09-Jun-2022

ପାଟଣାଗଡ଼ / ଖପ୍ରାଖୋଲ : ପ୍ରତ୍ୟେକ ମଣିଷ ଭିତରେ ରହିଛି ଅନେକ ସ୍ବପ୍ନ । ସ୍ବପ୍ନ କୁ ସାକାର କରିବା ପାଇଁ ଦୃଢ ମନୋବଳ , ଇଚ୍ଛା ଶକ୍ତି ଓ ବାରମ୍ବାର ପରିଶ୍ରମ ହିଁ ମଣିଷର ସଫଳତାକୁ ଆଗକୁ ନେଇଥାଏ । କିନ୍ତୁ ଏମିତି ବି ଅଘଟଣ ଆସେ ଇଚ୍ଛା ଶକ୍ତି ଥାଇ ବି ମଣିଷର ଆଗରେ ହାର ମାନେ ଆର୍ଥିକ ପରିସ୍ଥିତି ଓ ଘରୋଇ ସମସ୍ୟା କିନ୍ତୁ ସେହି ଆର୍ଥିକ କଣ୍ଟା କୁ ବି ଏଡେଇ ଦେଇ ନିଜ ଗୋଡ଼ରେ ନିଜେ ଠିଆ ହୋଇ ଆଦିବାସୀ ସମାଜର ଟେକ ଏବଂ ଅନୁନ୍ନତ ଅଞ୍ଚଳ କୁ ଉନ୍ନତ କରିବାର ସ୍ବପ୍ନ ଦୁଃଖ ଜଞ୍ଜାଳ ଗରିବୀର ତାଡନାରେ ଜର୍ଜରିତ ହୋଇ ଭୋକ ଉପାସରେ ଦିନ ରାତି ପରିଶ୍ରମ କରି ଦିନେ ହାକିମ ହେବାର ସ୍ବପ୍ନ ଆଜି ଦୋହଲାଇଦେଇଛି । ପ୍ରତ୍ୟେକ ମା ବାପା ପରିବାର ର ସ୍ବପ୍ନ ଥାଏ ପିଲା ପାଠ ପଢି ଚାକିରୀ କରିବ ଦିପଇସା ରୋଜଗାର କରି ପରିବାର କୁ ସୁଖ ଶାନ୍ତିରେ ରଖିବ ଏଭଳି ମନୋଭାବ ରଖିଥିଲେ ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ଅନୁନ୍ନତ ଘୁନସର ଗ୍ରାମପଞ୍ଚାୟତ ଅଧୀନ ସାନବାଞ୍ଜିପାଲି ଗ୍ରାମର କମଳ ବରିହାଙ୍କ ପରିବାରବର୍ଗ କିନ୍ତୁ କେଉଁଠି ଥିଲା ସେହି କଳାମେଘିଆ ମେଘ ହଠାତ ସେହି ସିଭିଲ ସର୍ଭିସ ବା ଆଇ ଏ ଏସ୍ ହେବାର ଅସୁମାରୀ ସ୍ବପ୍ନ କୁ ପେଟ ଯନ୍ତ୍ରଣା ରୋଗରେ ଗ୍ରାସିତ କରି ଯୁବ ପ୍ରତିଭା ଆଦିବାସୀ ଯୁବକ ପରିଶ୍ରମୀ କମଲ ବରିହା ଙ୍କୁ ଦୁର୍ବଳ କରି ବୃଦ୍ଧ ଲୋକଙ୍କ ଭଳିଆ ଖଟରେ ପକେଇ ଦେଇଥିବାରୁ ସରଳ ମାତାପିତା ଏବଂ ଦିବ୍ୟାଙ୍ଗ ଭାଇ ଘୋର ଚିନ୍ତାରେ ରହିଛନ୍ତି । କମଳ ହିଁ ଏକମାତ୍ର ରୋଜଗାରିଆ ପିଲା ଥିଲେ ସେହି ଅଭାବ ଅନାଟନ ପରିବାର ଭିତରେ ଯେଉଁ ଦିନ ଠାରୁ କମଳ ପେଟ ଯନ୍ତ୍ରଣା ରୋଗରେ ପୀଡିତ ହେଲେ ସେହି ଦିନ ଠାରୁ ପରିବାରରେ ଜଳୁନି ଚୁଳି କି? ପାଟିକୁ ଯାଉନି ଅନ୍ନ ସମସ୍ତେ ମୁହଁ କୁ ମୁହଁ ଚାତକପରି ଚାହିଁ ବସିଛନ୍ତି ଓ ସରକାର କୁ ପୁଅର ଚିକିତ୍ସା ଖର୍ଚ୍ଚ ପାଇଁ ମା ଆକୁଳ ନିବେଦନ କରୁଛନ୍ତି । ପିଲାର ଅପରେସନ ସଫଳ ହେବା ପାଇଁ କମଳ ର ମାବାପା ଯାହା ଥିଲା ଜମିବାଡ଼ି ବିକ୍ରି କରି ପୁଅର ଚିକିତ୍ସା କରାଇଥିଲେ । କିନ୍ତୁ ଅପରେସନ ବାରମ୍ବାର ଅସଫଳ ଏବଂ ଆର୍ଥିକ ଅସୁବିଧା ହେତୁ ସେ ବର୍ତମାନ ନିଜ ଗାଁ ସାନବାଞ୍ଜିପାଲି ରେ ସେହି ପେଟ ଯନ୍ତ୍ରଣା ରୋଗ ସହିତ ଲଢେଇ କରୁଛନ୍ତି । ବିଭିନ୍ନ ସୋସିଆଲ ମିଡ଼ିଆ, ପ୍ରିଣ୍ଟ ମିଡ଼ିଆ ଏବଂ ଇଲେକ୍ଟ୍ରୋନିକ ମିଡ଼ିଆ ରେ ଖବର ପ୍ରସାରିତ ହେବାରୁ ଆଜି ବେଲପଡା ବ୍ଲକ ଆଦିବାସୀ କର୍ମଚାରୀ ସଂଘ ର ପାଞ୍ଚ ଜଣିଆ ଟିମ କମଳ ବରିହା ଙ୍କ ଘରକୁ ଯାଇ ଚିକିତ୍ସା  ପାଇଁ ତେର ହଜାର ଟଙ୍କା ଆର୍ଥିକ ସହଯୋଗ ସହ କମଳର ମା କୁ ଶାଢ଼ୀ ଟେ ଏବଂ ବାପା କୁ ଲୁଙ୍ଗି ଟେ ପ୍ରଦାନ କରିଥିଲେ । ବେଲପଡ଼ା ବ୍ଲକ ଆଦିବାସୀ କର୍ମଚାରୀ ସଂଘ ଙ୍କର ଏପରି ମହତ କାର୍ଯ୍ୟ କୁ ଅଞ୍ଚଳ ନୁହେଁ ଜିଲ୍ଲା ସାରା ପ୍ରଶଂସା କରୁଥିବାର ଖବର ଶୁଣିବାକୁ ମିଳୁଛି । ପୀଡିତ ପରିବାର କୁ ଆର୍ଥିକ ସହଯୋଗ ର ହାତ ବଢ଼େଇ ଥିବା ଆଦିବାସୀ କର୍ମଚାରୀ ସଂଘ ର ଆବାହକ ଭୁପାଲ ସିଂ ମାଝୀ , ସହସଂପାଦକ ଗୁରୁବାରୁ ଧରୁଆ , ସମ୍ପାଦକ ଯୁଧିଷ୍ଠିର ବର୍ଗେ, ସଦସ୍ୟ କ୍ଷମାସାଗର ମାଝୀ, ସଦସ୍ୟ ଅନୁଜ ସିଂ ମାଝୀ , ଆଦିବାସୀ କଲ୍ୟାଣ ସଂଘ ଖପ୍ରାଖୋଲ ବ୍ଲକର ଉପଦେଷ୍ଟା ଧରମ ସିଂ ଧରୁଆ , ସହ ସଂପାଦକ ଟିକେଶ୍ୱର ଧରୁଆ ଓ ସଦସ୍ୟ ଶଶିକାନ୍ତ ବିଶି ପ୍ରମୁଖ ଉପସ୍ଥିତ ରହି ପୀଡିତ ପରିବାର ବର୍ଗ ଙ୍କୁ ସାକ୍ଷାତ କରି ଆଗାମୀ ଦିନରେ ପୁଣି ସାହାଯ୍ୟ ସହଯୋଗର ହାତ ବଢ଼ାଇବା ପାଇଁ ସଂଘ ପକ୍ଷରୁ ପ୍ରତିଶୃତି ଦିଆଯାଇଛି ।