09-Jun-2022

ସାଲେଭଟା(ପ୍ରେରଣା ଖବର): ବଲାଙ୍ଗିର ଜିଲ୍ଲା  ଯୁଗୀସର୍ଡା ଗ୍ରାମର ଯୋଗେଶ୍ୱର ପୀଠର ସୁପ୍ରସିଦ୍ଧ ଯୋଗେଶ୍ୱର ଓ ମାତା ପାର୍ବତୀଙ୍କ  ବିବାହୋତ୍ସବ ନିକଟସ୍ଥ କେଉଁଟିପାଲି ଗ୍ରାମରେ ନବମବର୍ଷ ଶୀତଳଷଷ୍ଠୀ ମହୋତ୍ସବ ଅନୁଷ୍ଠିତ ହୋଇଛି । ଗତ ୩ ତାରିଖ ରୁ ୬ ତାରିଖ ଚାରି ଦିନ ବ୍ୟାପି ଉକ୍ତ ମହୋତ୍ସବ ହେବା କାର୍ଯ୍ୟକ୍ରମ ରହିଛି । ଜଳନ୍ଧର ଦରବାର  ଦର୍ଶକଙ୍କୁ ବେଶ ବିମୋହିତ କରିଛି ।
ଏଥିରେ ଅଂଚଳର ସମସ୍ତ ହେବାଦେବୀଙ୍କୁ  ଗୁଣ୍ଡା (ଦେବ ନିମନ୍ତ୍ରଣ) ଦିଆଯାଇ ଥିଲା । ଯୁଗୀସର୍ଡା  ଜଗନ୍ନାଥ ଓ ଯୋଗେଶ୍ୱର ପୀଠରୁ ସୁପ୍ରସିଦ୍ଧ ମହାଯୋଗୀ ଯୋଗେଶ୍ୱର ଓ ମାତା ପାର୍ବତୀଙ୍କୁ ଏକ  ବିମାନରେ ବସାଯାଇ ବିରାଟ ଶୋଭାଯାତ୍ରାରେ କେଉଁଟିପାଲି ଗ୍ରାମକୁ ଅଣାଯାଇଥିଲା । ଗ୍ରାମର ଗ୍ରାମଦେବ କୁନ୍ଧାଦେଓ ଆମନ୍ତ୍ରଣ ଜଣାଇ ଥିଲେ ।  ପ୍ରତ୍ୟେକ ଘରେ ଧୁପଦୀପ ଦେଇ ପୁଜାରନାକରି  ନଗର ଭ୍ରମଣ କରିଥିଲେ । କେଉଁଟିପାଲିରେ ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଛି । କନ୍ୟାପକ୍ଷା  ଛେଲବାହାଲ ଗ୍ରାମର ପଙ୍କଜାକ୍ଷୀ ବାରିକ ଓ ପବିତ୍ର ବାରିକ ମାତା ପାର୍ବତୀ ମା ବାପା ହୋଇଥିବା ବେଳେ ମୁରିବାହାଲ ଗ୍ରାମରୁ ଲଲିତ କୁମାର ବଘାର  ମଉଲା ଭାର ଆଣିଥିଲେ । ବାଦିବାହାଲ ଗ୍ରାମର ଅମିତା ଧରୁଆ ଓ ସୁନିଳ ଚନ୍ଦ୍ର ଧରୁଆ ବରପକ୍ଷ ମାବାପା କାର୍ଯ୍ୟ ତୁଲାଇଛନ୍ତି । ଆଜି ସକାଳୁ ଗଣସନ(ହଲଦିମଖା) ଅଳଙ୍କାର ଧାରଣ ବରନିମନ୍ତ୍ରଣ କରାଯାଇଛି । ବାଦିବାହାଲରୁ ବରଯାତ୍ରୀ କେଉଁଟିପାଲି ଗ୍ରାମକୁ ଆସି ବିବାହୋତ୍ସବ ଅନୁଷ୍ଠିତ ହୋଇଛି ।  

ଏଥିପାଇଁ ଅଷ୍ଟପ୍ରହର ନାମଯଜ୍ଞ ଅନୁଷ୍ଠିତ ହୋଇଛି । ଯାତ୍ରାପଡିଆରେ  ଜଳନ୍ଧର ଦରବର ଅନୁଷ୍ଠି ହୋଇଥିଲା । ଏଥିରେ ମହାପ୍ରତାପୀ ମହାରାଜ ଜଳନ୍ଧରଙ୍କ ରାଜ୍ୟାଭିଷେକ କରାଯାଇ ତୁଳସୀ ବିବାହ ଅନୁଷ୍ଠିତ ହୋଇଛି । ମହାରାଜ ଜଳନ୍ଧର ଭୂମିକାରେ ଅକ୍ଷୟ କୁମାର ଭୋଇ ରାଜଦରବାର ସମସ୍ତଙ୍କୁ ବିମୋହିତ କରିଥିଲା । ଜଳନ୍ଧର ଦରବାରର ରାଜଅତିଥି ଭାବରେ  ସାମ୍ବାଦିକ ବିରାଜ ନନ୍ଦ ପାଢ଼ୀ ଯୋଗଦାନ କରିଥିଲେ । ଯାତ୍ରା କମିଟୀ ସଭାପତି ରାଏସିଂ ଧରୁଆ, ଉପସଭାପତି ରିଲୁ ଗଡତ୍ୟା. ସଂପାଦକ ନଟବର ସାହୁ, କୋଷାଧ୍ୟକ୍ଷ ଶ୍ୟାମସୁନ୍ଦର କହିଣ୍ଡା ଉପସ୍ଥିତ ରହି ସାମ୍ବାଦିକ ଶ୍ରୀଯୁକ୍ତ ପାଢ଼ୀ ଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ମହାମନ୍ତ୍ରୀ ଦୟାନନ୍ଦ ମାଝୀ-ନାରଦ, ଦିଲ୍ଲୀପ ବାରୀକ-ମହାରାଣୀ ବୃନ୍ଦାବତୀ, ପଦ୍ମାବତୀ ପଧାନ-ଭଷ୍ମର ଦତ୍ୟ, ଚିତ ଥନାପତି- ରାହୁ, ସୁରେନ ମହାକୁର-ଡଗର ଝସକେତନ ମହାକୁର ଓ ଲିଙ୍ଗରାଜ ରଣା ପ୍ରମୁଖ ମୁକ୍ତ ମଂଚ ନାଟ୍ୟାଭିନୟ କରିଥିଲେ ।