20-Nov-2020

ସମ୍ବଲପୁର, (ସଞ୍ଜିବ ପାଣିଗ୍ରାହୀଙ୍କ ରିପୋର୍ଟ): ଆଜି ସକାଳ ୯. ୪୦ ରୁ ୯.୫୦ ମଧ୍ଯ ରେ ଠେଲକୋଲେଇ ଥାନା ଅନ୍ତର୍ଗତ ଗୁମୁକାରମା ପାଖ ଡୁଡୁମକାନୀ ଗାଁର ରାଜୀବ କିସାନ (୩୦) ନାମକ ଜଣେ ବ୍ଯକ୍ତି ଆସି ହଠାତ ତହସିଲ ଅଫିସ କୁ ପଶି ନିଆଁ ଲଗାଇଦେଇଥିଲା । ଫଳରେ ତହସିଲରେ ଥିବା ମୂଲ୍ଯବାନ କାଗଜପତ୍ର ସହ ବିଭିନ୍ନ ଇଲେକ୍ଟ୍ରୋନିକ୍ସ ସାମଗ୍ରୀ ସଂପୁର୍ଣ୍ଣ ଭାବରେ ପୋଡିଯାଇଛି।  ଘଟଣାର ଖବର ପାଇ ରେଙ୍ଗାଲିର ଅଗ୍ନିଶମ ବିଭାଗ ଆସି ନିଆଁ କୁ ଆୟତ୍ତ କରିଥିବା ବେଳେ  ରେଙ୍ଗାଲି ଥାନା ଅଧିକାରୀ ଧବଲେଶ୍ବର ସାହୁ ଦୁର୍ବୁତ୍ତ କୁ ଆଣି ଥାନାରେ ଅଟକ ରଖିଛନ୍ତି।  ଘଟଣା ସମୟରେ ତହସିଲ ଅଫିସରେ ଉପସ୍ଥିତ ଥିବା କର୍ମଚାରୀ ଘଟଣାକୁ ଆୟତ୍ତ କରିପାରିଥାନ୍ତେ କିନ୍ତୁ ଅସାବଧାନତା ହେତୁ ଦୁର୍ବୁତ୍ତ ନିଆଁ ଲଗାଇଲା ବୋଲି ଅଭିଯୋଗ ହୋଇଛି l ରେଙ୍ଗାଲି ଅଞ୍ଚଳ ରେ ଶିଳ୍ପ କାରଖାନା ଗଢି ଉଠିବାପରେ ନିରିହ ଗରିବ ଆଦିବାସୀ ମାନଙ୍କର ଜମି କୁ ହଡପ କରି ବେଆଇନ ଭାବେ ବିକ୍ରି କରିବା ନଜିର ରହିଛି । ଏହା ଉପରେ ତହସିଲରେ ବାରମ୍ବାର ଅଭିଯୋଗ କଲେ ମଧ୍ଯ କୌଣସି ସୁଫଳ ନପାଇବା ଫଳରେ ଲୋକେ ଆଇନ କୁ ହାତକୁ ନେଉଥିବା ଦେଖାଯାଉଛି । ଘଟଣା ପରେ ଉପଜିଲ୍ଲାପାଳ ମୟୁରିସ ସୁରିୟାନ୍ସ ସଦର ଏସଡିପିଓ ତପନ କୁମାର ମହାନ୍ତି ଏବଂ ଅନ୍ଯ ଅଧିକାରୀ ମାନେ ଘଟଣାସ୍ଥଳକୁ ପରିଦର୍ଶନ କରି ଫେରିଛନ୍ତି । ଘଟଣାର କୁ ନେଇ ରେଙ୍ଗାଲି ଥାନାରେ କେସ୍ ନଂ ୧୧୧ ଏବଂ ଭାରତୀୟ ଦଣ୍ଡ ବିଧାନଆଇନ୍ ୪୩୪ ରେ କେସ୍ ରୁଜୁ କରାଯାଇ ତଦନ୍ତ କରାଯାଉଛି ।