14-Jun-2022

ସିନ୍ଧେକେଲା(ଅନୀଲ କୁମାର ତ୍ରିପାଠୀ): ବଙ୍ଗୋମୁଣ୍ଡା ବ୍ଲକର ମାଟି ଉପରେ ଯେତିକି ଖଣିଜ ସମ୍ପଦ ଅଛି ମାଟି ତଳେ ସେତିକି। ଆଉ ବର୍ଷ ବର୍ଷ ଧରି ଏହି ଖଣିଜ ସମ୍ପଦର ହରିଲୁଟ ଚାଳିଛି। ଏଥିପାଇଁ ସ୍ଥାନୀୟ ଲୋକଙ୍କ ଅଭିଯୋଗ ଅସୁବିଧାକୁ ଭିତ୍ତିକରି ବିଭିନ୍ନ ଗଣମାଧ୍ୟମରେ ଲଗାତାର ଖବର ପରିବେଷଣ କରି ପ୍ରଶାସନିକ କଳର ଦୃଷ୍ଟି ଆକର୍ଷଣ କରିବାର ପ୍ରୟାସ ଆରମ୍ଭ କରିଥିଲେ। ତେବେ ସୋମବାର ସିନ୍ଧେକେଲା ରାଜସ୍ବ ନିରୀକ୍ଷକଙ୍କ ନେତୃତ୍ବରେ ସିନ୍ଧେକେଲା-

ବଙ୍ଗୋମୁଣ୍ଡା ରାସ୍ତାରେ ବାଲି ବୋଝେଇ ଗାଡିଗୁଡିକୁ ଧରପଗଡ ଆରମ୍ଭ କରିଥିଲେ। ଏହାର ଖବରପାଇ ବହୁ ଗାଡି ବାଟ ବଦଲାଇ ଚାଳି ଯାଇଥିବା ବେଳେ କେବଳ ଦୁଇଟି ବାଲି ବୋଝେଇ ହାଇୱା ଓଡି-୧୮ ଏଫ ୯୬୫୪ ଏବଂ ଏମପି-୧୯ ଏଚଏ ୩୪୦୭  ଧରା ପଡିଥିଲେ। ସେହି ଗାଡି ଗୁଡିକରେ ଢାଙ୍କୁଣୀ ଦେଇ ନ ଥିବାରୁ ୧୦ ହଜାର ଟଙ୍କା ଲେଖାଏଁ ଫାଇନ୍ କାଟିଥିଲେ ରାଜସ୍ବ ନିରୀକ୍ଷକ। ଦୁଇ ଗାଡିରେ ଟ୍ରାନଜିଟ ପାସ୍ 

ଥିଲା ହେଲେ ଗୋଟିଏ ଗାଡିର ଡ୍ରାଇଭର ଆଗକୁ ଧରପଗଡ ହେଉଥିବା ଦେଖି ଟ୍ରାନଜିଟ ପାସରେ ତାରିଖ ଓ ସମୟ ବସାଇ ଗାଡିରୁ ଓହ୍ଲାଇ ଦେଖାଇଥିବା ପାଖରେ ଥିବା ଦେଖଣାହାରୀ ମାନେ ନିଜନିଜ ମଧ୍ଯରେ କଥା ହେଉଥିବା ଦେଖା ଯାଇଥିଲା। ଏହା ଜାଣିବା ପରେ ବିଭିନ୍ନ ଗଣମାଧ୍ୟମର ପ୍ରତିନିଧି ମାନେ ଟ୍ରାନଜିଟ ପାସର ଫଟୋ ଓ ଭିଡିଓ ଉତ୍ତୋଳନ କରି ଅଲଗା ଅଲଗା କଲମରେ ଲେଖା ଯାଇଥିବା ଯୋଗୁଁ ଟ୍ରାନଜିଟ ପାସ୍ ର କାଳି ମିଶୁନଥିବା ସନ୍ଦେହ କରି ହାଇୱା ଚାଳକଙ୍କ ପ୍ରତିକ୍ରିୟା ନେଇଥିଲେ। ତେବେ ଚାଳକ ଜଣକ ଅଲଗା କଲମରେ ଲେଖା ହୋଇଥିବା ଓ ନିଜେ ଲେଖିଥିବା ମାନିଥିଲେ କିନ୍ତୁ ସେ ବାଲି ଘାଟରୁ ହିଁ ଲେଖି ଆଣିଥିବା କହିଥିଲେ। ଏଥିରୁ ସ୍ପଷ୍ଟ ଯେ ଟ୍ରାନଜିଟ ପାସରେ ଆଗରୁ ସବୁ ଲେଖା ଯାଇଥାଏ କେବଳ ସମୟ ଓ ତାରିଖ ପରେ ଚଢା ଯାଇଥାଏ। ଏ ବିଷୟରେ ଧରପଗଡ ରେ ଆସିଥିବା ରାଜସ୍ବ ନିରୀକ୍ଷକ ଦୁଲ୍ଲବ ଚନ୍ଦ୍ର ନାଏକଙ୍କୁ ପଚାରିବାରୁ ସେ ବଙ୍ଗୋମୁଣ୍ଡା ତହସିଲଦାର ଙ୍କୁ ବାଳି ଘାଟରୁ କଟା ଯାଉଥିବା ରସିଦ ମାନଙ୍କ ଉପରେ ସନ୍ଦେହ ହେଉଥିବା କହିଛି ତେବେ ଯାହା ପଦକ୍ଷେପ ସେ ହିଁ ନେବେ ବୋଲି କହିଥିଲେ। ଆଜିର ଧରପଗଡ ରେ କେବଳ ଦୁଇଟି ଗାଡିରୁ ୨୦ ହଜାର ଟଙ୍କାର ଫାଇନ କରାଯାଇଛି। ଦୁଇଟି ଗାଡିରେ ଧରପଗଡ ଶେଷ ହୋଇଥିବା ଯୋଗୁଁ ଏହା କେବଳ ଧର୍ମକୁ ଆଖିଠାର ବୋଳି ଦେଖଣାହାରୀ ମାନେ ନିଜନିଜ ମଧ୍ଯରେ ଚର୍ଚ୍ଚା କରୁଥିଲେ