10-May-2022

-ସମ୍ବଲପୁର(ପ୍ରେରଣା ଖବର) - ବିଶ୍ୱ ମାତୃଦିବସ ଉପଲକ୍ଷେ "କବିତା ଝଙ୍କାର ସାହିତ୍ୟ ସଂସଦ"ଦ୍ୱାରା ଅନଲାଇନ ମାଧ୍ୟମରେ କବିତା ଆସର ଆୟୋଜିତ ହୋଇଥିଲା।କବିତା ଝଙ୍କାର ସାହିତ୍ୟ ଅନୁଷ୍ଠାନର ପ୍ରତିଷ୍ଠାତା ତଥା ମୁଖ୍ୟ ସମ୍ପାଦକ ଶିବାତ୍ମକ ପଣ୍ଡାଙ୍କ ଅଧ୍ୟକ୍ଷତାରେ କାର୍ଯ୍ୟକ୍ରମର ମୁଖ୍ୟଅତିଥି ଭାବରେ ସୁକିନ୍ଦା ମହାବିଦ୍ୟାଳୟର ଶିକ୍ଷାବିଭାଗର ବିଭାଗମୁଖ୍ୟ ଡ଼ଃ ଲଷ୍ମୀକାନ୍ତ ଦାଶ ଓ ମୁଖ୍ୟବକ୍ତା ଭାବରେ ଗଙ୍ଗାଧର ମେହେର ବିଶ୍ୱବିଦ୍ୟାଳୟର୍ ଓଡ଼ିଆ ଭାଷା ଏବଂ ସାହିତ୍ୟ ବିଭାଗର ସହଯୋଗୀ ଅଧ୍ୟାପକ ଡ଼ଃ ରଞ୍ଜନ ସେଠି ଯୋଗଦେଇଥିଲେ ।କବିତା ଝଙ୍କାର ସାହିତ୍ୟ ସଂସଦର ମୁଖ୍ୟ ଉପଦେଷ୍ଟା ତଥା ସୁବର୍ଣ୍ଣପୁର ଜିଲ୍ଲାର ମୁଖ୍ୟ ରେଡ଼କ୍ରସ ଅଧିକାରୀ ଶ୍ରୀ ରବିଚନ୍ଦ୍ର ପସାୟତ ଏହି ସଭାକୁ ସଭାପତିତ୍ୱ କରିଥିଲେ ।  ଆୟୋଜିତ ସଭାରେ 'ଗଙ୍ଗାଧର ସାହିତ୍ୟରେ ନାରୀ ର ଚରିତ୍ର' ଏବଂ 'ବିଗତ ଓ ଆଧୁନିକ ନାରୀ ଚରିତ୍ର 'ଉପରେ ଆଲୋଚନା କରାଯାଇଥିଲା।  ଦ୍ଵିତୀୟ ଅଧିବେଶନରେ  କବିୟତ୍ରୀ ତଥା ସମାଜସେବୀ ପୁଷ୍ପାଳତା ମିଶ୍ର ଏବଂ ସନ୍ଥକବି ଭୀମଭୋଇ ସାହିତ୍ୟ ସଂସଦର ସଭାପତି ଗାୟତ୍ରୀ ସିଂ ଙ୍କ ସଂଯୋଜନାରେ ଆୟୋଜିତ ହୋଇଥିବା କବିତା ପାଠୋତ୍ସବରେ ବହୁ କବିଗଣ ନିଜସ୍ୱ କବିତା ପାଠ କରିଥିଲେ ।ଉକ୍ତ ଆୟୋଜିତ ସଭାରେ ରାଜ୍ୟ ସହଯୋଗୀ ସମ୍ପାଦକ ପଞ୍ଚାନନ ଜାଲ, ସ୍ରୋତସ୍ୱିନୀ କବିତା ଝଙ୍କାର ର୍ ସମ୍ପାଦକ ଚୁନିଲ କୁମାର ଗଙ୍ଗଦେଵ,ମନ୍ଦାକିନୀ କବିତା ଝଙ୍କାର ର୍ ସମ୍ପାଦକ ପିଙ୍କୁ ରଣବିଡା,ରାଜ୍ୟ ଯୁଗ୍ମ ସମ୍ପାଦକ ଶୁଭମ ନନ୍ଦ ଆଦି ଯୋଗଦାନ ଦେଇଥିଲେ।  ଶେଷରେ ପ୍ର କବିତା ଝଙ୍କାରର ରାଜ୍ୟ ସଂଯୋଜିକା ପୁଷ୍ପାଳତା ମିଶ୍ର ଧନ୍ୟବାଦ ଅର୍ପଣ କରିଥିଲେ ।ସର୍ବ ଶେଷରେ କବିତା ଝଙ୍କାର ସାହିତ୍ୟ ସଂସଦ ର୍ ରାଜ୍ୟ ସଭାପତି କୃଷ୍ଣଚନ୍ଦ୍ର ବାରିକ ନିଜର ସ୍ୱରଚିତ କବିତା ପାଠ କରି ସଭା ସାଙ୍ଗ କରିଥିଲେ ।