17-May-2022

ରାଜ୍ୟ ସରକାର ଗତ ପଞ୍ଚାୟତ ନିର୍ବାଚନ ପୂର୍ବରୁ ନୂତନ ଅନୁଦାନ ପ୍ରାପ୍ତ ବିଦ୍ୟାଳୟ  ର ଶିକ୍ଷକ, ତଥା ଶିକ୍ଷା କର୍ମଚାରୀ ମାନଙ୍କୁ ସପ୍ତମ ବେତନ ପ୍ରଦାନ କରିବାକୁ ରାଜ୍ୟ କ୍ୟାବିନେଟ ନିଷ୍ପତି ଉପରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ଓଡ଼ିଶା ସରକାର ଙ୍କ ଆଦେଶ ସଂଖ୍ୟା ୬୩୩ ତା୧୧/୦୧/୨୦୨୨ ଅନୁଯାୟୀ ଜିଲ୍ଲା ଶିକ୍ଷା ଅଧିକାରୀ ବଳାଙ୍ଗିର ଜିଲ୍ଲା ର ୭୫ ବିଦ୍ୟାଳୟ ର ୭୫୦ ରୁ ଅଧିକଶିକ୍ଷକ ତଥା ଶିକ୍ଷା କର୍ମଚାରୀ ମାନଙ୍କ ଦରମା ନିର୍ଦ୍ଧାରଣ କରାଯାଇଛି। କିନ୍ତୁ ଆଳଟମେଣ୍ଟ ନ ଥିବା ଦର୍ଶାଇ ଉପରୋକ୍ତ ବିଦ୍ୟାଳୟ ର ଶିକ୍ଷକ ତଥା ଶିକ୍ଷା କର୍ମଚାରୀ ମାନଙ୍କୁ ପୁରୁଣା ହାରରେ ଦରମା ପ୍ରଦାନ କରାଯାଉଛି।
 ଏହି ସମୟରେ ବିଦ୍ୟାଳୟ ଓ ଗଣଶିକ୍ଷା ବିଭାଗ ଓଡ଼ିଶା ସରକାର ଙ୍କ ପତ୍ର ସଂଖ୍ୟା ୧୦୨୫୨ତା୧୩/ ୫/୨୦୨୨ ସପ୍ତମ ବେତନ ପ୍ରଦାନ ର ପଦ୍ଧତି (ମୋଡାଲିଟି) ପ୍ରକାଶ ପାଇ ଉପରୋକ୍ତ ଦିନ ବିଦ୍ୟାଳୟ ଓ ଗଣଶିକ୍ଷା ବିଭାଗ ପକ୍ଷରୁ ପତ୍ର ସଂଖ୍ୟା ୧୦୪୨୧ ତା ୧୩/୦୫/୨୦୨୨ ରେ ପରବର୍ତ୍ତୀ ନିର୍ଦ୍ଦେଶନାମା ଜାରି ପର‌୍ୟ୍ୟନ୍ତ ସ୍ଥଗିତ ରଖାଯାଇଛି।
ବିଦ୍ୟାଳୟ ଓ ଗଣଶିକ୍ଷା ବିଭାଗ ଆଦେଶ ସଂଖ୍ୟା ୬୩୩ ତା ୧୧/୦୧/୨୦୨୨ ଅନୁଯାୟୀ ବିଭିନ୍ନ ଜିଲ୍ଲାରେ ଦରମା ନିର୍ଦ୍ଧାରଣ ପ୍ରକିୟା ଯାରିରହିଥିଵା ସମୟରେ ଅନେକ ଜିଲ୍ଲା ନୂତନ ହାରରେ ଦରମା ପ୍ରଦାନ କରୁଛନ୍ତି।
ସୂଚନାଯୋଗ୍ୟ ଯେ ଉପରୋକ୍ତ ବିଦ୍ୟାଳୟ ଗୁଡ଼ିକ ରେ କାର‌୍ୟ୍ୟରତ ଶିକ୍ଷକ ଶିକ୍ଷା କର୍ମଚାରୀ ମାନଙ୍କୁ ରାଜ୍ୟ ସରକାର ଙ୍କ ବୈମାତୃକ ମନୋଭାବ ଯୋଗୁଁ ସେମାନଙ୍କ ନାର‌୍ୟ୍ୟ ରୁ ବଂଚିତ କରିବା ସହିତ ଉପରୋକ୍ତ ବିଦ୍ୟାଳୟ ରେ ପାଠ ପଢୁଥିବା ଛାତ୍ରଛାତ୍ରୀ ମାନଙ୍କୁ ମଧ୍ୟ ସେମାନଙ୍କ ନ୍ୟାୟୋଚିତ ଅଧିକାର ପ୍ରଦାନ କରୁନଥିବା ଅଭିଯୋଗ ହେଉଛି।
ଏହି ପରିପ୍ରେକ୍ଷୀରେ ଜିଲ୍ଲା ଓଷ୍ଟା କାର‌୍ୟ୍ୟ କାରିଣୀ ର ନିଷ୍ପତ୍ତି କ୍ରମେ ଦୀର୍ଘ ବର୍ଷ ବିନା ଦରମାରେ, ସ୍ବଳ୍ପ ଦରମାରେ,ଅବସର କାଳୀନ ସୁବିଧା ରୁ ବଞ୍ଚିତ ଗ୍ରାମାଞ୍ଚଳରେ ମାଧ୍ୟମିକ ଶିକ୍ଷା ବ୍ୟବସ୍ଥାକୁ ସୁଦୃଢ଼ କରିଥିବା ଶିକ୍ଷକ ଓ ଶିକ୍ଷା କର୍ମଚାରୀ ମାନଙ୍କ ନ୍ୟାୟୋଚିତ ପାଉଣା ପ୍ରାପ୍ୟ ନିମିତ୍ତ ସର୍ବଦା ଚେଷ୍ଟା ରଖିବା ସହିତ ପ୍ରକାଶିତ ମୋଡାଲିଟୀ କୁ ତିବ୍ର ବିରୋଧ କରିବା ପାଇଁଜିଲ୍ଲା ସଭାପତି ଅବନୀ କୁମାର ତ୍ରିପାଠୀ ସଂପାଦକ କୁଶଧ୍ବଜ ସାହୁ ଉପଦେଷ୍ଟା କମିଟି ସଦସ୍ୟ ପୁରନ୍ଦର ଦାଶ, ସୁଧାଂଶୁ ଶେକର ବାବୁ, ପୂର୍ଣ୍ଣଚନ୍ଦ୍ର ମେହେର, ଶଙ୍କର ପ୍ରସାଦ ମିଶ୍ର, ସାରଥୀ ସାହୁ, ଗୋବିନ୍ଦ ବଗର୍ତ୍ତୀ, ରୁଦ୍ର ହେର୍ଣ୍ଣା ରାଜ୍ୟ ସଭାପତି ବିନୋଦ ବିହାରୀ ପାଣିଗ୍ରାହୀ,ସୁଧିର ନାଏକ, ଅନୀଲ କୁମାର ସାହୁ, ତାରାକାନ୍ତ ମିଶ୍ର,ସଂଜିବ ହୋତା,ବରୁଣ ସାହୁ ପ୍ରମୁଖସମସ୍ୟାରଆଶୁ ସମାଧାନନ ହେଲେ ଶିକ୍ଷକ ଶିକ୍ଷା କର୍ମଚାରୀ ଆନ୍ଦୋଳନ ଚେତାବନୀ ଦେଇଛନ୍ତି।।