17-May-2022

ଟିଟିଲାଗଡ଼(ପ୍ରେରଣା ଖବର)-ଟିଟିଲାଗଡ଼ ବ୍ଲକ ଅଏଁଲାଭଟା ପ୍ରାଥମିକ ବିଦ୍ୟାଳୟରେ ପିଲାଙ୍କ ପାଠାଗାର କାର୍ଯ୍ୟକ୍ରମ ଏକ ବୌଦ୍ଧିକ ପରିବେଶ ମଧ୍ୟରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ଅଦାବାହାଲ ଗ୍ରାମ ପଞ୍ଚାୟତର ସରପଂଚ ପୁଷ୍ପା ନାଗ ମୁଖ୍ୟ ଅତିଥି ଭାବରେ ଯୋଗ ଦେଇ ଛାତ୍ରଛାତ୍ରୀ ମାନଙ୍କୁ ବାରମ୍ବାର ପୁସ୍ତକ ପଢ଼ି ଗ୍ରନ୍ଥ କୀଟ ହେବାକୁ ପରାମର୍ଶ ଦେଇଥିଲେ । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଅମରାବତୀ ବାଗ ମୁଖ୍ୟ ଅତିଥି

ଭାବରେ ଯୋଗ ଦେଇ ସାଂପ୍ରତିକ ଯୁବ ପିଢ଼ୀଙ୍କ ମଧ୍ୟରେ ମୋବାଇଲ ନିଶା ସମୟ ଅପଚୟ ସହ କେରିୟର ନଷ୍ଟ କରୁଥିବା ନେଇ ଦୁଃଖପ୍ରକାଶ କରିଥିଲେ । ଏହି ଅବସରରେ ଝରଣା ବାଗ, ନିରମତି ସୁନା, ହେରମ୍ବ ବାଗ ପ୍ରମୁଖ କବିତା ପଠନ କରିଥିଲେ । ଏହି ତିନି ଛାତ୍ରୀଙ୍କୁ ପୁରସ୍କୃତ କରାଯାଇଥିଲା । ଆୟୋଜକ କବି ବୃନ୍ଦାବନ କୁମ୍ଭାର ଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସମସ୍ତ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।  ଶେଷରେ ଅଲେଖ ସେଠ୍ ଧନ୍ୟବାଦ ଜ୍ଞାପନ କରିଥିଲେ ।