12-May-2022

ବଲାଙ୍ଗୀର(ପ୍ରେରଣା ଖବର) ଆଜି ସକାଳେ ମନୋହରପୁର ପୋଲିସ କଲୋନୀ ସ୍ଥିତ ମନୋହରପୁରଉଚ୍ଚ ପ୍ରାଥମିକ ବିଦ୍ୟାଳୟ ର ବାର୍ଷିକୋତ୍ସବ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ବଲାଙ୍ଗୀର ପୌରାଧ୍ୟକ୍ଷା ଲିକା ସାହୁ ଯୋଗ ଦେଇ ଛାତ୍ରଛାତ୍ରୀ ମାନେ ଦୃଢ଼ ଆତ୍ମବିଶ୍ୱାସ ର ପାଠ ପଢ଼ି ଦେଶ ର ନାଁ କରିବାକୁ ପରାମର୍ଶ ଦେଇଥିଲେ । ସ୍କୁଲର ପ୍ରଧାନ ଶିକ୍ଷୟିତ୍ରୀ ବିଜୟଲକ୍ଷ୍ମୀ ମିଶ୍ରଙ୍କ ପୌରହିତ୍ୟରେ ଅନୁଷ୍ଠିତ ଏହି ଉତ୍ସବରେ ଅନ୍ୟତମ ଅତିଥି ଭାବରେ ୧୮ ନମ୍ବର ୱାର୍ଡର କାଉନସିଲର ଗଙ୍ଗାଧର ଚାନ୍ଦ, ସିଆର୍‌ସିସି ବନବିହାରୀ ସେଠ ଓ ସ୍କୁଲର ପରିଚାଳନା କମିଟିର ସଭ୍ୟ ନିଶିକାନ୍ତ କୁମ୍ଭାର ପ୍ରମୁଖ ମଂଚାସୀନ ରହି ନିଜର ବକ୍ତବ୍ୟ ଉପସ୍ଥାପନ କରିଥିଲେ । ସଭାକୁ ଶିକ୍ଷୟିତ୍ରୀ ଯାଜ୍ଞସେନୀ ତ୍ରିପାଠୀ ପରିଚାଳନା କରିଥିବା ବେଳେ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଉତ୍ସବକୁ ସଫଳ କରିବାରେ ସହଯୋଗ କରିଥିଲେ । ସଭା ଶେଷ ହେଲା ପରେ ସ୍କୁଲ ଛାତ୍ରଛାତ୍ରୀ ମାନଙ୍କ ଦ୍ୱାରା ନାଚଗୀତ ଓ ବିଭିନ୍ନ ରଙ୍ଗାରଙ୍କ କାର୍ଯ୍ୟକ୍ରମ ପରିବେଷଣ ହୋଇଥିଲା । ଏହି ଅବସରରେ ପ୍ରଧାନଶିକ୍ଷୟିତ୍ରୀ ଶ୍ରୀମତୀ ମିଶ୍ର ସ୍କୁଲର ବିଭିନ୍ନ ବିକାଶମୁଳକ କାର୍ଯ୍ୟ  ଉପରେ ପୌରାଧ୍ୟକ୍ଷାଙ୍କ ଦୃଷ୍ଟି ଆକର୍ଷଣ କରିବା ସହ ଆଗାମୀ ଦିନରେ ସ୍କୁଲର ପାରିପାଶ୍ୱିର୍କ ବିକାଶ ଓ ସ୍କୁଲ ଗୃହ ଗୁଡିକର ମରାମତି ଦିଗରେ ପଦକ୍ଷେପ ଗ୍ରହଣ କରିବାକୁ ଅନୁରୋଧ କରିଥିଲେ ।