11-May-2022

କଳାହାଣ୍ଡି,କୋକସରା(ତ୍ରିନାଥ ବେଶ୍ରା): ଆଜି ପ୍ରଥମ ପର୍ଯ୍ୟାୟରେ କୋକସରା ବ୍ଲକର ୩ ଟି ପଞ୍ଚାୟତର ନବ ନିର୍ବାଚିତ ଜନ ପ୍ରତିନିଧିମାନଙ୍କୁ ନାଗରିକ ବିକାଶ ସଂଗଠନ ଦ୍ଵାରା ଏକ ତାଲିମ୍ କାର୍ଯ୍ୟକ୍ରମ  ବଡ଼ପୋଡାଗୁଡ଼ା ପଞ୍ଚାୟତ  ସ୍ଥିତ ରାଜୀବଗାନ୍ଧୀ ସେବା ନିର୍ମାଣ କେନ୍ଦ୍ରରେ  ଆୟୋଜନ କରାଯାଇଥିଲା। ଗ୍ରାମ ପଞ୍ଚାୟତ ତଥା ଆମପାଣି, ବଡ଼ପୋଡ଼ାଗୁଡ଼ା ଏବଂ କାଉଡୋଳାର ସରପଞ୍ଚ,ସମିତି ସଭ୍ୟ, ନାଏବ ସରପଞ୍ଚ,ୱାର୍ଡ ମେମ୍ବର ଏବଂ ଗୋଷ୍ଠୀ 

ସଦସ୍ୟା ଉପସ୍ଥିତ ରହି ଏହି କାର୍ଯ୍ୟକ୍ରମକୁ ସଫଳ କରିଥିଲେ। ବ୍ଳକ ସଂଯୋଜକ ଉପେନ୍ଦ୍ର ସୁନାନୀ ଆତ୍ମଶକ୍ତି ଟ୍ରଷ୍ଟ,ଓଡ଼ିଶା ଶ୍ରମଜୀବୀ ମଞ୍ଚ  ଓ ମହିଳା ଶ୍ରମଜୀବୀ ମଞ୍ଚ ଓଡ଼ିଶା ଏବଂ ତାର  ୧୭ ଗୋଟି  ଜିଲ୍ଲାରେ ଥିବା ସଦସ୍ଯ ସଂଗଠନ ସମୁହ ର ଲକ୍ଷ ଉଧେଶ୍ୟ ସହିତ ୨୦୦୯ ରୁ ୨୦୨୨ ପର୍ଯ୍ୟନ୍ତ  ଦୀର୍ଘ ୧୨ ବର୍ଷର ସମସ୍ତ କାର୍ଯ୍ୟକ୍ରମକୁ  ଉପସ୍ଥାପନ କରିଥିଲେ। ଏବଂ ସଂଗଠନଟିକୁ ଦୀର୍ଘସ୍ଥାୟୀ କରିବାର ପ୍ରକ୍ରିୟାଟିକୁ ଆଲୋକପାତ କରିଥିଲେ  l ଗ୍ରମାଞ୍ଚଳରେ ଦେଖାଯାଉଥିବା ସାମୁହିକ ଓ ବ୍ୟକ୍ତିଗତ୍ ସମସ୍ୟାକୁ କିପରି ଆଶୁ ସମଧାନ କରାଯିବ ଏବଂ କିପରି ପ୍ରଶାସନ ପାଖରେ ପହଞ୍ଚି  ପାରିବ ତାର ସରଳ ଉପାୟ ବର୍ତ୍ତମାନର ଡ଼ିଜିଟାଳ ଯୁଗ ଯାହାକି ସୋସିଆଲ୍ ମିଡ଼ିଆ ଏବଂ  ଟ୍ୱିଟର  ବ୍ୟବହାର କରିବା ଉପରେ  ଆଲୋଚନା କରିଥିଲେ। ଜନସାଥୀ ତ୍ରିନାଥ ବେଶ୍ରା ଜନ ପ୍ରତିନିଧିଙ୍କ ଦାୟୀତ୍ବ ଓ କର୍ତବ୍ୟ ,ପଞ୍ଚାୟତରାଜ ବ୍ୟବସ୍ଥା, ପଞ୍ଚାୟତର ବଜେଟ୍, ପଲ୍ଲୀସଭା ଓ ଗ୍ରାମସଭା ଉପରେ ଉପସ୍ଥିତ ସମସ୍ତ ଜନପ୍ରତିନିଧି ମାନଙ୍କୁ ପ୍ରାଞ୍ଜଳ ଭାବେ ବୁଝାଇ ଦେଇ ଥିଲେ।ଏଥି ସହିତ ସମସ୍ତ ଜନ ପ୍ରତିନିଧି ମାନେ ନିଜ ପଞ୍ଚାୟତର ଉନ୍ନତି ଓ ବିକାଶ କ୍ଷେତରେ ଆଗେଇ ନେବାକୁ ନିଜର ମତ ବ୍ୟକ୍ତ କରିଥିଲେ।ଆଗାମୀ ଦିନରେ ଏହିପରି ସଙ୍ଗଠନ ଓ ସ୍ଵେଛାସେବୀ ଅନୁଷ୍ଠାନ ମାନଙ୍କ ସହଯୋଗରେ ନିଜ ଅଞ୍ଚଳର ଉନ୍ନତି କରିବାରେ ଆମେ ସହଯୋଗ ଓ ସହାୟତା ର ହାତ ବଢାଇବାକୁ ପ୍ରତିଶୃତି ଦେଇଥିଲେ। ସଂଗଠନର ସାଥୀ ହେମାମାଳିନୀ ନାଏକ ଓ ମୁକ୍ତା ଠାକୁର  ସମ୍ବିଧାନ ମୁଖବନ୍ଧ ପଢି ଶପଥ ପାଠ କରାଇଥିଲେ। ଶେଷରେ ଜନସାଥୀ ତ୍ରିନାଥ ବେଶ୍ରା ଉପସ୍ଥିତ ସମସ୍ତଙ୍କୁ ଧନ୍ୟବାଦ ଜ୍ଞାପନ କରି ତାଲିମ କାଯ୍ୟକ୍ରମକୁ ସମାପ୍ତ କରାଯାଇ ଥିଲା l