28-May-2022

ବିନିକା(ହିମାଂଶୁ ଶେଖର ପୁଟେଲ): ବିନିକା ବ୍ଳକ ମହଦା ପଞ୍ଚାୟତ ଶିଆଳି ରାସ୍ତାରେ ଆଜିଏକ ବାଇକ ଦୁର୍ଘଟଣାରେ ଜଣେ ମୃତ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି।ଖବରରୁ ପ୍ରକାଶ ଯେ ମହଦା ଗ୍ରାମର ପୀତବାସ ନାଏକ (୨୮) ଓ ପୌଲସ୍ତି ବାଘ(୨୭) ଦୁଇ ଜଣ ବ୍ୟକ୍ତି ଏକ ବାଇକ ଯୋଗେ  ଯାଉଥିବା ବେଳେ ଅଚାନକ ବାଇକଟି ଭାରସାମ୍ୟ ହରାଇ ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଥିଲା ଫଳରେ ଉଭୟେ ତଳେପଡି ଖଣ୍ଡିଆ ଖାବରା ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ଡୁଙ୍ଗୁରିପାଲି ଡାକ୍ତରଖାନାରେ ଚିକିତ୍ସା ପାଇଁ ଭର୍ତ୍ତି କରିଥିଲେ । ଡାକ୍ତର ଦେଖିବା ପରେ ପୀତବାସକୁ ମୃତ ଘୋଷଣା କରିଥିଲେ । ପୌଲସ୍ତିର ଅବସ୍ଥା ଗୁରୁତର ଥିବାରୁ ବୁର୍ଲା ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଛି ।ତେବେ ମୃତ ବ୍ୟକ୍ତି ପୀତବାସର ଶବ ବ୍ୟବଚ୍ଛେଦ ପାଇଁ ବିନିକା ଡ଼ାକ୍ତରଖାନାକୁ ପଠା ଯାଇଥିଲା ।ଘଟଣାସ୍ଥଳକୁ ପୋଲିସ ପହଞ୍ଚି ଗାଡ଼ିଟିକୁ ଜବତ କରିବା ସହ  ତଦନ୍ତ ଆରମ୍ଭ କରିଛି ।