15-Jun-2022

ବଲାଙ୍ଗିର/ପାଟଣାଗଡ଼ (ପୁର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ପାଟଣାଗଡ଼ ନିର୍ବାଚନ ମଣ୍ଡଳୀ ଦିନେ ବିଜେପି ଗଡ ଭାବେ ପରିଚିତ ଥିଲା। ଦୀର୍ଘ ଦୁଇ ଦଶନ୍ଧି ଧରି ଏଠାରେ ଭାରତୀୟ ଜନତା ପାର୍ଟିର ବିଧାୟକ ରହି ଆସୁଥିଲେ। କିନ୍ତୁ ୨୦୧୯ ନିର୍ବାଚନରେ ବିଜୁ ଜନତା ଦଳରୁ ଟିକେଟ ପାଇ

ଯୁବନେତା ସରୋଜ କୁମାର ମେହେର ବିଜୟୀ ହୋଇଥିଲେ।ସେ ଅକ୍ଳାନ୍ତ ପରିଶ୍ରମ କରି ଧିରେ ଧିରେ ଆଗକୁ ବଢ଼ିବାରେ ଲାଗିଲେ।ସେ ଏମିତି ଗୋଟି ଚାଳନା କଲେ ଯେ ଚଳିତ ବର୍ଷ ପଞ୍ଚାୟତ ନିର୍ବାଚନ ରେ ତିନି ବ୍ଳକକୁ ନିଜ ଅକ୍ତିଆରକୁ ଆଣିଛନ୍ତି।ସବୁ ସମୟରେ ମିଶ୍ରଣ ପର୍ବ କରି ବହୁ ଗୁଡ଼ିଏ

କଂଗ୍ରେସ ଓ ବିଜେପି ଦଳର କର୍ମୀମାନଙ୍କୁ ବିଜେଡି ଦଳରେ ସାମିଲ କରିଦେଲେଣି। ଏଭଳି ଭାବେ ଆଜି ଖପ୍ରାଖୋଲ ବ୍ଳକ ର ପୂର୍ବତନ ଅଧ୍ୟକ୍ଷ ନରସିଂ ବୁଡେକ ଙ୍କ ପୁଅ  ପ୍ରଶାନ୍ତ ବୁଡେକ ,କ୍ଷମାନିଧି ବରିହା, ଫକିର ପ୍ରଧାନ,ବିବେକ ସାହୁ ବିଜୁ ଜନତା ଦଳରେ ଆନୁଷ୍ଠାନିକ ଭାବେ ଯୋଗଦାନ କରିଥିବା ଜଣାପଡିଛି।ସତରେ ୨୦୨୪ ନିର୍ବାଚନ ରେ ବିଜୁ ଜନତା ଦଳ ସହିତ କେହି ବି ଟକ୍କର ଦେଇପାରିବେ ନାହିଁ ବୋଲି ଜନସାଧାରଣରେ ମତ ପ୍ରକାଶ ପାଉଛି।