08-Jun-2022

ସିନ୍ଧେକେଲା(ଅନୀଲ କୁମାର ତ୍ରିପାଠୀ) ଲଘୁଖଣିଜ ସମ୍ପଦ ପରିପୂର୍ଣ୍ଣ ବଙ୍ଗୋମୁଣ୍ଡା ବ୍ଲକ । ବଙ୍ଗୋମୁଣ୍ଡା ବ୍ଲକର ମାଟି ଉପରେ ଯେତିକି ଖଣିଜ ସମ୍ପଦ ଅଛି ମାଟି ତଳେ ସେତିକି। ଆଉ ବର୍ଷ ବର୍ଷ ଧରି ଏହି ଖଣିଜ ସମ୍ପଦ ର ଚାଳିଛି ହରିଲୁଟ। କିଏ ବଡବଡ ପାହାଡ କୁ କାଟି ପକାଇଲାଣି ତ କିଏ ବାଳି ଉଠାଇ ଉଠାଇ ନଦୀର ଗତିପଥ କୁ ପାର୍ଶ୍ବ ପରିବର୍ତ୍ତନ କରିବାକୁ ବସିଲାଣି । ତଥାପି ପ୍ରଶାସନିକ କଳ ଓ ଭିଜିଲାନ୍ସ ବିଭାଗ ହାତ ବାନ୍ଧି ବସିଛନ୍ତି  ନିରବଦ୍ରଷ୍ଟା ସାଜି ପୋଲିସ ର କଥା ନ କହିବା ଭଲ।  ଏପଟେ କିନ୍ତୁ ଏମାନଙ୍କ ନିରବତା

ଯୋଗୁଁ ସରକାର ହରାଉଛନ୍ତି କୋଟିକୋଟି ଟଙ୍କାର ରାଜସ୍ବ। ଆଉ ରାଜସ୍ବ ବିଭାଗ କେବଳ ଟେଣ୍ଡର ଆହ୍ବାନ କରି ଠିକାଦାର ମାନଙ୍କୁ ଠିକା ଦେଇଦେଳେ ନିଜକାମ ଶେଷ। ବଙ୍ଗୋମୁଣ୍ଡା ବ୍ଲକରେ ରାଜସ୍ୱ ବିଭାଗ ଲଘୁ ଖଣିଜ ଦ୍ରବ୍ଯରେ ଯାଉଥିବା ପଥର ଓ ବାଳି ସୈରାତ ଗୁଡିକୁ ଟେଣ୍ଡର ଜରିଆରେ ଠିକାଦାର ମାନଙ୍କୁ ଠିକା ଦେଇଛି । କେବଳ ବାଳି ଘାଟ ଓ ପଥର ଖାଦାନ ରୁ ଠିକା ମାଧ୍ୟମରେ ସରକାରି ତହବିଲ କୁ ବାର୍ଷିକ ପାଖାପାଖି ୨ କୋଟି ଟଙ୍କାର ରାଜସ୍ବ ଆଦାୟ ହେଉଥିବା ବଙ୍ଗୋମୁଣ୍ଡା ତହସିଲ ଅଫିସରୁ ଜଣା ପଡିଛି । ବିଶେଷ କରି ବାଳି ସୈରାତ ଗୁଡିକ ଠିକା ନେଇଥିବା ଠିକାଦାର ମାନେ ପ୍ରତିଦିନ ଶହଶହ ଟ୍ରାକ୍ଟର ଟ୍ରକ ଓ ହାଇୱା ଯୋଗେ ବାଳି ବହୁ ଦୂରଦୁରାନ୍ତ କୁ ଚାଳାଣ କରୁଥିବା ବେଳେ କିନ୍ତୁ ସରକାର ପାଉଥିବା ରାଜସ୍ବ ଆଦାୟ କୁ ଦେଖିଲେ ଏହା ହାସ୍ୟାସ୍ପଦ ଭଲି ମନେହେଉଛି। ଏବଂ ରାଜସ୍ବ ନିରୀକ୍ଷକ ମାନଙ୍କ କାର୍ଯ୍ୟଶୈଳୀ ଉପରେ ପ୍ରଶ୍ନବାଚୀ ସୃଷ୍ଟି କରୁଛି । ଉଦାହରଣ ସ୍ୱରୂପ ପ୍ରତିଦିନ ଗୋଟିଏ ଗୋଟିଏ ବାଳି ଘାଟରୁ କେବଳ ମାତ୍ର ୫୦ ଟ୍ରିପ ବାଳି ହାଇୱା ମାନଙ୍କରେ ଲୋଡ ଦେଳେ ଗୋଟିଏ ଗୋଟିଏ ହାଇୱା ରେ ଅତିକମରେ ୧୪ ରୁ ୧୬ ସି.ଏମ ବାଳି ଧରିଥାଏ ଏହି ହିସାବରେ ଜଦି ବାଳି ଘାଟର ଠିକାଦାର ବାଳି ସିଏମ କୁ ୬୫ ଟଙ୍କା ହିସାବରେ ଲିଜ ପାଇଛନ୍ତି ତେବେ ୧୬ ସିଏମ×୬୫ ଟଙ୍କା ରାଜସ୍ବ = ୧୦୪୦ ଟଙ୍କା ଗୋଟିଏ ହାଇୱା ପ୍ରତି। ଗୋଟିଏ ହାଇୱା ପ୍ରତି ସରକାରଙ୍କ ରାଜସ୍ବ ୧୦୪୦×୫୦ ଟ୍ରିପ = ୫୨ ହଜାର ପ୍ରତିଦିନ । କେବଳ ଗୋଟିଏ ଘାଟରୁ ଜଦି ଦିନକୁ ମାତ୍ର ୫୦ ହାଇୱା ବାଳି ଉଠାଏ ତେବେ ବର୍ଷକୁ ୩୬୫ ଦିନ × ୫୨ ହଜାର = ୧ କୋଟି ୮୯ ଲକ୍ଷ ୮୦ ହଜାର ଟଙ୍କା। ତାହାବି ଗୋଟିଏ ବର୍ଷରେ ଗୋଟିଏ ବାଳି ଘାଟରେ। ଏହାତ ଉଦାହରଣ ମାତ୍ର ବଙ୍ଗୋମୁଣ୍ଡା ତହସିଲ ଅଧିନରେ କିଛି ବାଳିଘାଟର ବାଳି ସିଏମ ପ୍ରତି ୧୪୯ ଟଙ୍କା ବି ଠିକା ଯାଇଛି। ତଥାପି ସମଗ୍ର ବଙ୍ଗୋମୁଣ୍ଡା ବ୍ଲକରେ ଥିବା ସବୁ ନଦୀ ,ନାଳ , ଯୋରରୁ ଶହଶହ ଟ୍ରିପ ବାଳି ଚାଳାଣ ହେଉଥିବା ବେଳେ ବାଳି ଓ ପଥର ଖାଦାନ ରୁ କେବଳ ୨ କୋଟି ଟଙ୍କା ରାଜସ୍ବ ଆଦାୟ ହେଉଥିବା କେତେବଡ କେଳେଙ୍କାରୀ ପ୍ରତି ଅଙ୍ଗୁଳି ନିର୍ଦ୍ଦେଶ କରୁଛି ତାହା ପ୍ରଶାସନିକ କଳ ଏବଂ ଭିଜିଲାନ୍ସ ବିଭାଗ ଚିନ୍ତା କରିବେ। ଏପଟେ ବର୍ଷକୁ ଥରେ ବର୍ଷା ମାସରେ ବର୍ଷା ପାଣି ମାଡିଆସିଲେ ସବୁ ସମାନ ହୋଇଯାଏ। କୋଉ ଘାଟରୁ କିଏ କେତେ ବାଳି ଉଠାଇଲା ତାର ଚିହ୍ନ ବର୍ଣ୍ଣ ବି ଜଣାପଡେ ନାହିଁ । କିଛି ଦିନ ପରେ ବର୍ଷା ଆସିବ ସେଥିପାଇଁ ଏବେ ପ୍ରତିଯୋଗିତା ଦେଖିବାକୁ ମିଳିଛି କିଏ କେତେ ବାଳି ଉଠାଇ ପାରିବ। କିଏ ଏଥିପାଇଁ ବାଳି ଘାଟରେ ଜେସିବି ମେସିନ ଲଗାଇଛି ତ କିଏ ଅତ୍ୟାଧୁନିକ ବଡବଡ ମେସିନ ତଥାପି ରାଜସ୍ବ ଆଦାୟ କୁ ଦେଖିଲେ ରାଜସ୍ବ ବିଭାଗର ରାଜସ୍ବ ନିରୀକ୍ଷକ ମାନଙ୍କ ସହଭାଗିତାରେ ସବୁ ହେଉଥିବା ସ୍ପଷ୍ଟ ବାରି ହୋଇ ପଡୁଛି । ସେଥିପାଇଁ ନିରୀକ୍ଷକ ମାନେ ଯେତିକି ଚଢଉ କରିବା କଥା କରୁନଥିବା ଓ ଜଦି ବି ଚଢଉ କଲେ ଘରତିଆରି ପାଇଁ କେହି ସ୍ଥାନିୟ ଟ୍ରାକ୍ଟର ବାଳା ମାନଙ୍କୁ ଧରି କିଛି ଫାଇନ କାଟି ନିଜ କାମ ସାରି ଦେଉଛନ୍ତି। ଫଳରେ ହାତିକୁ ବାଡ ଡେଇଁବା ସୁଯୋଗ ଦେଇ ପିମ୍ପୁଡି କୁ ଅଟକାଇ ହାତ ଚିକ୍କଣ କରୁଥିବା ଲୋକେ ଚର୍ଚ୍ଚା କରୁଛନ୍ତି । ଏହାକୁନେଇ ବଙ୍ଗୋମୁଣ୍ଡା ତହସିଲଦାର ଗୁଣମଣୀ ସୁନାନୀ ଙ୍କୁ ପ୍ରତିକ୍ରିୟା ନେବାରୁ ମୁଁ ଆସିବା ପୁର୍ବରୁ ବର୍ଷକୁ ହାରାହାରି ୬୦ ଲକ୍ଷ ଟଙ୍କାର ରାଜସ୍ବ ଆଦାୟ ହେଉଥିଲା ବଙ୍ଗୋମୁଣ୍ଡା ତହସିଲର ମୋର ତିନିବର୍ଷ ରହିବା ଭିତରେ ବର୍ତ୍ତମାନ ବର୍ଷକୁ ପାଖାପାଖି ୨ କୋଟିର

ରାଜସ୍ବ ଆଦାୟ ହେଉଛି ଯାହାକି ପ୍ରଥମରୁ ୩ ଗୁଣା ଅଧିକ। ଏ ଗୋଟିଏ ସପ୍ତାହରେ ପାଖାପାଖି ୪୦ ହଜାର ଟଙ୍କାର ଫାଇନ ମୁଁ ଆଦାୟ କରିଛି । ଆଗରୁ ଆମ ତହସିଲ ଅଞ୍ଚଳରେ ଆରଆଇ କମ ଥିଲେ ଏବେ ନୁଆ ଆରଆଇ ଆସିଛନ୍ତି ତେଣୁ ଆଗକୁ ଆହୁରି ରାଜସ୍ବ ଆଦାୟ ବଢିବ ବୋଲି ମୋର ବିଶ୍ବାସ ଅଛି ବୋଳି ମତପ୍ରକାଶ କରିଥିଲେ। ଏ ଉପରେ ଜିଲ୍ଲା ପ୍ରଶାସନ ସ୍ବତନ୍ତ୍ର ଦୃଷ୍ଟିଦେଇ ଆବଶ୍ୟକ ପଦକ୍ଷେପ ଗ୍ରହଣ କଲେ ରାଜସ୍ବ ଆଦାୟ ଆହୁରୀ ବଢିବ ଏବଂ ସତ୍ଯାସତ୍ଯ ଜଣାପଡିବ ବୋଳି ଅଞ୍ଚଳ ବାସି ମତପ୍ରକାଶ କରିଛନ୍ତି।