09-Jun-2022

ଲୋଇସିଂହା, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଲୋଇସିଂହା ବ୍ଲକ ହୀରାପୁର ପଂଚାୟତରେ ବିଭିନ୍ନ ବିକାଶମୂଳକ କାମରେ ପାଞ୍ଚ ବର୍ଷ ମଧ୍ୟରେ ହାରାହାରି ଦୁଇ କୋଟି ଟଙ୍କାର ଦୁର୍ନୀତି ହୋଇଥିବା ହୀରାପୁର ପଂଚାୟତ ଅଧିବାସୀ ଅଭିଯୋଗ କରିଛନ୍ତି l ବଲାଙ୍ଗୀର ଭଜିଲାନ୍ସ ଦଳ ଏ ବିଷୟକୁ ନେଇ ଖୋଲତାଲ ଆରମ୍ଭ ଜାରି ରଖିଛନ୍ତି l ଏହି ଦୁର୍ନୀତିରେ ସମ୍ପପୃକ୍ତ ଥିବା ବ୍ୟକ୍ତିମାନେ ଏବେ ଉକ୍ତ ଘଟଣାକୁ ଚାପିବା ପାଇଁ ଜୋରଦାର ପ୍ରୟାସ ଚଳାଇଛନ୍ତି l ସୂଚନାନୁସାରେ ଗତ କିଛିଦିନ ପୂର୍ବରୁ ବିଜିଲାନ୍ସ ଦଳ ହୀରାପୁର ପଞ୍ଚାୟତ ଅଧିନରେ ଥିବା  ପନେଶରା, ସେମେଲମୁଣ୍ଡା, ଗୋପାଳପୁର, ହୀରାପୁର  ଗାଁରେ ପହଞ୍ଚି ତଦନ୍ତ କରିଥିଲେ l ସେହିପରି ଗତ ରବିବାର ଲୋଇସିଂହା ବାବାମଠ ଠାରେ ପନେସରା ଗ୍ରାମର ରାଧାନାଥ ବିଶ୍ୱାଳଙ୍କ ତତ୍ୱାବଧାନରେ ସାମ୍ବାଦିକ ସମ୍ମିଳନୀ କରିଥିବା ବେଳେ କିଛି ସେମେଲମୁଣ୍ଡା ବ୍ୟକ୍ତି ଆସି ପାଟିତୁଣ୍ଡ କରିବା ଯୋଗୁଁ ସାମ୍ବାଦିକ ସମ୍ମିଳନୀରେ ବାଧା ଉପୁଜିଥିଲା l ସୂଚନାରୁ ପ୍ରକାଶ ଯେ ହାରାହାରି ଦୁଇ କୋଟି ଟଙ୍କା ଆତ୍ମସାତ ହୋଇଥିବା ହୀରାପୁର ପଂଚାୟତବାସୀ ଅଭିଯୋଗ କରିଛନ୍ତି l ଅଭିଯୋଗକାରୀଙ୍କ କହିବାନୁସାରେ ସ୍ଥାନୀୟ ଠିକାଦାରଙ୍କ ସହ ବ୍ଲକସ୍ତରୀୟ ତଳରୁ ଉପର କିଛି ସରକାରୀ କର୍ମଚାରୀଙ୍କ ମିଲିଭଗତରେ ହୋଇଛି ଏହି ଦୁର୍ନୀତି l ହୀରାପୁରର ପୂର୍ବତନ ସରପଞ୍ଚ ଅଶୋକ ବାରିକ ସରକାରୀ ଅନୁଦାନର ବିଭିନ୍ନ ପ୍ରକଳ୍ପ ସହ ମନରେଗା କାମରେ ହରିଲୁଟ ହେବାସହ ଗୋଟିଏ କାମରେ ଦୁଇ ଦୁଇ ଥର ବିଲ ଉଠା ଯାଇଥିବା ଆରଟିଆଇ ତଥ୍ୟ ମଧ୍ୟମରେ ପ୍ରକାଶ କରିଛନ୍ତି l  ୨୦୨୧-୨୨ ବର୍ଷରେ ହୀରାପୁର ପଂଚାୟତର କିଛି ଗ୍ରାମରେ ମନ୍ଦିର ନାମରେ କାମ ନ ହୋଇ ବିଲ ଉଠାଯାଇଥିବା ନଜରକୁ ଆସିଛି l