11-May-2022

ପାଟଣାଗଡ଼(ରୁପେନ୍ଦ୍ର ମୁଣ୍ଡା) ସ୍ଵାଧୀନତା ସଂଗ୍ରାମୀ ବିର୍ସା ମୁଣ୍ଡା , ସୋସିଆଲ ଆକ୍ଟିଶିଷ୍ଟ ଜ୍ୟୋତିରାଓ ଫୁଲେ ଏବଂ ସମ୍ବିଧାନ ପ୍ରଣେତା ବି.ଆର ଆମ୍ବେଦକରଙ୍କ ପ୍ରତିମୂର୍ତ୍ତି ମାଲପଡ଼ା ଏସ.ଏସ.ଡ଼ି କଲେଜ ସମ୍ମୁଖରେ ଉନ୍ମୋଚିତ ହୋଇଛି । ବିର୍ସା , ଆମ୍ବେଦକର , ଫୁଲେ ମୂର୍ତ୍ତି ଉନ୍ମୋଚନ କମିଟି ପକ୍ଷରୁ ୩ ପ୍ରଜ୍ଞା ପୁରୁଷଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇଛି । ଏହି ଅବସରରେ ଏକ ସଭା ଆୟୋଜନ କରାଯାଇଥିଲା । ଏଥିରେ ମୁଖ୍ୟ ଅତିଥି ଭାବେ ସତୀଶ ଗଜଭିୟେ (ଆଇପିଏସ) ଆଇଜିପି କମ୍ୟୁନିକେସନ ଓଡ଼ିଶା ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ପାଟଣାଗଡ଼ ଉପଜିଲ୍ଲାପାଳ ବିଜୟାନନ୍ଦ ସେଠି ସୋସିଆଲ ଆକ୍ଟିଭିଷ୍ଟ ଅଭିରାମ ମଲ୍ଲିକ , ତରଣୀ ସୁନା , କର୍ଣ୍ଣ ସୁନାଇ , ( ଖପ୍ରାଖୋଲ ବିଡିଓ ) ରଶ୍ମି ରଞ୍ଜନ ରାଉତ , ପ୍ରଭାତୀ ସେଟ , ( ଖପ୍ରାଖୋଲ ରେଞ୍ଜର ) ଗିରିଧର ନାଗ , ଲିଙ୍ଗରାଜ ଆଜାଦ , ( ନୂଆପଡ଼ା ବିଇଓ ) ହେମ ସାଗର ମହାନନ୍ଦ ଓ ଡିକସନ ମହାନନ୍ଦ ଯୋଗ ଦେଇଥିଲେ । ମାଲପଡ଼ା ଗ୍ରାମରୁ ଏକ ଶୋଭାଯାତ୍ରା ବାହାରିଥିଲା । ମୁଖ୍ୟ ଅତିଥିଙ୍କ ଦ୍ବାରା ତିନି ପ୍ରଜ୍ଞା ପୁରୁଷଙ୍କ ମୂର୍ତ୍ତି ଉନ୍ମୋଚନ କରାଯାଇଥିଲା । ସଭାରେ ଅତିଥି ବୃନ୍ଦ ସେହି ମହାନ ଜନନାୟକମାନଙ୍କ ଗୁଣଗାନ କରିବା ସହିତ ଦେଶ ଲାଗି ତାଙ୍କର ଅବଦାନ ବିଷୟରେ ବକ୍ତବ୍ୟ ରଖିଥିଲେ। ଏହି କାର୍ଯ୍ୟକ୍ରମରେ ମାଲପଡ଼ା ଡାଇସ ଯୁବ ଅନୁଷ୍ଠାନ ଓ ସାବାସ ଲାଠୋରର ସମସ୍ତ ସଦସ୍ୟ ସହଯୋଗ କରିଥିଲେ । ଗଜମଣି ବାଗ ମଞ୍ଚ ପରିଚାଳନା କରିଥିବାବେଳେ ମୁକେଶ ସୁନା ଧନ୍ୟବାଦ ଅର୍ପଣ କରିଥିଲେ। ଶାନ୍ତି ଶୃଙ୍ଖଳା ରକ୍ଷା ଲାଗି ପୋଲିସ ମୁତୟନ କରାଯାଇଥିଲା ।