06-Jun-2022

ବରଗଡ:-ଗତ ୨୦୨୧ ଖରିଫ ଋତୁରେ ବରଗଡ଼ ଜିଲ୍ଲାରେ ମରୁଡିର ଆର୍ତ୍ତନାଦରେ ଚାଷୀ ମାନଙ୍କ ମେରୁଦଣ୍ଡ ଭାଙ୍ଗିଯାଇଛି । ଏଚ ଡି ଏଫ ସି କମ୍ପାନୀ ଓ ପ୍ରସାଶନ ବାରମ୍ବାର ପ୍ରତିଶୃତି ଦେଇ ସମୟ ଗଡେଇ ବିଭିନ୍ନ ଆଳରେ ଭୁଆଁ ଭୁଲାଇ ଚାଲିଛନ୍ତି । ଦୀର୍ଘ ମାସ ଧରି ବିଭିନ୍ନ ସମୟରେ ତାଲାବନ୍ଦ ଆନ୍ଦୋଳନ ଚାଲିଥିଲେ ମଧ୍ୟ ଆଜି ଯାଏ ସମୟ ମାଗି ମାଗି ପୁଣି ଖରିଫ ଋତୁର ଚାଷ ପାଇଁ ସମୟ ମାଡ଼ି ଆସିଲାଣି । ଏଥିରେ କ୍ଷୋଭ ପ୍ରକାଶ କରି ସମସ୍ତ ଚାଷୀ ମାନଙ୍କୁ ନେଇ ପୂର୍ବତନ ଡାଇରେକ୍ଟର ସରୋଜ ସାହୁଙ୍କ ନେତୃତ୍ୱରେ ଆଜି ଗାଇସିଲେଟ ସମବାୟ ସମିତି ଲିଂ ଠାରେ ଜିଲ୍ଲା ପରିଷଦ ସଭ୍ୟା ଶ୍ରୀମତୀ ଝରଣା ପାଣିଗ୍ରାହୀ ଙ୍କ ସଭାପତିତ୍ୱ ରେ ଏକ ବୈଠକ ଅନୁଷ୍ଠିତ ହୋଇ ଯାଇଛି ।୨୦୨୧ ଖରିଫ ଫସଲ ବୀମା ଏଚଡିଏଫସି କମ୍ପାନୀ ର ଟାଳଟୁଳ ନୀତି ଓ ପ୍ରସାଶନ ର ମନମୁଖୀ ଯୋଗୁଁ ଆଜି ପର୍ଯ୍ୟନ୍ତ ବୀମା ରାଶି ମିଳି ପାରୁନାହିଁ ଓଲଟା ରିଜେକ୍ଟ ରିଭର୍ଟ ପେଣ୍ଡିଙ୍ଗ ନାଁରେ ସମୟ ବିତେଇ ଚାଲିଛନ୍ତି ।  କ୍ରପ କଟିଂ ରିପୋର୍ଟ ଆଜି ଯାଏ ସାର୍ବଜନିନ  କରା ଯାଇ ନାହିଁ । ସରକାର ମଧ୍ୟ ଆଜିଯାଏଁ ମରୁଡି ଘୋଷଣା କରିନାହାନ୍ତି ।  ତେଣୁ ବୀମା ଟଙ୍କା ଓ ମରୁଡି ସହାୟତା ନ ମିଳିବା  ଓ ଚାଷୀ ମାନଙ୍କର କୃଷି ଋଣ ଛାଡ ନ କରିବା ପର୍ଯ୍ୟନ୍ତ ସମବାୟ ସମିତି ର ଭୋଟ ବର୍ଜନ କରାଯିବ ବୋଲି ଚାଷିମାନେ ନିଷ୍ପତି ନେଇଛନ୍ତି  ଓ ଜିଲ୍ଲା ସେବା ସମବାୟ ସମିତି ନିର୍ବାଚନ ଅଧିକାରୀଙ୍କ ଉଦ୍ଦେଶ୍ୟରେ ଏକ ଦାବିପତ୍ର ପ୍ରଦାନ କରାଯାଇଛି  । ଏହି ବୈଠକରେ ରାଜ ବୋଡା ସମ୍ବର କୃଷକ ସଙ୍ଗଠନର ସଭାପତି ଅରବିନ୍ଦ ପଣ୍ଡା, ପୂର୍ବତନ ଜିଲ୍ଲା ପରିଷଦ ମଦନ ଦୀପ, ଜାମୁଟପାଲିର ସମିତି ସଭ୍ୟ ସରୋଜ ଶ୍ରୀଭୂଷଣ ସାହୁ,ଭାରତ ଦାଶ, ପ୍ରବୀଣ କୁମାର ପାଣିଗ୍ରାହୀ,କ୍ଷୀରୋଦ୍ର ସାହୁ,ଅଶୋକ କଲେତ, ନକୁଳ ସାହୁ,ସମୀର ସାହୁ,ମନୋଜ ଦାଶ,ମହେଶ୍ୱର ଦାଶ, ଅଗାଧୁ ସାହୁ, ରୋହିତ ସା, ରୋହିତ ପୁରୋହିତ,ସରୋଜିନୀ ପଧାନ, ଜାଗେଶ୍ୱର ପଧାନ, ପ୍ରସନ୍ନ କୁମ୍ଭାର ଓ ଅନେକ ଚାଷୀ ଉପସ୍ଥିତ ଥିଲେ  l