26-Apr-2022

ଲୋଇସିଂହା/ଆଗଲପୁର, (ବିନୋଦ କୁମାର ଦୀପ) ବଲାଙ୍ଗିର ଜିଲ୍ଲା ଆଗଲପୁର ବ୍ଲକରେ ଲଘୁ ଖଣିଜ ପଦାର୍ଥର ଚୋରାଚାଲାଣ ଦିନକୁ ଦିନ ବଢ଼ିବାରେ ଲାଗିଛି l ବ୍ଲକରେ ମୁଖ୍ୟତଃ ବାଲି, ପଥର, ମୋରମ ଇତ୍ୟାଦି ଅଧିକ ପରିମାଣରେ ଚୋରି ହେଉଛି l ଲୋକେ ବେଖାତିର ଭାବରେ  ଚୋରି କରିବାରେ ଲାଗପଡିଛନ୍ତି l ତହସିଲ ଅଫିସ ତରଫରୁ ଅନେକ ଥର ଅନେକ ଜାଗାରେ ବହୁ ଚୋରାଚାଲାଣ ଚାଲିଥିବା ଗାଡ଼ି ଗୁଡ଼ିକ ଜବତ୍ କରି ଫାଇନ ମଧ୍ୟ ଆଦାୟ କରାଯାଇଛି l ହେଲେ ଚୋରାଚାଲାଣ କମିବାର ନା ଧରୁନି l ଠିକ୍ ସେମିତି

ଆଜି ଏପରି ଏକ ଚୋରାଚାଲାଣ ଗାଡ଼ି ଗୁଡ଼ିକୁ ତହସିଲ ବିଭାଗ ଜବତ କରାଯାଇଛି l ଆଗଲପୁର ବ୍ଲକର ରୋଥ, ଫଟାମୁଣ୍ଡା ଓ ଦୁଡ଼ୁକାମୁଣ୍ଡା ଗ୍ରାମରୁ ଚୋରାଚାଲାଣ ହେଉଥିବା ବାଲି ବୋଝେଇ ଟ୍ରାକ୍ଟରକୁ ତହସିଲ ବିଭାଗ ର ଏକ ସ୍ବତନ୍ତ୍ର ଟିମ୍ ଚଢାଉ କରି ଗାଡ଼ି ଗୁଡ଼ିକୁ ଜବତ କରିଛି l ଏହି ଟିମରେ ଆଗଲପୁର ତହସିଲଦାର ସୁଚିତା ପୁଷ୍ପା ନିଜେ ଟିମ୍ ସହିତ ଚଢ଼ୌକରି ଜବତ୍ କରି ବାଲି ବୋଝେଇ ଟ୍ରାକ୍ଟରକୁ 25 ହଜାର ଓ ପଥର ବୋଝେଇ ଟ୍ରାକ୍ଟରକୁ 30 ହଜାର ଟଙ୍କା ଫାଇନ ପକାଇଛନ୍ତି l ତହସିଲଦାରଙ୍କ ଠାରୁ ବାଇଟ ନେବାକୁ ଚେଷ୍ଟା କରାଗଲା ହେଲେ ସେ ବାଇଟ୍ ଦେବାକୁ ମନା କରିଥିଲେ l ସେ କାହାରି ନାମ ନ ନେଇ ଏଥିରେ ସମସ୍ତଙ୍କର ହାତ ଅଛି ବୋଲି କହିଥିଲେ l ଜବତ୍ ଗାଡ଼ି ଗୁଡ଼ିକର ନମ୍ବର ହେଉଛି OD 03 D5101, OD 03U 7689, OD 03 D 2386, OD 17E 3517 l