17-May-2022

କଂଟାବାଞ୍ଜି(ଆନନ୍ଦ ମୋଟେ) ଜାତୀୟ ଏବଂ ରାଜ୍ୟ ଖାଦ୍ୟ ସୁରକ୍ଷା ଆଇନ ଯୋଜନାରେ ହିତାଧିକାରିଙ୍କୁ ସହାୟତା ପ୍ରଦାନ କାର୍ଯ୍ୟକ୍ରମ କଂଟାବାଞ୍ଜି ସହରରେ ଅନୁଷ୍ଠିତ ହୋଇଥିଲା । ଜୌତି ଏବଂ ଜୟମ୍ବା ଏସଏସଜି ଗ୍ରୁପ ପକ୍ଷରୁ କଂଟାବାଞ୍ଜି ରୋଡ ନମ୍ବର ୩ରେ ଥିବା ମୈତ୍ରିସପ୍ ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କଂଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ମୁଖ୍ୟ ଅତିଥି ଭାବ ଯୋଗ ଦେଇ ଏହାର ଶୁଭାରମ୍ଭ କରିଥିଲେ । କଂଟାବାଞ୍ଜି ୧୬ ଟି ୱାର୍ଡର ଯୋଗ୍ୟ ହିତାଧିକାରି ମାନଙ୍କୁ ମାଗଣାରେ ୬ ମାସର ଚାଉଳ ଏହି ଯୋଜନା ମାଧ୍ୟମରେ ଦେବାର ବ୍ୟବସ୍ଥା ରହିଛି । ବର୍ତମାନ ସମୟରେ ୪ ମାସର ଚାଉଲ ଦିଆଯାଉଥିବା ବେଳେ ପରିବର୍ତ ସମୟରେ ପୁଣି ୨ ମାସର ଚାଉଳ ମାଗଣା ଦିଆଯିବା ବୋଲି ଜଣାଯାଇଛି । କରୋନା ସମୟରେ ଗରିବ ମାନଙ୍କ ମେରୁଦଣ୍ଡ ଭାଙ୍ଗିଯାଇଥିବା ବେଳେ ଏଭଳି ଯୋଜନା ଯୋଗୁ ବର୍ତମାନ ସମୟରେ ଗରିବ ମୁଖ୍ୟସ୍ରୋତକୁ ଯିବାରେ ସାହାର୍ଯ୍ୟ କରିବ ବୋଲି ବିଧାୟକ କହିଥିଲେ । କଂଟାବାଞ୍ଜି ଏନଏସିର ୩୭୮୫ ହିତାଧିକାରି ଏହି ଯୋଜନାର ଲାଭ ପାଇବେ । ତେବେ ଆଜିର ଏହି କାର୍ଯ୍ୟକ୍ରମରେ ଜୌତି ଏସଏସଜି ଗ୍ରୁପ ସଭାନେତ୍ରୀ ବାସନ୍ତି ପୁଞ୍ଜି, ସଂପାଦିକା ଦିପାଞ୍ଜଲି ଜୁଏଡ, ବାବୁଲି ମହାନ୍ତି, ୟୁନୁସ ଦାଉଦ, ଅନିଲ ସୋନି ପ୍ରମୁଖ ଉପସ୍ଥିତ ଥିଲେ ।