12-Jun-2022

ବଲାଙ୍ଗିର (ପ୍ରେରଣା ଖବର) ଆଜି ସ୍ଥାନୀୟ ଗାନ୍ଧୀଭବନ ପରିସରରେ ବଲାଙ୍ଗୀରର ଅଗ୍ରଣୀ ସାହିତ୍ୟ ଓ ସାମାଜିକ ଅନୁଷ୍ଠାନ "ରଚନା "ତରଫରୁ ବଲାଙ୍ଗୀରର ବିଭିନ୍ନ ମୌଳିକ ସମସ୍ୟାକୁ ନେଇ "ଆମର ବଲାଙ୍ଗୀର ଆମର ଦାୟିତ୍ୱ" ଶୀର୍ଷରେ ଏକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି l

ସାମ୍ବାଦିକ ଆନନ୍ଦଚନ୍ଦ୍ର ସାହୁଙ୍କ ପରିଚାଳନାରେ ଅନୁଷ୍ଠିତ ସଭାରେ ଆଲୋଚକ ଭାବରେ ନାଗରିକ କମିଟିର ସଭାପତି  ବେଳର ସିଂ ଭୋଇ, ନେତାଜୀ ସଂଗ୍ରାମୀ ପରିଷଦର ସଭାପତି ଲଷ୍ମୀନାରାୟଣ ପଟ୍ଟନାୟକ, ଶିକ୍ଷୟତ୍ରୀ କସ୍ତୁରୀ ରଥ ଓ ସାମ୍ବାଦିକ ବୀରେନ୍ଦ୍ର ଝାଙ୍କର ଯୋଗଦେଇ  ବଲାଙ୍ଗୀରର ବିଭିନ୍ନ ସମସ୍ୟା ତଥା ଏହାର ସମାଧାନ ଦିଗରେ ଜନସାଧାରଣଙ୍କ ମିଳିତ ପ୍ରୟାସରେ ସମ୍ଭବ ବୋଲି ମତପ୍ରକାଶ କରିଥିଲେ l ପରେ ପରେ ସଭାରେ ଉପସ୍ଥିତ ବୁଦ୍ଧିଜୀବୀ ଓ ଜନ ସାଧାରଣଙ୍କ ଭିତରେ ମତ ବିନିମୟ ହୋଇଥିଲା l ଆମର ବଲାଙ୍ଗୀର

ନକହି ମୋ ବଲାଙ୍ଗୀର କହିବାର ଚିନ୍ତାଧାରା ରହିଲେ ଯାଇ ବଲାଙ୍ଗୀରର ସମସ୍ୟାର ସମାଧାନ ସମ୍ଭବ ବୋଲି ସର୍ବମତ ପ୍ରକାଶ ପାଇଥିଲା l ପ୍ରାରମ୍ଭିକ ସୂଚନା ପ୍ରଦାନ କରିଥିଲେ  ଅନୁଷ୍ଠାନର ସହସମ୍ପାଦକ   ଡ଼ଃ ଲଷ୍ମଣ ମେହେର l ଶେଷରେ ସମସ୍ତଙ୍କୁ ଧନ୍ୟବାଦ ଦେଇଥିଲେ ଅନୁଷ୍ଠାନର ସଦସ୍ୟ ରତ୍ନମୟ ତ୍ରିପାଠୀ l ଏହି କାର୍ଯ୍ୟକ୍ରମରେ ସହରର ବହୁ ବୁଦ୍ଧିଜୀବୀ, ସାମ୍ବାଦିକ ଓ ସାଧାରଣ ଜନତା ଉପସ୍ଥିତ ଥିଲେ  l