗଙ୍ଗାଧର କୁ ଭୁବନେଶ୍ୱର ଓଲଟପୁର ନେଲେ ସେଠାରେ କିଛି ଦିନ ର ଚିକିତ୍ସା ପରେ ରୋଗ ଭଲ ନ ହେବାରୁ ପୁଣି ଘର କୁ ଫେରି ଆସିଲେ ଏବଂ କିଛି ବର୍ଷ ପରେ ୨୦୧୮ ମସିହା ରେ ପୁଣି କିଛି ଟଙ୍କା କରଜ କରି  କିଛି ଆଶା ସାଉଁଟି ବାଙ୍ଗାଲୋର ଗଲେ ହେଲେ ସେଠିମଧ୍ୟ ପୂର୍ବପରି ନିରାଶ ହେବାକୁ ପଡିଲା । ବର୍ତ୍ତମାନ ଗଙ୍ଗାଧର ସମ୍ପୂର୍ଣ୍ଣ ଶାରୀରିକ ଅକ୍ଷମ ଅନ୍ୟ ର ସାହାଯ୍ୟ ହେଲେ ଦିନ ଆରମ୍ଭ ହଉଛି ଓ ରାତି ସରୁଛି । ପିତା ଶ୍ରୀଯୁକ୍ତ ରାମ ରଣା ଓ ମାତା ଶ୍ରୀମତୀ ସାବିତ୍ରୀ ରଣା ଙ୍କ ସତ ଚେଷ୍ଟା ପରେ ମଧ୍ୟ୍ୟ ପୁଅ ଭଲ ନ ହେବା ଯୋଗୁଁ ଦିନ ରାତି ଆଖି ରୁ ଲୁହ ଝରୁଛି । ପୁଅ କୁ ଭଲ କରି ଦିଅ ବୋଲି ଛାତି ଫଟା ନିବେଦନ ।ବାସ୍ତବ ରେ ହୃଦୟ ଦୋହଲାଉଛି । ସବୁ ବାଟ ବନ୍ଦ ପରେ ସରକାର ଙ୍କ ଆଗରେ ନିଜ ପୁଅ ର ଜୀବନ ପାଇଁ ଭିକ୍ଷା ପ୍ରାର୍ଥନା କରିଛନ୍ତି ଉଭୟେ । ପାଇକମାଲ ଡ୍ରାଇଭର ମହାସଂଘ ର କିଛି ସଦସ୍ୟ ଅଜିତ ଦାସ, ରୋହିତ ଯାନୀ, ପ୍ରଦୀପ ସାହୁ, ନୀଳାଞ୍ଚଳ ବେହେରା ଡ୍ରାଇଭର ଗଙ୍ଗାଧର ରଣା ପ୍ରମୁଖ ଚିକିତ୍ସା ପାଇଁ ନିଜ ସଙ୍ଘ, ଜିଲ୍ଲା ପ୍ରଶାସନ, ରାଜ୍ୟସରକାର ଓ ସମସ୍ତ ଜନସାଧାରଣ ଙ୍କୁ ନିବେଦନ ଜଣାଇଛନ୍ତି