15-Jun-2022

ବଲାଙ୍ଗିର / ଦୀର୍ଘ ୩ ବର୍ଷ ଧରି ସରକାରୀ ଜଳଚର ଜମିକୁ ଜବରଦଖଲ କରି ଗାଁ ଲୋକଙ୍କୁ ହଇରାଣ କରି ଆସୁଥିଲା l ଏପରିକି ନିଜର ସ୍ଵାର୍ଥ ରକ୍ଷା ଗାଁ ଭିତରକୁ ଯାଇଥିବା ନାଳକୁ ପୋତି ଦେଇ ଥିଲେ ଏହି ଯୁବକ ଜଣକ l
ଏକ ଲମ୍ବା ଲଢେଇ ପରେ ଜବର ଦାଖଲକାରୀଙ୍କ ହାତରୁ ମୁକ୍ତ ହୋଇଛି ଜଳଚର ଜମି l 
 ଏପରି କିଛି ଅଭାବନୀୟ ଘଟଣା ଘଟିଛି ବଲାଙ୍ଗିର ଜିଲ୍ଲା କୁରୁଲ୍ ପଞ୍ଚାୟତ ଭରତ ବାହାଲ ଗାଁ ରେ  l  କୁରୁଲ ପଞ୍ଚାୟତ ବାସୀନ୍ଦା ଘାସିରାମ ପଟେଲ ଭରତ ବାହାଲ ଗାଁ ର ୧ ଏକର ୮ ଡିସିମିଲ ପରିମିତ ତେନ୍ତୁଳିମୁଣ୍ଡା ମୁଡl କୁ ଜବରଦଖଲ କରି ଏଠାରେ ଚାଷ କରି ଆସୁଥିଲା l ଏପରକି ପାଖରେ ଥିବା ନାଳ କୁ ବନ୍ଦ କରି ଦେଇ ଗାଁ ଭିତରକୁ ପାଣି ପ୍ରବେଶ କରିବାରେ ବାଧା  ସ୍ରୁଷ୍ଟି କରୁଥିଲେ ଘାସିରାମ l ଗାଁବାସୀ ଏ ନେଇ ଘାସିରାମକୁ ଅଭିଯୋଗ କଲା ପରେ ମଧ୍ୟ ଗାଁବାସୀଙ୍କ କଥା ଶୁଣି ନ ଥିଲେ l କୁଆଡେ ଏହି ବ୍ଯକ୍ତି ଜଣକ ସ୍ଥାନୀୟ ସରପଞ୍ଚ, ଓ ମନ୍ତ୍ରୀଙ୍କ ପାଖ ଲୋକ ତେଣୁ ଏମାନଂକର ବଳରେ ବଳିୟାନ ହୋଇ ଏ ବ୍ୟକ୍ତି ଜଣକ ନିଜର ମନମାନୀ ଚଳାଇ ଆସୁଥିଲେ l  ଗାଁ ବାସୀଙ୍କ ଅନୁସାରେ କୁଆଡେ କୁରୁଲ ସରପଞ୍ଚ  ସିଧାସଳଖ ନିଜ ଲେଟର୍ ପେଡ଼ ରେ ଘାସିରାମଙ୍କ ଜବରଦଖଲ ବଳବତ୍ତର ରହିବାରେ କୌଣସି ଅସୁବିଧା ନାହିଁ ବୋଲି ତହସିଲଦାରଙ୍କୁ ଜଣାଇ ଥିଲେ l ଏହି ଅସାଧୁ ବ୍ୟକ୍ତିଙ୍କ ଅନୈତିକ ଓ ଗାଁ ବିରୋଧୀ କାର୍ଯ୍ୟକଳାପ ଯୋଗୁଁ ସାରା ଭରତବାହାଲ ଗ୍ରାମବାସୀ ନାହିଁ ନଥିବା ଅସୁବିଧାର ସମ୍ମୁଖୀନ ହୋଇ ଆସୁଥିଲେ l ଗାଁ ଭିତରକୁ ଆସୁଥିବ ପାଣି ସ୍ରୋତ ବନ୍ଦ

ହୋଇଯାଇଥିବା ଯୋଗୁଁ ଗାଁ ର ନୂଆଁ ବନ୍ଧ୍ ଶୁଖିଲା ହୋଇ ପଡିଛି l  ବନ୍ଧକୁ ମୋଟର ପମ୍ପ ଲଗାଇ ଗ୍ରାମବାସୀ ଆତି ଦୟନୀୟ ଭବରେ ଗାଧୋଇବା କାମ କରୁଛନ୍ତି l ତେବେ ଜଳଚର ଜମିକୁ ନିଜ ଅକ୍ତିଆରରେ ରଖିବା ପରି ଏକ ହୀନ ଚକ୍ରାନ୍ତ ବିରୁଦ୍ଧରେ ଶେଷରେ ଭରତ ବାହାଲ ଗ୍ରାମବାସୀ ଏକଜୁଟ ହୋଇଛନ୍ତି l ଏ ସଂକ୍ରାନ୍ତରେ ପୁଇଁତଳା ତହସିଲଦାରଙ୍କୁ ଲିଖିତ ଅଭିଯୋଗ କଲା ପରେ ତହସିଲଦାର ଘଟଣାସ୍ଥଳରେ ପହଂଚି ଜମିର ଡିମାର୍କେସନ୍ କରିଛନ୍ତି l ଦୀର୍ଘ ବର୍ଷର ଲଢେଇ ପରେ ବର୍ତ୍ତମାନ ଏହି ଜମି ଗାଁବାସୀଙ୍କ ହାତକୁ ଯାଇଥିବାରୁ ଗାଁ ବାସୀଙ୍କ ମଧ୍ୟରେ ଖୁସିର ବାତାବରଣ ଦେଖିବାକୁ ମିଳିଛି l ଆଜି  ପୁଇଁତଳା ତହସିଲଦାରଙ୍କ ଉପସ୍ଥିତିରେ ଏହି ମୁଡl ର ଉନ୍ନତିକରଣ ଓ ମାଟି କାମ ଆଗେଇ ଥିଲାl l ମୂଲ୍ୟବାନ ତେନ୍ତୁଳିମୁଣ୍ଡା ଜଳଚର ଜମି ଗାଁ ବାସୀ ଫେରି ପାଇଥିବାରୁ ଜିଲ୍ଲାପ୍ରଶାସନଙ୍କୁ ଅଶେଷ କୃତଜ୍ଞତା ଜଣାଇଛନ୍ତି l ଅନ୍ୟପକ୍ଷରେ ଆାଗାମୀ ଦିନରେ ଏହି ସରକାରୀ ଜଳଚର ଜମି ଯଦି କେହି ହଡ଼ପ କରିବା ପାଇଁ ଚେଷ୍ଟା କରେ ତେବେ ଗ୍ରାମବାସୀ ରାଜରାସ୍ତାକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି l