02-Jun-2022

ଇରଗଡ଼(ନିରଞ୍ଜନ ତ୍ରିପାଠୀ): ଚଳିତ ବର୍ଷ ଏଜୁକେସନ୍ ୱାର୍ଲ୍ଡ୍ ଇଣ୍ଡିଆନ୍ ହାୟର୍ ଏଜୁକେସନ୍ ଗ୍ରାଣ୍ଡ୍ ଜୁରୀ ର‌୍ୟାଙ୍କିଂ ୨୦୨୨-୨୩ ଦ୍ୱାରା ମହାବିଦ୍ୟାଳୟ ମାନଙ୍କର ଶିକ୍ଷକ, ପୂର୍ବତନ ଛାତ୍ରଛାତ୍ରୀ, ଅଭିଭାବକଙ୍କ ଦ୍ୱାରା ମହାବିଦ୍ୟାଳୟ ରେଟିଂ ନିଆଯିବା ସହିତ ପରୀକ୍ଷା ଫଳାଫଳ, ପ୍ରକୃତ ସର୍ବେକ୍ଷଣ ଓ ଅନୁସନ୍ଧାନ ଆଧାରରେ ମହାବିଦ୍ୟାଳୟ ମାନଙ୍କ ମଧ୍ୟରୁ ବିକାଶ ଅଣ୍ଡର୍‌ଗ୍ରାଜୁଏଟ୍ କ୍ୟାମ୍ପସ୍ ଓଡ଼ିଶାରେ ଶ୍ରେଷ୍ଠ ଏବଂ ଜାତୀୟ ସ୍ତରରେ ଟପ୍‌-୧୦ ଶ୍ରେଣୀରେ ବିବେଚିତ ହୋଇଛି ବୋଲି ଶିକ୍ଷାନୁଷ୍ଠାନର ଏକ୍‌ଜିକ୍ୟୁଟିଭ୍ ଡାଇରେକ୍ଟର୍ ଶ୍ରୀ ଡି.ନାଗେଶ୍ୱର ରାଓ କହିଛନ୍ତି । ବିକାଶ ଡିଗ୍ରୀ କଲେଜ ଏହି ତାଲିକାରେ “ଏକ୍ସଟ୍ରାଅଡିନାରୀ ଲିଡର୍‌ସିପ୍‌” କ୍ୟାଟେଗୋରୀରେ ଜାତୀୟ ସ୍ତରରେ ପଂଚମ ଓ ରାଜ୍ୟସ୍ତରରେ ପ୍ରଥମ ସ୍ଥାନ, ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି “ପ୍ରମିସିଂ ଫ୍ୟୁଚର୍ ରେଡି ଇନ୍‌ଫ୍ରାଷ୍ଟ୍ରକ୍‌ଚର୍‌” କ୍ୟାଟେଗୋରୀରେ ଜାତୀୟ ସ୍ତରରେ ଅଷ୍ଟମ ଓ ରାଜ୍ୟସ୍ତରରେ ପ୍ରଥମ ସ୍ଥାନ, ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍ “ଏକ୍ସିଲେନ୍ସ୍ ଇନ୍ ଅନ୍‌ଲାଇନ୍ ଲର୍ଣ୍ଣିଂ” କ୍ୟାଟେଗୋରୀରେ ଜାତୀୟ ସ୍ତରରେ ଚତୁର୍ଥ ଓ ରାଜ୍ୟସ୍ତରରେ ପ୍ରଥମ ସ୍ଥାନ, ବିକାଶ ଲ’ ସ୍କୁଲ୍ “ବେଷ୍ଟ୍ ମ୍ୟାନେଜ୍‌ମେଣ୍ଟ୍ ପ୍ରାକ୍ଟିସେସ୍ ଏଣ୍ଡ୍ ସିଷ୍ଟମସ୍‌” କ୍ୟାଟେଗୋରୀରେ ଜାତୀୟ ସ୍ତରରେ ଷଷ୍ଠ ଓ ରାଜ୍ୟସ୍ତରରେ ପ୍ରଥମ ସ୍ଥାନ, ବିକାଶ ନର୍ସିଂ କଲେଜ “ଷ୍ଟୁଡେଣ୍ଟ୍ ଡାଇଭର୍ସିଟି” କ୍ୟାଟେଗୋରୀରେ ଜାତୀୟ ସ୍ତରରେ ପଂଚମ ଓ ରାଜ୍ୟସ୍ତରରେ ପ୍ରଥମ ସ୍ଥାନରେ ରହିଛି । ୨୮ ମଇ ୨୦୨୨ ରେ ଦି ଲୀଲା ଏମ୍ବିଆନ୍ସ୍ ହୋଟେଲ୍ ଏଣ୍ଡ୍ ରେସିଡେନ୍ସ୍‌, ନୂଆଦିଲ୍ଲୀଠାରେ ଅନୁଷ୍ଠିତ ଏହି ପୁରସ୍କାର ବିତରଣୀ କାର୍ଯ୍ୟକ୍ରମରେ ବିକାଶ ଶିକ୍ଷାନୁଷ୍ଠାନର ଡାଇରେକ୍ଟର ଡ.ସମରେନ୍ଦ୍ର ନାଥ ପଣ୍ଡା ବିକାଶ ତରଫରୁ ପୁରସ୍କାରଗୁଡ଼ିକୁ ଗ୍ରହଣ କରିଥିଲେ । ଏହି ଏଜୁକେସନ୍ ୱାର୍ଲ୍ଡ୍ ଇଣ୍ଡିଆନ୍ ହାୟର୍ ଏଜୁକେସନ୍ ଗ୍ରାଣ୍ଡ୍ ଜୁରୀ ର‌୍ୟାଙ୍କିଂ ୨୦୨୨-୨୩ ପାଇଁ ଆବେଦନର ପ୍ରକ୍ରିୟା ଡାଇରେକ୍ଟର ଏକାଡେମିକ୍ସ୍ ଶ୍ରୀ ଜି.ରାମକ୍ରୀଷ୍ଣା ଙ୍କ ତତ୍ୱାବଧାନରେ ସଂପାଦିତ ହୋଇଥିଲା । ବିକାଶ ଗ୍ରୁପ୍ ର ଚେୟାର୍‌ମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ସମସ୍ତ କାର୍ଯ୍ୟକର୍ତା ଓ ଛାତ୍ରଛାତ୍ରୀମାନଙ୍କୁ ଏହି ସଫଳତାର ଶ୍ରେୟ ଦେବାସହ ଆଗାମୀ ଦିନରେ ବିକାଶ ଅଣ୍ଡର୍‌ଗ୍ରାଜୁଏଟ୍ କ୍ୟାମ୍ପସ୍‌କୁ ଏକ ବିଶ୍ୱବିଦ୍ୟାଳୟକୁ ରୂପାନ୍ତରିତ କରିବାରେ ସମସ୍ତଙ୍କ ସହଯୋଗ କାମନା କରିଛନ୍ତି । ବିକାଶ ଗ୍ରୁପ୍ ର ମ୍ୟାନେଜିଂ ଡାଇରେକ୍ଟର ଶ୍ରୀ ଜି.ଭାସ୍କର ରାଓ, ଏକ୍‌ଜିକ୍ୟୁଟିଭ୍ ଡାଇରେକ୍ଟର ଶ୍ରୀ ଭି.ଶ୍ରୀନିବାସ ଓ ଡାଇରେକ୍ଟର ଏଡ୍‌ମିନିଷ୍ଟ୍ରେସନ୍ ଶ୍ରୀ ଡି.ବିବେକ କୁମାର ଉକ୍ତ ସଫଳତାର ଶ୍ରେୟ ମହାବିଦ୍ୟାଳୟ ମାନଙ୍କର ଉଚ୍ଚମାନର ଶିକ୍ଷାପ୍ରଣାଳୀ, ସମସ୍ତ ଅଧ୍ୟକ୍ଷ-ଉପାଧ୍ୟକ୍ଷ, ଅଧ୍ୟାପକ-ଅଧ୍ୟାପିକା, ମେଧାବୀ ଛାତ୍ରଛାତ୍ରୀ ଓ ଅଭିଭାବକମାନଙ୍କୁ ଦେଇଛନ୍ତି । ୩୧ ମଇ ୨୦୨୨ ରେ ବିକାଶ ଅଡିଟୋରିୟମ୍‌ରେ ଏକ ସମ୍ବର୍ଦ୍ଧନା ସଭା ଆୟୋଜନ କରାଯାଇ ଏହି ପୁରସ୍କାରଗୁଡ଼ିକୁ ବିକାଶ ଡିଗ୍ରୀ କଲେଜର ଅଧ୍ୟକ୍ଷ ଡ.ସମରେନ୍ଦ୍ର ନାଥ ପଣ୍ଡା, ବିକାଶ ଇନ୍‌ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜିର ଅଧ୍ୟକ୍ଷ ଇଂ.ଅଜୟ କୁମାର ମହାପାତ୍ର, ବିକାଶ ସ୍କୁଲ୍ ଅଫ୍ ବିଜ୍‌ନେସ୍ ମ୍ୟାନେଜ୍‌ମେଣ୍ଟ୍‌ର ଅଧ୍ୟକ୍ଷ ଡ.କ୍ଷୀରୋଦ ପ୍ରଧାନ, ବିକାଶ ଲ’ ସ୍କୁଲ୍‌ର ଅଧ୍ୟକ୍ଷ ଡ.ବିକ୍ରମ କୁମାର ଦାସ, ବିକାଶ ନର୍ସିଂ କଲେଜର ଅଧ୍ୟକ୍ଷା ଶ୍ରୀମତୀ ୱାଇ.ଡି. ଷ୍ଟେଲା ପ୍ରମୁଖଙ୍କୁ ଉପାଧ୍ୟକ୍ଷ, ଅଧ୍ୟାପକ-ଅଧ୍ୟାପିକାଙ୍କ ଉପସ୍ଥିତିରେ ଚେୟାର୍‌ମେନ୍ ଶ୍ରୀ ଡି.ମୂରଲୀ କ୍ରୀଷ୍ଣା ପ୍ରଦାନ କରିଥିଲେ ।